I'LL GANG NAE MAIR TO YON TOWN.
SONG IV.
1
I'll gang nae mair to yon town,
Betide me joy, betide me pain;
I've tint my heart in yon town,
And dare na gang the gate again.
The sun shall cease to thowe the snow,
The corn to shoot with summer rain,
When I gang back to yon town,
To gang the gate my heart has gane.
2
Yestre'en I went to yon town,
With heart in pleasure panting free,
As stag won from the hunter's snare,
As birdie building on the tree.
But ae half-hour tint all my peace,
And lair'd my soul in dole and pain;
And weary fa' the witchcraft wit,
That winna let it free again.
3
Had I but been by Fortune's hand,
In lap of lordly grandeur thrown;
And she had trimm'd the humblest cot,
That ever rose in Caledon:
I'd lapt her in my princely plaid,
My heart in rapture flichtring fain,
And bless'd the happy hour I went,
To see the mirthsome town again.
4
She's fair as summer-smiling morn,
But prouder still I wot she be;
Dread is the journey to her heart,
She measures in her haughty e'e.
But, ah! she's spotless as the flow'r,
New risen 'mang the summer rain;
And I maun gang to yon town,
To see the lovesome lass again.
