Stray Leaves from the Portfolios of Alisander the Seer, Andrew Whaup, and Humphrey Henkeckle Edited by Alexander Rodger |
Songs of the Kirk.
|
Stray Leaves from the Portfolios of Alisander the Seer, Andrew Whaup, and Humphrey Henkeckle | ||
Songs of the Kirk.
THE MOURNFUL LAMENTATION OF THE SILVERSMITHS OF EPHESUS,
AFTER HAVING BEEN REBUKED BY THE TOWN CLERK.
BY HUMPHREY HENKECKLE, EGG-CADGER.
Our temple's proud walls are beginning to shake;
Our darling Diana, our hope and our all,
Now totters, and, Dagon-like, threatens to fall.
Her shrines—not exactly pure silver and gold—
So tarnished have grown, that we can't get them sold,—
While mankind, confound them, are growing so wise,
That truly they're seeing now with their own eyes.
The blinds, which for ages we made them to wear
The guilt-hardened wretches remorselessly tear,
And throw them behind them with pride and disdain,
Declaring they'll ne'er be blindfolded again.
For they've tasted the fruit of the forbidden tree
Of Knowledge, and hence, like ourselves, they can see;
The good that is for them they've sense now to choose,
While that which is evil the rascals refuse.
It has made us to lose all control over man:
Our temples, our statues, our forms, and our creeds,
And all our inventions, which ignorance prized,
By the keen eye of reason are now scrutinised;
While lo! her hand-writing appears on the wall,
A dread Mene Tekel, foredooming our fall.
These new-fangled ‘crafts’ which have sprung up of late,
Invading our rights with mischievous design,
And calling in question our Mission Divine;
Denying our title to Basket and Store,
And styling our lovely Diana a ---.
Nay, worse; there are some grown so wickedly bold,
As our sanctified cloth in derision to hold;
As to laugh at our temple, to mock at our bell,
To throttle our Pluto, and --- out our h---l.
Such wretches as these to perdition must go,
And wail o'er their crimes in the regions below.
Our Fiat is such, and we shall make it good,
By condemning in toto that infidel brood;
For while we're possessed of state temple, and bell,
We'll carry the keys of both heaven and h---l.
But now there awaits us a far other fate;
For lo! half our power in this world is gone,
And that once away, in the next we'll have none.
And rose in our own, and Diana's great cause;
We saw not approaching our sad trying hour;
But madly rushed on in the teeth of the law,
Convinced that our craft would create such an awe
In the minds of all men, as would make them afraid
To undo what we did—to unsay what we said.
Our Bobadil boastings—our sly hidden schemes;
All futile alike; for, O horror and spite!
That law which we laughed at has risen in its might,
And thundered its threatenings so loud in our ears,
As to fill us with awful forebodings and fears;
For the Town Clerk has told us in language most plain,
What awaits us if e'er we turn rebels again.
And the dupes whom we led are let loose from our yoke,
What arts can avail us our power to regain?
For the vail of our temple is riven in twain,
Disclosing our craft's inmost secrets to view,
So long kept concealed from the gullable crew;
And showing Diana, all loathsome and bare,
A spectacle sad for vulgarity's stare.
What stay have we left us? alas, we have none.
But downward, and downward, we fear we must fall,
Neglected, rejected, and hated by all.
Though reft of our glory, our power and our gains;
Though sorrow and suffering be henceforth our fate,
We'll shout till our latest, ‘Diana is great.’
OUR KIRK.
Our kirk, as established by law;
It's braw to belang to a kirk
That's secured by a Parliament wa':
Secured by a Parliament wa',
And built on a parchment rock;
Then how can our kirk ever fa',
When she's law-fenced against ilka shock?
On his Rock of Ages may rest;
We found on a different quarry,
Our rock of Endowment's the best:
Our rock of Endowment's the best,
To erect Mammon's altar upon;
'Tis there we have feathered our nest,
And there we'll reign eagle alone.
The Hindoo in Vishnu puts trust;
The Turk, that vile opium eater,
Pays homage to Mahomet's dust:
While the Jew for Jerusalem sighs;
But, O, his late Majesty's bust
Upon gold, is the god which we prize.
Wi' a' their great light from above?
Poor innocent, tractable dociles,
Their labours were labours of love,
Their labours were labours of love:
Our labours are labours of gain,
Our horse-leech's cry is—‘Give, give!’
Yes, give till we cannot retain.
How loud are their sighs and their moans!
But the rogues must have something instead,
So we'll give them a rickle of stones:
Yea, we'll give them a rickle of stones,
In shape of a bonnie bit kirk;
And we'll join in their tears and their groans,
And gull them by each pious quirk.
Our paunches and pouches to cram;
For wanting such earthly bestowments,
Our craft would be not worth a ---;
Our craft would be not worth a ---,
Unless we were handsomely paid.
But hush, never blab, 'tis all sham,
While the State is our bulwark and aid.
MIND THE BUTTER.
During Dr Chalmers' late visit to the guid town of Greenock, we are assured that he, in the course of an after-dinner speech, spoke nearly as follows:—
‘My brethren and beloved friends, I have been often asked, in the course of these agitations, how much I thought would suffice, if we were to get what we wanted in the shape of Endowments? I always replied that that was a difficult question to answer. But I happened, a few days ago, to be looking through an old book on cookery, and I saw a recipe for some dish or other, I forget the name of it just now—(Laughter)—but the recipe, I think, was a capital answer to the question, how much would suffice for Endowments. After enumerating several items necessary for the preparation of the dish, the recipe added, any quantity of Butter, and the cook was very particular about the Butter, for, (quoth the Doctor,) at the end of the recipe there was this injunction—mind the Butter—be sure to mind the Butter. Now, my friends, (added the Doctor at the close of this climax,) in regard to endowments, I would just tell you, as the cook did, do not be particular about the quantity—but just mind the Butter— be sure and mind the Butter.’
