The poetical works of Sir Alexander Boswell ... Now first collected and edited, with memoir, by Robert Howie Smith |
 | I. |
EAST NUIK O' FIFE—SONG. |
 | II. |
 | The poetical works of Sir Alexander Boswell |  |
8
EAST NUIK O' FIFE—SONG.
SHE.Auld gudeman, ye're a drunken carle, drunken carle;
A' the lang day ye are winkin', drinkin', gapin', gauntin';
O' sottish loons ye're the pink and pearl, pink and pearl—
Ill-far'd, doited, ne'er-do-weel.
HE.
Hech, gudewife, ye're a flytin' body, flytin' body;
Will ye ha'e walth, troth! but gude be praised, the Wit's awantin';
The puttin' cow sou'd be aye a doddy, aye a doddy.
Mak na sic an awesome reel.
SHE.
Ye're a sow, auld man;
Ye get fou, auld man;
Fye shame, auld man,
To your wame, auld man;
Pinch'd I win, wi' spinnin' tow,
A plack to clead ye're back and pow.
9
It's a lie, gudewife,
It's ye're tea, gudewife;
Na, na, gudewife—
Ye spend a', gudewife;
Dinna fa' on me pell-mell—
Ye like a drap fu' weel yersel.
SHE.
Ye's rue, auld gowk, yer jest and frolick, jest and frolick;
Dare ye say, goose, I ever lik'd to tak a drappy?
In't werena just aiblins to cure the cholick, cure the cholick,
De'il a drap wad weet my mou'.
HE.
Troth, auld gudewife, ye wadna swither, wadna swither,
Soon—soon to tak a cholick whan it brings a cappy;
But twa score o' years we ha'e fought thegither, fought thegither,
Time it is to 'gree, I trow.
SHE.
I'm wrang, auld John,
Ower lang, auld John,
For nought, gude John,
We ha'e fought, gude John;
Let's help to bear ilk ither's weight,
We're far ower feckless now to fecht.
10
Ye're richt, gudewife,
The nicht, gudewife;
Our cup, gude Kate,
We'll sup, gude Kate;
Thegither frae this hour we'll draw,
And toom the stoup atween us twa.
| The poetical works of Sir Alexander Boswell | |