The Cordewaners | ||
251
[Scene III,
The Garden of Gethsemane.]
21.
Jesus.Now will þis oure be neghand full nere,
That schall certefie all þe soth þat I haue saide,
[Go fecche forth þe freyke for his forfette].
Jud.
All hayll, maistir in faith,/And felawes all in fere,
With grete gracious gretyng/On grounde be he graied.
I wolde aske you a kysse,/Maistir, and youre willes were,
For all my loue and my likyng/Is holy vppon ȝou layde.
Jesus.
Full hartely, Judas, haue it even here,
For with þis kissing is mans sone be-trayed.
i Mil.
Whe! stande, traytoure, I telle þe for tane.
Cay.
Whe! do knyghtis, go falle on be-fore.
ii Mil.
Ȝis, maistir, moue þou nomore,
But lightly late vs allone.
[A light shines round Jesus.]
22.
iii Mil.Allas! we are loste, for leme of þis light.
Jesus.
Saye ȝe here, whome seke ȝe?/Do saye me, late see!
i Jud.
One Jesus of Nazareth/I hope þat he hight.
Jesus.
Be-holdis all hedirward, loo!/Here, I am hee!
i Mil.
Stande! dastarde, so darfely/Thy dede schall be dight,
I will no more be abasshed/For blenke of thy blee.
i Jud.
We, oute! I ame mased almost/In mayne and in myght.
252
And I am ferde, be my feyth,/And fayne wolde I flee;
For such a siȝt haue I not sene.
iii Jud.
Þis leme it lemed so light,
I saugh neuer such a siȝt,
Me meruayles what it may mene.
23.
Jesus.Doo, whame seke ȝe all same, ȝitt I saye?
i Jud.
One Jesus of Nazareth,/Hym wolde we negh nowe.
Jesus.
And I am he sothly,/And þat schall I a-saie.
Mal.
For þou schalte dye, dastard,/Sen þat it is þowe.
Pet.
And I schall fande be my feythe þe for to flaye,
Here with a lusshe, lordayne, I schalle þe allowe.
[Cuts off his ear.
Mal.
We! oute! all my deueres are done.
Pet.
Nay, traytoure, but trewly I schall trappe þe I trowe.
Jesus.
Pees! Petir, I bidde þe,
Melle þe nor moue þe no more,
For witte þou wele, and my willis were,
I myght haue poure grete plente:
Melle þe nor moue þe no more,
For witte þou wele, and my willis were,
I myght haue poure grete plente:
24.
Of aungellis full many/To mustir my myght,
For-thy putte vppe þi swerde/Full goodely agayne,
For he þat takis vengeaunce/All rewlid schall be right,
With purgens and vengeaunce/Þat voydes in vayne.
Þou man þat is þus derede/And doulfully dyght,
Come hedir to me sauely,/And I schalle þe sayne,
In þe name of my fadir/Þat in heuene is most vpon hight,
Of thy hurtis be þou hole/In hyde and in hane.
Thurgh vertewe þi vaynes be at vayle.
For-thy putte vppe þi swerde/Full goodely agayne,
For he þat takis vengeaunce/All rewlid schall be right,
With purgens and vengeaunce/Þat voydes in vayne.
253
Come hedir to me sauely,/And I schalle þe sayne,
In þe name of my fadir/Þat in heuene is most vpon hight,
Of thy hurtis be þou hole/In hyde and in hane.
Thurgh vertewe þi vaynes be at vayle.
Mal.
What! ille hayle! I hope þat I be hole.
Nowe I schrewe hym þis tyme þat gyvis tale,
To touche þe for þi trauayle.
25.
i Jud.Do felaws be youre faithe/Late vs fange on in fere,
For I haue on þis hyne.
ii Mil.
And I haue a loke on hym nowe./Howe! felawes, drawe nere.
iii Mil.
Ȝis, by þe bonys þat þis bare,/Þis bourde schall he banne.
Jesus.
Euen like a theffe heneusly/Hurle ȝe me here,
I taught you in youre tempill,/Why toke ȝe me noȝt þanne?
Now haues mekenes on molde/All his power.
i Jud.
Do, do, laye youre handes/Be-lyue on þis lourdayne.
iii Jud.
We haue holde þis hauk in þi handis.
Mal.
Whe! ȝis, felawes, be my faith he is fast!
iv Jud.
Vn-to sir Cayphas I wolde þat he past;
Fare-wele for I wisse we will wenden.
[They lead Jesus away.
The Cordewaners | ||