—Scotch Reformers' Gazette, 22d December, 1838.Endowment-hunting doughty Chalmers,
On wi' thy great Extension work,
Nor heed the vile Dissenters' clamours;
While King, Heugh, Marshall (precious three,)
Their Voluntary speeches sputter,
Let this thy motto henceforth be—
‘Oh, mind the butter, mind the butter.’
Comes hobbling on her twa State crutches,
Determined by ilk wily quirk
To grab a' wi' her haly clutches;
Her staggering step and stammering stutter,
Have made the Carlin still mair keen
To ‘mind the butter, mind the butter.’
Of vile unhowkit heathens' livers—
The heart's blood of a Popish Priest:
A Deist's cranium cracked to shivers;
Frae puffed-up Prelate's pampered painch,
A whang o' morbid matter cut her—
A sturdy Independent's hainch;
But, oh, be sure to ‘mind the butter.’
Wi' a' the guid things she has gotten,
But, still on fresh Endowments bent,
Has grown a downright greedy glutton.
Her Corbies through the land she sends,
Their ever-craving screams to utter;
And, as each greedy throat extends,
Their craik is still—‘Oh, mind the butter.’
And free from blemish, blotch, and swelling;
Her muirland plaid around her flung—
The breezy hill-side was her dwelling;
Plain hame-spun plaiden was her wear,
Nae silks about her then did flutter;
Her drink, the mountain streamlet clear,
And aft she lack'd baith bread and butter.
Debarred from village, town, and city;
Her bleeding feet and visage pale,
Ne'er moved her wicked hunters' pity:
To every murderous wretch a prey,
Who chose to mangle, maim, and cut her,
Heaven was her only hope and stay,
In whom to trust for bread or butter.
While silk and velvet robes bedeck her,
Wi' greedy een and brazen brow,
She glow'rs into the State Exchequer;
Though bread be given, and water sure,
Yet these do not exactly fit her,
Some richer thing she maun procure,
And hence her howl, ‘Oh, mind the butter.’
Yet wi' the rich she fondly dallies;
Yea—poortith's cot she passes by,
To banquet in the lordly Palace.
Wi' Dukes and Lords she feasts and rants,
Drinks smutty toasts—kicks up a splutter;
Then wails about her waefu' wants,
And whining cries—‘Oh, mind the butter.’
At least, if we may trust her story:
But oh! she's fond to get a haurl
O' warldly wealth, and pomp, and glory.
Wha lang did tramp her in the gutter—
She fawns, now, on her air and late,
And cries—‘Oh, help me to the butter!’
On in thy glorious course careering,
Though Voluntaries rave and rail,
Treat with contempt their gibes and jeering;
In pleading greedy Granny's cause,
Ne'er stick a rousing whid to utter,
Till cheering echoes rend the wa's,
Wi' ‘mind the butter, mind the butter.’
‘THE REEL O' BOGIE.’
AS DANCED BY THE REV. DR CHALMERS, THE REV. MESSRS. CUNNINGHAM, CANDLISH, AND GORDON.
Het water in Strathbogie—
Dunkeld is rinning red-wud clean,
And a' about the cogie.
The cogie O! the cogie O!
The Kirk's capacious cogie;
O waesuck, sirs, the vera girs
They're riving aff her cogie.
Parody on Old Song.
Wow, but you're skeigh and vogie!
Come, wheel about, and gie's a fling,
At this new ‘Reel o' Bogie.’
(That Voluntary roguie,)
Mak' wowf wee Candlish round you swing,
To ‘Bannocks in Strathbogie.’
Light louping, like a frogie,
Though whiles ye mak' an unco wheel,
As if ye were half groggy;
Sae meikle smeddum's in your heel,
Nae yirthly weight can clog ye—
Not even Nick can damp your zeal,
While at your ‘Reel o' Bogie.’
Part rather wi' your cogie;
Nor let poor greeting Gordon flinch,
That terror-stricken doggie:
Gar Cunningham his hurdies pinch,
And gie his doup a brogie,
Till round he wheels, despite the Bench,
And joins your ‘Reel o' Bogie.’
That gurly surly fogie,
Haud out—the carle may yet relent,
And whisk you past Strathbogie.
Or should you by his breath be sent
To martyrdom's kiln-logie,
Even there, ‘retract not,’ nor repent,
Of your rare ‘Reel o' Bogie.’
Ilk vile ‘intruding’ roguie,
Wha'd mount up by the Auld Back Stair,
Like some folk in Strathbogie.
And keep an e'e on Glasgow Chair,
Whilk yields a dainty cogie:
O rare to see you wheeling there,
Your darling ‘Reel o' Bogie.’
Wi' clouds baith mirk and foggy,
Ne'er quail to ony yirthly power,
Like crouching coward doggie;
But help her in her trying hour,
To keep her weel-filled cogie,
Till rampant a' the Queendom owre,
She loups your ‘Reel o' Bogie.’
A CLERICAL CANTICLE,
As canted by the Rev. Reel o' Bogie Ranters, at their Secret Non-Intrusion
Meetings, held in their Private Room, Presbyterian
Close, Auld Reekie. Communicated, by an Ear-Witness, to
HUMPHREY HENKECKLE, EGG-CADGER.
And hey for the kirk wi' the steeple;
Let's try our bit clerical dance,
To quiz and bamboozle the people.
As will blind the intractable rabble;
And when they're ance mair in our power,
How we'll silence their insolent gabble.
Their shortcomings, backslidings, errors,
And gie them most terrible screeds
About breach o' the Law and its terrors.
The Kirk, our auld Reverend Granny;
And if the vile pack mutter ‘nay,’
We'll just hand them owre to Auld Sawney.
Our ‘vials of wrath’ we're out-pouring,
We'll scrimp them o' temporal food,
To keep them from playing Jeshuran.
And clamour against ‘Lay-Intrusion,’
That door we oursels entered by,
And not by the people's ain choosing.
