 | The Prologue of the Doctors |  |
i doctor
O thou Altitude of Al gostly Ryches
O þou incomperhensibele of grete excyllence
O þou luminarye of pure lyghtnes
Shete out þi bemys on-tyl þis Audyens.
2 doctor
O Ffily Altissimi clepyd by eternalyte
Hele þis congregacion with þe salve of þi passyon
And we prey þe spiritus paraclyte
With þe ffyre of þi love to slake All detraccion.
i doctor
To þe pepyl not lernyd I stonde as A techer
Of þis processyon to ȝeve informacion
And to them þat be lernyd As A gostly precher
that in my rehersayl they may haue delectacion.
2
Welcome of þe apostelys þe gloryous qwere
Ffyrst Petyr ȝour prynce And eke ȝour presydent
And Andrewe ȝour half brother to-gedyr in ffere
that Ffyrst ffolwyd Cryst be on Assent.
1
O ȝe tweyn luminaryes Jamys and Jhon
Contynualy brennyng As bryght As þe sonnbem
With þe chene of charyte bothe knyt in on
And offeryd of ȝour modyr to cryst in jherusalem.
2
Welcome Phelypp þat conuertyd samaryan
And conuertyd þe tresorere of þe qwene cavdas
With Jamys þe lesser that Apud jherosolyman
Was mad fyrst patryarke by þe ordenauns of Cephas.
ius
Heyl mathew the Apostel and Also evangelyst
that was clepyd to þe fflok of gostly conuersacion
Ffrom thyrknes of concyens þat ȝe were in ffest
with Bertylmew þat ffled All carnall temptacion.
2us
Heyl Symeon zelotes þus be ȝour name
And Judas þat bothe wel lovyd oure lord
There ffore ȝe haue bothe joye and game
Wher nevyr is sstryff but good A-corde.
ius
Heyl poul grett doctour of þe ffeyth
And vessel chosyn be trewe Eleccion
heyl Thomas of whom þe gospel seyth
in crystys wounde was ȝour refeccion.
2us
Heyl Johan baptyst most sovereyn creature
that evyr was born be naturall conseyvyng
And hyest of prophetys As wytnessyth scrypture
heyl joys þat in desert was All-wey cryeng.
O thou Altitude of Al gostly Ryches
O þou incomperhensibele of grete excyllence
O þou luminarye of pure lyghtnes
Shete out þi bemys on-tyl þis Audyens.
2 doctor
O Ffily Altissimi clepyd by eternalyte
Hele þis congregacion with þe salve of þi passyon
And we prey þe spiritus paraclyte
With þe ffyre of þi love to slake All detraccion.
i doctor
To þe pepyl not lernyd I stonde as A techer
Of þis processyon to ȝeve informacion
And to them þat be lernyd As A gostly precher
that in my rehersayl they may haue delectacion.
2
Welcome of þe apostelys þe gloryous qwere
Ffyrst Petyr ȝour prynce And eke ȝour presydent
And Andrewe ȝour half brother to-gedyr in ffere
that Ffyrst ffolwyd Cryst be on Assent.
1
O ȝe tweyn luminaryes Jamys and Jhon
Contynualy brennyng As bryght As þe sonnbem
With þe chene of charyte bothe knyt in on
And offeryd of ȝour modyr to cryst in jherusalem.
2
Welcome Phelypp þat conuertyd samaryan
And conuertyd þe tresorere of þe qwene cavdas
With Jamys þe lesser that Apud jherosolyman
Was mad fyrst patryarke by þe ordenauns of Cephas.
270
Heyl mathew the Apostel and Also evangelyst
that was clepyd to þe fflok of gostly conuersacion
Ffrom thyrknes of concyens þat ȝe were in ffest
with Bertylmew þat ffled All carnall temptacion.
2us
Heyl Symeon zelotes þus be ȝour name
And Judas þat bothe wel lovyd oure lord
There ffore ȝe haue bothe joye and game
Wher nevyr is sstryff but good A-corde.
ius
Heyl poul grett doctour of þe ffeyth
And vessel chosyn be trewe Eleccion
heyl Thomas of whom þe gospel seyth
in crystys wounde was ȝour refeccion.
2us
Heyl Johan baptyst most sovereyn creature
that evyr was born be naturall conseyvyng
And hyest of prophetys As wytnessyth scrypture
heyl joys þat in desert was All-wey cryeng.
| The Prologue of the Doctors | |