University of Virginia Library

here jhesus goth to betany ward and his dyscipulys folwyng with sad contenawns jhesus seyng
here jhesus and his discipulys go toward þe mount of olyvet and whan he comyth a lytyl þer be-syde in a place lych to A park he byddyt his dyscipulys A-byde hym þer and seyth to petyr or he goth

Petrus
Lord þi request doth me constreyn
In þis place I xal Abyde stylle
Not remeve tyl þat þou comyst Ageyn
In confermyng lord of þi wylle.

here jhesu goth to olyvet and settyth hym down one his knes and prayth to his fadyr þus seyng
Jhesu
here jhesus goth to his dyscipulis and fyndyth hem sclepyng jhesus þus seyng to petyr
here cryst goth Ageyn þe second tyme to olyvet and seyth knelyng
here jhesus goth A-ȝen to his discipulis and fyndyth hem Asclepe Jhesus þus seyng latyng hem lyne

here An Aungel descendyth to jhesus and bryngyth to hym A chalys with An host þer in.
Angelus

here þe Aungel Ascendyth A-ȝen sodeynly.
Jhesu
here goth cryst A-geyn to his dyscipulys and fyndyth hem sclepyng stylle.

here jhesus with his dyscipulis goth in-to þe place and xal come in A x personys weyl be-seen in white Arneys and breganderys and some dysgysed in odyr garmentys with swerdys gleyvys and other

---

265

straunge wepone as cressettys with feyr and lanternys and torchis lyth and judas formest of Al conveyng hem to jhesu be contenawns
Jhesus
þus s[eyng]
Serys in ȝour way ȝe haue gret hast
To seke hym þat wyl not fle
Of ȝow I am ryth nowth A-gast
Telle me serys whom seke ȝe.

leyon
Whom we seke here I telle þe now
A tretour is worthy to suffer deth
We knowe he is here A-mong ȝow
His name is jhesus of nazareth.

Jhesu
here alle þe jewys falle sodeynly to þe Erde whan þei here cryst speke and qwan byddyth hem rysyn þei rysyn Aȝen cryst þus seyng

Rufyne
Jhesus of Nazareth we seke
And we myth hym here A-spye.

Jhesu
I told ȝow now with wordys meke
Be-forn ȝou All þat it was I.

Judas
Welcome jhesu my mayster dere
I haue þe sowth in many A place
I am ful glad I fynd þe here
For I wyst nevyr wher þou wace.

here judas kyssyth jhesus and A-noon Alle þe jewys come A-bowth hym and ley handys on hym and pullyn hym as þei were wode and makyn on hym A gret cry All At-onys and Aftyr þis Petyr seyth
Petrus
I drawe my swerd now þis sel
Xal I smyte mayster fayn wolde I wete.

and forth-with he smytyth of Malcheus here and he cryeth help myn here myn here and cryst blyssyth it and tys hol.
Jhesus

Gamalyel
Lo jhesus þou mayst not þe cace refuse
Bothe treson and eresye in þe is fownde
Stody now fast on þin excuse
Whylys þat þou gost in cordys bownde
Þou kallyst þe kyng of þis werd rownde
Now lete me se þi gret Powere
And saue þi-self here hool and sownde
And brynge þe out of þis dawngere.

leyon
Bryng forth þis tretoure spare hym nowth
On-to Cayphas þi jewge we xal þe ledde
In many A place we haue þe sowth
And to þi werkys take good hede.

Rufyne
Come on jhesus and folwe me
I am ful glad þat I þe haue
Þou xalt ben hangyn up-on A tre
A melyon of gold xal þe not save.

leyon
Lete me leyn hand on hym in heye
On to his deth I xal hym bryng
Shewe forth þi wyche-crafte and nygramansye
What helpyth þe now Al þi fals werkyng.

Jhesu

Gamaly[el]
Serys I charge ȝow not o word more þis nyth
But on-to Cayphas in hast loke ȝe hym lede
Have hym forth With gret dyspyte
And to his wordys take ȝe non hede.

here þe jewys lede cryst outh of þe place with gret cry and noyse some drawyng cryst forward and some bakwarde and so ledyng forth with here weponys A-lofte and lytys brennyng and in þe mene tyme marye magdalene xal rennyn to oure lady and telle here of oure lordys takyng þus seyng
Maria Magdalene

Marya
I wold ȝe xuld telle me mawdelyn and ȝe knew
Ffor to here of hym it is All myn Affeccyon.

Maria Magd[alen]
I wold fayn telle lady and I myth for wepyng
For sothe lady to þe jewys he is solde
With cordys þei haue hym bownde and haue hym in kepyng
Þei hym bety spetously and haue hym fast in holde.

Maria uirgo