Against wily Whig and tough Tory;
And, for our ain order, secure
Kirk-Patronage, profit, and glory.
Of the State, and ilk yirthly connection,
Except that bit yirthly thing—Fee,
To which we've nae yirthly objection.
And hey for the kirk wi' the steeple;
Let's try our bit clerical dance,
To quiz and bamboozle the people.
A CLERICAL CANTICLE,
As canted by the Rev. Reel o' Bogie Ranters, at their Secret Non-Intrusion
Meetings, held in the Presbyterian Close, Auld Reekie.
Communicated, by an Ear-Witness, to
HUMPHREY HENKECKLE, EGG-CADGER.
And sourer in Strathbogie,
For ilka ane's contesting keen,
And a' about the Cogie;
Our Kirk's capacious Cogie;
O dool and wae, baith frien' and fae
Are striving for her Cogie.
Frae Irvine to Strathbogie,
And a' to get an orra share
O' kail frae out her Cogie;
Her wally weel-filled Cogie;
Gude saff us, sirs, the vera girs
They're riving aff her Cogie.
Wha lang ha'e played the roguie,
And wi' their crookit carnal spoons,
Ha'e clautit at her Cogie.
Our darling dish—her Cogie;
Wi' clauting keen, they've scartit clean
A hole out through her Cogie.
They've lair'd her in a bogie,
And left her there to wail and weep,
And howl about her Cogie.
Her dear time-hallowed Cogie;
The worldly knaves they'd ding in staves
Her State-begirded Cogie.
Wi' minds sae dark and foggy,
They think that we should tamely boo,
And yield them up her Cogie.
Our staff and stay—her Cogie;
While we hae breath, we'll fecht till death,
Before we lose her Cogie.
O' ilk intruding roguie,
Wha'd daur wi' his unhallowed claws
To touch her sacred Cogie.
Her precious dear-bought Cogie;
Let's form a ring, and lilt a spring,
And dance around her Cogie.
Despite ilk snarling doggie,
Maun fettle now our swords and guns,
And rally round her Cogie.
Our faith and hope—her Cogie;
Wi' hand on hilt, fye let us till't,
And loup our ‘Reel o' Bogie.’
A CLERICAL CANTICLE,
As canted by the Rev. Reel o' Bogie Ranters, &c. Communicated,
by an Ear-Witness, to
HUMPHREY HENKECKLE, EGG-CADGER.
(Chorus sung as a Quartetta.)
Hey for the loaves, loaves,Hey for the loaves and fishes!
Gie us Lucky Kirk's massy loaves,
And nice little delicate dishes.
(Solo by Dr C---s.)
A haddock is good at a time,A salmon is truly delicious;
But turbot and skate—O how prime!
For they are the flats among fishes.
(Full Chorus)
—Hey for the loaves, &c.(Solo by Mr C---m.)
We've anchored our boat in Kirk Bay,And spread out our mystical meshes;
And O we've had excellent play,
At hauling in shoals o' flat fishes.
(Solo by Mr C---ish.)
O dear to our hearts is dear corn,It raises the loaf to our wishes;
Yea, makes us exalt our proud horn,
And brings us abundance o' fishes.
(Solo by Dr C---s.)
Elijah by ravens was fed,And meagre chance meals were Elisha's:
We'll trust neither corbie nor gled,
We've the State for our loaves and our fishes.
(Solo by Mr C---m.)
The Galilee fishers of yoreWere men of such moderate wishes,
Their weak simple minds ne'er could soar
To the tything o' loaves or o' fishes.
(Solo by Mr C---ish.)
They just went about doing good,Cured leprosies, blindness, and issues,
Gied famishing multitudes food,
By dispensing their loaves and their fishes.
(Solo by Dr C---s.)
But we, their successors—ha, ha!Will ne'er treat the mob to sic dishes;
The herd—they may munch at their straw,
But we'll have the loaves and the fishes.
(Solo by Mr G---n.)
But, boys, should our late ‘Bogie Reel’Ere land us 'mang Law's loopy meshes,
Entangled, how awkward we'd feel,
At the fate o' our loaves and our fishes.
(Solo by Mr C---m.)
For lo! there's a storm coming on,A storm that may fairly undish us;
Then ply we our oars every one,
And pull for our loaves and our fishes.
(Solo by Mr G---n.)
But see our twa Kirk-and-State oarsHow they're bending like. fushionless rushes;
And O how the hurricane roars,
A-threatening our loaves and our fishes.
Hey for the loaves and fishes;
Let's haud to the last by our loaves,
Nor yield up our delicate dishes.
THE DIVINITY CHAIR.
Thou thought'st to sit the Glasgow Chair in;
In vain thy Clique await thy comin'—
That Chair thou ne'er shalt set thy bum in.
Not Robert Burns.
Our boy Tammy?
We've miss'd thee sair baith morn and e'en,
Our boy Tammy.
I've been out owre Strathbogie braes,
Where godless flocks wild wandering graze,
To win them frae their wilfu' ways,
Back to their honoured Mammy.
Our boy Tammy,
Wi' that camstrairy graceless breed,
Our boy Tammy?
Indeed, gin I the truth maun tell,
They still rin mad owre muir and fell,
Determined ever to rebel
Against their rev'rend Mammy.
Our boy Tammy;
To bring them back into the fauld,
Our boy Tammy?
As lang and sair as we are fit,
Till ilka cloot o' them submit,
And turn again to Mammy.
Our boy Tammy;
For a' thy wheeling, pains, and care,
Our boy Tammy?
Alas, alas! the tale's owre true,
Confound the graceless Glasgow crew!
Wi' me they wad hae nought to do,
For a' my wheels for Mammy.
Our boy Tammy,
Wilt thou still lilt the Bogie Reel,
Our boy Tammy?
