The poetical works of Sir Alexander Boswell ... Now first collected and edited, with memoir, by Robert Howie Smith |
 | I. |
THE MAID OF ISLA—SONG.
|
 | II. |
 | The poetical works of Sir Alexander Boswell |  |
5
THE MAID OF ISLA—SONG.
HE.Ah! Mary, sweetest maid, fareweel,
My hopes are flown, for a's to wreck;
Heaven guard you, love, and heal
Your heart, though mine, alas! must break.
SHE.
Dearest lad, what ills betide?
Is Willie to his love untrue?
Pledg'd the morn to be your bride—
O ha'e ye, ha'e ye, ta'en the rue?
HE.
Ye canna wear a ragged gown,
And beggar wed wi' nought ava;
My kye are lost, my house is down—
My last sheep lies aneath the snaw.
6
Tell na me o' storm or flood,
Or sheep a' smoor'd ayont the hill;
For Willie's sake I Willie loo'd;
Though poor, ye are my Willie still.
HE.
Ye canna thole the wind and rain,
Nor wander friendless far frae hame;
Cheer—cheer your heart, some richer swain
Will soon blot out lost Willie's name.
SHE.
I'll tak my bundle i' my hand,
And wipe the dew-drop frae my e'e;
I'll wander wi' ye ow'r the land—
I'll venture wi' ye ow'r the sea.
HE.
Pardon, love, 'twas a' a snare;
My stocks are safe—we needna part;
I'd forfeit them, and ten times mair,
To clasp thee, Mary, to my heart.
SHE.
Could ye wi' my feelings sport,
Or doubt a heart sae kind and true?
I should wish mischief on ye for't,
But canna wish ought ill to you.
| The poetical works of Sir Alexander Boswell | |