Yes, yes,—until the day I dee,
That reel shall aye be flung by me,
Ay—twenty thousand wheels I'll gie,
To help the Kirk—our Mammy.
VERSES,
WRITTEN UPON THE OPENING OF THE GLASGOW AND GREENOCK RAILWAY, 30TH MARCH, 1841.
Who marched on to fame—to the knees up in gore,
Whose chief entertainment was dying the sod,
And marring and mangling the image of God,
We'll choose a more homely, though happier theme,—
The genius of Watt, and the triumphs of Steam.
And to our great-grandfathers fearlessly told
The powers and the virtues which vapour contains,
They had deemed him a madman and fool for his pains;
The plain, honest, simple folks never could dream
Of the powers and the virtues inherent in Steam.
Too powerful and vast for old fetters to bind—
He saw what was wanting—he planned what was right,
Then rose giant Steam in his fulness of might,
All vigorous and fresh as the sun's primal beam,
And darkness soon fled from the presence of Steam.
For Time's but thy plaything, and Distance is nought;
Outstripping in fleetness the wings of the wind,
And leaving the storm-driven clouds far behind,
Thou greatest of all Revolutionists—Steam.
Thou grindest their grain, thou preparest their bread,
Thou guidest the saw, and thou turnest the screw,
And things the most obdurate thou can'st subdue;
Thy cylinder, piston, and ponderous beam,
Are the creatures of thine own creation—O Steam!
The jenny and loom thy minuteness attest,
The forge and the furnace proclaim thy great power,
Fresh wonders on wonders arise every hour,
And wonders on wonders for ages may teem,
So various and vast are the workings of Steam.
No heart may conceive, and no eye yet explore,—
The desert Sahaara may yet own thy sway,
And the huge Polar icebergs before thee give way;
The Atlantic into the Pacific may stream,
And the whirl of the Maelstroom may yield yet to Steam.
And drain to the bottom in memory of him
Who, wisely directing the Steam's latent powers,
Has given a new face to this planet of ours—
May his name float along upon Time's mighty stream,
Till sun, moon, and stars, be enveloped in Steam.
VERSES,
SUGGESTED ON VIEWING MR ANDERSON'S COMIC GROUP OF FIGURES IN STONE, ‘THE DEIL'S AWA' WI' THE EXCISEMAN.’
The Gauger's now thy siccar treasure;
O what a smile o' fiendish pleasure
Lurks in that leer,
While he, poor saul, beyond a' measure,
Seems struck wi' fear:
What terror is depicted there!
What agonies o' fell despair
Contort his face!
He'll ne'er seize cask nor caldron mair:
O hopeless case!
Thy barbed tail about him claspit;
Firm as a bolt securely haspit,
There is he fixt;
Ne'er to get loose, till down thy ash-pit
The wretch thou kick'st.
In takin' on thee sic a burden,
Boa-Constrictor-like, a girdin'
His worthless waist;
But, Clootie, let me put a word in,—
What's a' thy haste?
Thou ken'st he'll yet be a' thine ain;
Then, wherefore gie him needless pain
Before his time?
He yet might yield thee meikle gain,
By future crime.
For truly he's portrayed thee weel:
Frae snout to tail, frae horn to heel,
‘The foul thief loon;’
The veritable, true Scotch deil,
The ‘auld Mahoun.’
The pawkie glint o' hellish glee
That plays about thy mouth and e'e,
As aff thou hies,
Wi' welcome hand he'd wish to thee
‘Luck o' thy prize.’
His Dukeship's beak upon thy face;
Or Chartist R—s's,
Such wad hae gi'en a coup de grace
To thy proboscis.
Been lent thee o' the ane or ither,
Those wha ance saw thee ne'er could swither,
About thee mair;
For like thou should'st be as a brither,
To that choice pair.
Than seized the seizer o' a still,
Mankind, in mony a Highland gill,
Had toasted thee;
And drank thy health wi' right good will,
In barley bree.
Fell origin of a' mischief;
Thou art the author o' our grief,
Our toil and pain,
And never shall we get relief
Till thou art gane.
Thou'rt still the Clergy's dearest freend,
By thy vast influence unscreen'd,
They might shut shop,
For, wanting thee, baith tythe and tiend,
I trow would stop.
Frae them to thee, for thy d—d pranks:
'Tis thou wha keep'st them on their shanks,
And gi'est them bread,
Their weel-filled aumries soon were blanks,
Gin thou wert dead.
To keep their Reverences frae falling,
For O they'd raise a hideous bawling,
Wert thou to stop;
As in the mud they lay a-sprawling,
'Reft o' their prop.
The ‘Thousand Years’ will soon draw near,
When closed will be thy curst career
For that lang season;
Man winna then be fool'd by fear,
But ruled by reason.
I've ae request, if not too much:
I carena though thou sametimes clutch
A greedy Gauger;
But O, I pray thee, dinna touch
The Auld Egg-Cadger.
THE WAEFU' LAMENT OF THE AGNEWITES
OVER THEIR DEFEAT IN THE ROYAL EXCHANGE, GLASGOW, ON THE 30TH NOVEMBER, 1841,
When they were baffled in their attempt to Shut up the Public
Reading-room on the first day of the week—not on the Jewish
Sabbath. Rendered into ryhme, by
HUMPHREY HENKECKLE, EGG-CADGER.
Our loopy tricks are a' seen through;
In turning round Coercion's screw,
We toil in vain,
For spite o' a' that we can do,
Its power is gane.
Our turned-up een and lengthy prayers,
We find mankind a set o' bears,
Sae curst uncivil,
That fient a ane about us cares,
Nor yet our Deevil.
And mak' our day a day o' gloom,
Sae dark ye couldna see your thoomb
Before your een;
But O, the pack hae sealed our doom,
And nail'd us clean.
To force the wretches to the kirk,
Whether to hear a calf or stirk,
It didna matter,
If we our ends could only work,
So much the better.
Nor left a leg to stand upon:
‘Othello's occupation's gone,’
‘His meal's a' daigh.’
Now we maun hurkle down and moan
Right loun and laigh.
And eke our dainty douce Dunlap,
Wha never wants for bite nor drap
On haly days:
An' mair than a' that, doesna stap
To yoke his chaise.
Wha made a grand and glorious ettle,
To keep us a' in Jewish fettle,
And haud us right,
Like ane o' true Mosaic mettle,
Baith stanch and tight.
And tak' his dinner piping hot;
That busks his body;
And prie a canny ‘drappie o't,’
In reeking toddy.
That gaucy, gash-like gospel gun,
Wha ne'er left a gude cause undone,
E'en on a Sunday,
Nor let a weel-fledged client run
About till Monday.
Sae prone to Sabbath desecration;
It's perfect evendown profanation
The way they walk,
Their every Sunday's recreation
And idle talk.
Wha'd tatoe-boggles o' us mak',
And paint our doings aye sae black
In their vile papers,
The wuddie yet their craigs may rack
For their curst capers.
Wha puts us into wicked metre;
May he get Moloch's hettest heater
To birsle on,
For lashing wi' his tawse sae bitter,
Rab, James, and John!
SUNDAY RAILWAY TRAINS.
DEDICATED (WITHOUT PERMISSION) TO THE REV. DR. MACKAY OF DUNOON.
BY HUMPHREY HENKECKLE, EGG-CADGER.
Prowling the kintra round about,
And biting wi' his teeth devout,
Baith men and women,
That now there's sic a yell and shout,
'Gainst Sunday steamin'?
O' Sabbath keeping zeal sae fou,
Been galloping ilk clachan through,
A-convert making,
That there is sic a great ado
'Bout Sabbath breaking?
And troth ye weel may think it queer,
That ne'er a whish you'll ever hear
'Bout gigs or noddies,
Or gilded coaches, built to bear
Braw bailie bodies.
Horses may reek—poor hard-wrought cattle,—
And wheels owre causey-stanes may rattle,
Wi' ceaseless birr;
But sic unhallowed wark to settle,
What tongue will stir?
A day of rest for man and beast;
That a' that toil may be released
Frae yoke and team;
But say, when was the veto placed
Upon the steam?
A great man riding in his coach,
A vulgar, fat, unloesome hotch,
Beside him lolling;
But should a puff o' steam encroach,
'Twere past a' tholing.
For Sunday Trains on rails to rin,
Disturbing wi' their whizzing din
A peacefu' nation;
And whirling a' that ride therein
To red d---n.
Wha toil and pine sax days and mair,
Not get a breath o' callar air,
Ae day in seven?
No, no; the pack maun gang to prayer,
If they want heaven.
To get a Sunday forenoon's wheel—
To mak' their crowdie;
And yet they'd steam it to the deil,
Baith saul and body.
Wi' visage sour and melancholy,
How will you stop the thochtless folly
O' that vile gang,
Whase motto is, ‘Live and be jolly’
The hale day lang?
Mak' nature dreary, dark, and dun,
Till even the blade upon the grun'
Forget to grow;
Till mighty rivers cease to run,
And burns to row.
Nor let the reek ascend the lum,
Let man forget his fellow-chum,
And faithfu' rib,
And hurkle down, morose and glum,
Low in his crib.
Nor let ‘old Ocean’ sport his waves;
Mak' trees and shrubs fauld up their leaves,
As if a-dying;
Stop ‘Johnny Ged’ frae howking graves;
And wives—frae crying.
Gie social creatures caves and dens,
Put rams and ewes in separate pens,
To bleat and fast,
And lock the cock up frae the hens
Till Sabbath's past.
And rabid Burns, and Saint Agnew,
And a' the sanctimonious crew,
Wi' looks demure,
Wha wi' the bigot's vice wad screw
The labouring poor.
How wad they mak' us cower and quail,
The fient a ride upon a rail
They'd grant ava;
For then their flocks might tak' steam bail,
And skelp awa'.
For some might preach to empty wa's;
On pews unlet their lungs and jaws
Might spend their force;
And, therefore, mind ye, ‘empty sta's
Mak' biting horse.’
At which they glibly gab awa',
Steam Sunday trips;
But catch them hinting aught ava
'Gainst spurs and whips.
The Sunday trains wad try to fetter,
And mak' them, to the vera letter,
The Sabbath keep,
But 'gainst the Sunday Navigator,
Say, will he cheep?
Despising every surly blast,
Did he not stand beside the mast,
And watch his luggage,
Till at Dunoon he fairly pass'd
Wi' bag and baggage?
What did his Lowly Meekship care?
Stout porters had his trunks to bear
Up through the toon;
But Glasgow did nae see him there,
'Twas just Dunoon.
O how it gies the good man pain!
To see the godless puffing train
Swift sweep the rails;
For weel it's kent he mak's nae gain
By Sunday mails.
While smack—the brutes tak' to their heels;
Loud blaws the horn, round whirl the wheels—
Awa' they dash;
But then their torture never yields
The Bailie cash.
(Nae desecration, this, I ween,)
Wi' gaping mouths and glowring e'en
The news to swallow;
And wi' debating fierce and keen,
The day to hallow.
To ane in our gude Bailie's station,
To think how Sabbath desecration
His soul abhors;
Nae pelfish vile consideration,
E'er opes his doors.
The Bailie's coaches tak' the road,
Bearing alang their righteous load,
O' news and letters,
Concerning cotton, corn, and cod,
And sic like matters.
Wha wi' demeanour staid and grave,
As hardened sinners;
Yet aft in secret, sweet conclave,
Munch Sunday dinners.
They'll talk o' mercy, faith, and grace,
Parading in ilk public place
Their saintly airs;
Yet mock their Maker to his face,
Wi' hollow prayers.
To clothe ilk hollow hypocrite,
And hide his doings, dark as night,
Frae sinfu' view;
For O, Sirs, 'twere an unco spite
To be seen through!
Through town and kintra, far and wide,
In a' their dignity, and pride,
And consequence,
While they the sons o' toil deride
For want o' sense.
Ye're born privations to endure;
What! Sunday steaming, air that's pure,
And relaxation?
No, mount the tread-mill, that's mair sure
To suit your station.
THE ADVENTURES OF BILL BLARNEY,
THE FORTUNE-HUNTER.
And he wanted to make a big fortin;
Says he, ‘now, my luck I'll go try,
And be after some heiress a-courting.’
He heard that Miss Jane had the cash,
And off in prime style went to woo, sur,
Och, sowl, what a wonderful dash,
He cut wid his cane and surtout, sur.
And into the parlour was shown, sur,
Thinks Bill, ‘If Miss Jane I could win,
This house it would soon be my own, sur.’
About his great fortin and rank,
He towld hur a power of palavers,
He had thousands of cash in the Bank,
And a hundred-and-thurty fine waevers.
I'm com'd just to ax you in marriage;
And if your dear self will agree,
Why you soon will be druve in your carriage.
But och! how astounded look'd Bill,
The blood it run cowld in his bones, sur,
When she ax'd if he wanted a spell,
Wid his friends at the breaking of stones, sur.
Wid a flourish and twirl of his cane, sur,
Lamenting the loss of the stuff,
Much more than the loss of Miss Jane, sur.
But soon he fell in wid another,
And soon, too, wid hur got acquainted;
For she, not so shy as the other,
Was everything, sure, that Bill wanted.
The names were thrice call'd on the Sunday,
And friends and relations invited,
To see the knot tied upon Monday.
But och! from his summit of bliss,
Poor Bill got a tarrible fall, sur,
When he found her a Jantleman's Miss,
Wid never a fortin at all, sur.
Declared that he fairly disclaim'd hur,
Then wid a swaet ‘bowl-waever’ boy,
To act as his valut-dee-chaembur;
He off to the courting again,
Rigg'd out as the spruce Money-facturer,
And the hart of an heiress did gain,
So swaetly on love did he lacture hur.
In the Parson's the folks were assembled;
Bill whisper'd, ‘now boy, it's my own,’
The blushing bride timidly trembled.
The rite that would make them each others,
When up flew the door wid a bounce,
And in rush'd, bad luck! the bride's brothers.
How quaer look'd his ‘valut bowl waever,’
When out pop'd the truth, sur, at last,
That Bill was an arrant deceiver.
The bride, then, did fervently pray
To be taken back by her brothers,
While Bill like a fool slunk away,
Disappointed and cow'd, to his mother's.
That Bill may be cur'd of his foible,
Nor go about more to betray,
And get himself duped for his trouble.
And learn, ye young couples from hence,
To keep mind of this maxim when courting,
Sincerity, Love, and Good Sense,
Make still the most durable Fortin.
ANE WAEFU' LAMENT
FOR THE LOSS O' OUR WORDIE BAILIE'S SPEECH, QUHILK SULD HAE BEEN DELIVERIT AT ANE DINNER GIEN TO YE HONOURABLE AND NOBLE YIRL GREY, BE YE GUDE FOLK O' AULD REEKIE, IN YE ZIER O' GRACE AUGHTEEN HUNDER AND THRETTIE-THREE.
Hals happenit in Auld Reekie?
That wordie mann, our Magistrat,
Hals deevilit a' our Cleekie;
And brocht us intil sad disgrace,
Be stickand o' hys lesson,
Ane waefu' pruif that Bailzies ne'er
Suld sit wi' lords a-messin'.
An' it's O waes me!
In bumpers deep wals drank,
Our Bailzie, als in dutie bound,
Gat up ye folk till thank;
But, waesucks! palsie or nightmare
Sae prest upon hys tongue,
That dumb als ane Egyptian quhalp,
Our wordie Bailzie sung,
An' it's O waes me!
Or wals't ye printer loon,
That sett hys speech ye backward way,
Or turned it upside doon?
Bot this they say quha see'd it,
That thoch hee tryit it wi' hys specks,
Ye Bailzie culdna read it.
An' it's O waes me!
Hee gapit and hee glowrit,
Bot wi' ye dazzland o' ye starrs,
Hee wals swa overpowrit,
Hee tynt hys tongue, hee tynt hys eyne,
Hee culdna see ane blink;
Na, waur,—hee gat swa doitrefiet,
Hee walsna fitt till think.
An' it's O waes me!
He gied ane hum and haw,
Bot lyk ane tale beyond ye flood,
Hys speech it wals awa'.
Hee fumblit for't, hee mumblit for't,
Alace! 'twals fairlie gane,
Swa back hee stoiterit till hys seat,
And gied ane awfu' grane.
An' it's O waes me!
O wearie 'fa' ye pack!
Quhan they beheld our Bailzie's plicht,
Their sport began till mak'.
Sum ‘caller herring’ sung,
Quhat pitie bot ye wickit wordis
Wald blysterit ilka tongue.
An' it's O waes me!
To bee less proud and vaine,
Nor rin awa' to drinke and dyne,
Wi' jukis and lordis againe,
For they're ane Order be themsels,
Swa farr 'buve common menn,
That honest folk suld shunn them, als
They'd shunn ane tigger's denn,
And it's O waes me!
EPIGRAM,
ON A LOW, GROVELLING, SELFISH FELLOW.
O, grovelling, gripping, greedy Willie C---se,The C joined to thy name is all a farce;
Come lop it off, and then the world will see
How well thy nature and thy name agree:
For thou wert ne'er a rich and fertile carse,
But just a low, unseemly, dirty---!
EPIGRAM,
ON A VERY STUPID MAN, WITH A MOST UNMEANING FACE, WHO WAS A MOST GREEDY SNUFF-TAKER.
If such a thing exist as real space,It must be, Paul, in thy unmeaning face.
But, hold: there is another blank beside,
I had forgot,—thy skull—thy skull's a void.
I'm wrong again: thy skull contains enough,—
Of what? of brains?—yes, brains of fusty snuff.
THE INDIAN COTTAGER'S SONG.
FOUNDED UPON ST PIERRE'S TALE OF THE INDIAN COTTAGE, AND ADAPTED TO AN HINDOSTAN AIR.
Although my proud kindred no more shall I see,
I've found a sweet home in this thick-wooded valley,
Beneath the cool shade of the green banyan tree;
'Tis here my loved Paria and I dwell together,
Though shunned by the world, truly blest in each other;
And thou, lovely boy, lisping ‘father’ and ‘mother,’
Art more than the world to my Paria and me.
My own fatal pile ready waiting for me;
While incense I burned on the grave of my mother,
And knew that myself the next victim would be.
'Twas then that my Paria, as one sent from heaven,
To whom a commission of mercy is given,
Shed peace through this bosom, with deep anguish riven,
To new life, to love, and to joy waking me.
Which sympathy woke in his bosom for me;
My poor bleeding heart clung to him for protection;
I wept—while I vowed with my Paria to flee.
He taught to repose on that mercifnl Being,
The Author of Nature, all-wise and all-seeing,
Whose arm still protecteth my Paria and me.
Contented, industrious, cheerful, and free;
To each other still more endeared and endearing,
While heaven sheds its smiles on my Paria and me.
Our garden supplies us with fruits and with flowers,
The sun marks our time, and our birds sing the hours,
And thou, darling boy, shooting forth thy young powers,
Completest the bliss of my Paria and me.
THE PEASANT'S FIRESIDE.
Wha weel employs the present, by his ain fireside,
Wi' his wifie blythe and free, and his bairnie on her knee,
Smiling fu' o' sportive glee, by his ain fireside.
Nae cares o' State disturb him, by his ain fireside,
Nae foolish fashions curb him, by his ain fireside,
In his elbow chair reclined, he can freely speak his mind,
To his bosom-mate sae kind, by his ain fireside.
That health, content, and peace, surround his ain fireside,
A' day he gladly toils, and at night delighted smiles,
At their harmless pranks and wiles, around his ain fireside.
In beauty, strength, and grace, about his ain fireside,
Wi' virtuous precepts kind, by a sage example join'd,
He informs ilk youthfu' mind, about his ain fireside.
And seeks the friendly door, that guards his ain fireside,
She's welcomed to a seat, bidden warm her little feet,
While she's kindly made to eat, by his ain fireside.
When youthfu' vigour fails him, by his ain fireside,
And hoary age assails him, by his ain fireside,
With joy he back surveys all his scenes of bygone days,
While he trod in wisdom's ways, by his ain fireside.
What cause has he to fear him, by his ain fireside?
With a bosom-cheering hope, he takes heaven for his prop,
Then calmly down doth drop, by his ain fireside.
O may that lot be ours, by our ain fireside,
Then glad will fly the hours, by our ain fireside,
May virtue guard our path, till we draw our latest breath,
Then we'll smile and welcome death, by our ain fireside.
WHETHER OR NO.
There's only but ane I wad fain mak' my joe;
And though I seem shy, yet sae dear is he to me,
I scarce can forgie mysel' when I say ‘No.’
And cries, ‘Ye maun reap, my lass, just as ye sow,’
My brither he bans, but it's a' ane to Jenny,
She'll just tak' the lad she likes—whether or no.
For he has baith mailins and gowd to bestow;’
My mither cries neist, ‘tak' the heir o' Glenbogie,’
But can I please baith o' them?—weel I wat, no;
And since 'tis mysel' maun be gainer or loser—
Maun drink o' life's bicker, be't weal or be't woe—
I deem it but fair I should be my ain chooser;
To love will I lippen, then—whether or no.
And think them the sum o' a' blessings below,
But tell me, can wealth bring content to its makers?
The care-wrinkled face o' the miser says ‘No!’
But, oh, when pure love meets a love corresponding,
Such bliss it imparts as the world cannot know;
It lightens life's load, keeps the heart from desponding,
Let fate smile or scowl, it smiles—whether or no.
I HAD A HAT, I HAD NAE MAIR.
I gat it frae the hatter;
My hat was smash'd, my skull laid bare,
Ae night when on the batter;
Whereby to mend the matter—
Just turn at ance a sober man,
And tak' to drinking water.
Yea, stuck till't most sincerely,
And now I drive my gig and horse,
And hae an income yearly.
But, had I still kept boozing on,
'Twa'd been anither matter,
My credit, cash, and claes had gone,
In tatter after tatter.
My wanes half-starved and duddy;
And I mysel', at very best,
Gaun wi' an auld coal cuddie;
Wi' scarce a stick in a' the house,
Or spoon, or bowl, or platter,
Or milk, or meal, to feed a mouse,
Or blanket, save a tatter.
Clear head, and health o' body,
A thrifty wifie, cosh and kind,
And bairnies plump and ruddy.
Hence, I'd advise ilk weirdless wight,
Wha likes the gill-stoup's clatter,
To try my plan this very night,
And tak' to drinking water.
SINCE FATE HAS DECREED IT.
I'll comfort mysel' wi' a canty bit sang:
Yes, I'll sing like a lintie, and laugh at it a',
Though the auld donnart dotard has wiled her awa'.
O wae worth that siller! what mischief it breeds,
Dame Fortune's pet weans, how it pampers and feeds;
It has made them baith ane whom auld Nature meant twa,
And has torn frae my arms, my dear lassie awa.
But e'en let them talk—that's the least o' my care,
For the sugh will blaw by in a fortnight or twa,
But ne'er can restore to me her that's awa.
Come cheer up, my heart!—yet, what need'st thou be wae?
There are thousands behint her, sae e'en let her gae;
Yes, thousands as bonnie, as good, and as braw—
Then why should'st thou grieve for her, now she's awa?
To think what a comfortless life thou maun dree;
How cheerless to sit in a rich splendid ha',
'Midst desolate grandeur, when love is awa'.
And thou, her auld mither, ah, what wilt thou say,
When thou seest thy poor lassie heart-broken and wae?
Ah, what will avail then her cleeding sae braw,
When it covers a bosom that's riven in twa.
THE HAPPY MEETING.
When the sun first gilds the plain?
Or the genial spring returning,
After winter's dreary rain?
Then conceive, to me how dear,
When my Anna—faithful, fair,
After years of lonely pain,
Bless'd my fond eyes—my arms again.
Fix'd my raptured, wondering eyes!
Every grace divinely brighten'd,
Held my soul in sweet surprise;
O! I could have gazed my last,
On her bosom heaving fast—
Met her eyes, benignly bright,
With ever-growing new delight.
Thus again to fondly meet,
And to find no alteration,
Save the heart's more ardent beat?
Thus, the same soft hand to grasp,
Thus, the same fair form to clasp,
Thus, the same warm lips to kiss—
O, say, can heaven give more than this?
COME TO THE BANKS OF CLYDE.
Where health and joy invite us;
Spring, now, in virgin pride,
There waiteth to delight us;
Enrobed in green, she smiles serene—
Each eye enraptured views her;
A brighter dye o'erspreads her sky,
And every creature woes her.
Come to the banks of Clyde,
Where health and joy invite us;
Spring, now, in virgin pride,
There waiteth to delight us.
With daisies she is strewing;
Hark! now, on every tree,
The birds their mates are wooing;
Love wakes the notes that swell their throats,
Love makes their plumage brighter;
Old Father Clyde, in all his pride,
Ne'er witness'd bosoms lighter;
Mark! how the verdant lea,
With daisies she is strewing;
Hark! how, on every tree,
The birds their mates are wooing.
ROLL, FAIR CLUTHA.
Traced Clutha's windings to the main,
'Twas then the Genii of the land,
Assembled round, and sung this strain;
And be thy banks for ever free.’
A brave and virtuous race shall rise,
Strangers to those unmanly crimes,
That taint the tribes of warmer skies.
Thy lovely shores shall decorate;
With seats of science, to prepare
Thy sons for all that's good and great.
Shall numerous fleets majestic ride;
Destined to south, north, east, and west,
To waft thy treasures far and wide.
Shall woods o'er woods in grandeur tower;
Meet haunts for lovers and their brides,
To woo in many a sylvan bower.
Thy youth shall bathe their limbs in thee;
Thence to their various toils return
With increased vigour, health, and glee.
Shall groups of happy pairs be seen,
With hearts as light as birds of air,
A-straying o'er thy margin green.
When Luna's lamp illumes the sky,
Musing on some heart-melting lay,
Which fond hope tells him ne'er shall die.
And be thy banks for ever free.
THE ROYAL UNION.
There's joy in the hut and the ha';
The pride o' auld Britain's fair islands
Is woo'd and wedded an' a';
A lad that's baith gallant and braw;
And lang may the knot be a-loosing
That firmly has buckled the twa.
Buckled and bedded an' a';
The loveliest lassie in Britain
Is woo'd and wedded an' a'.
Shower down his best gifts on the twa;
May love round their couch ever hover,
Their hearts closer and closer to draw.
May never misfortune o'ertake them,
Nor blast o' adversity blaw:
But every new morning awake them
To pleasures unsullied as snaw.
May happiness ay be their fa',
May discord and sickness and sorrow
Be banished for ever their ha'.
So, fy let us coup aff our bicker,
And toast meikle joy to the twa,
And may they, till life's latest flicker,
Together in harmony draw.
'TWAS MORN.
The laverock sung sweetly on high,
The dew-draps bespangled ilk green spiky blade,
And the woods rang wi' music and joy;
When young Patie down the vale
Met fair Kitty wi' her pail,
‘Dear lassie, where to now?’
‘A wee bit down the glen,’ quo' she,
‘To milk our bruckit cow.’
And wha lo'es na you canna see,
There's nane on our plains half sae lovely and fair,—
No; nane half sae lovely to me:
Will you come, dear lass, at e'en,
Up the burnie's bank sae green?
And there beneath the beechen shade,
You'll meet a lover true.’
‘Na, na,’ she cried, ‘I canna come
At e'en to meet wi’ you.
Gin here meikle langer I stay;
Come cease wi' your daffiin, and let gae my han’,
It's daft like at this time o' day.’
‘Dearest lassie, ere ye gang,
Tell me, shall we meet ere lang?
Come, say't and seal't wi' ae sweet smack
O' that enticing mou';’
‘Haud aff,’ she cried, ‘nor think that I
Was made for sport to you.’
Nae langer I'll press you to bide;
E'en show aff your airs, toss your head and look high,
Your beauty demands a' your pride;
Ane mair kind, although less fair.’
He turned to gang—she laughing cried,
‘Stop, lad, I've ta'en the rue,
Come back and set the tryst wi' me,
And I will meet wi' you.’
SONG.
[O Jeanie! why that look sae cauld]
And withering to me now?
And wherefore lours that cloud o' gloom
Upon thy bonnie brow?
What hae I said, what hae I done,
To draw sic looks frae thee;
Is this the love—the fond regard
Sae lately pledged to me?
Ye ken the cause yoursel',
Ye thocht yestreen, ye werena seen
Alang wi' bonnie Bell:
Your arm was claspit round her waist,
Your cheek to her's was laid,
And mony a melting kiss she gat,
While row'd within your plaid.
Wi' jealous thochts and mean;
For I was twenty miles and mair,
Awa' frae hame yestreen:
I gaed to see my brither dear,
A gift he sent to thee;
And see—thou maun this necklace wear,
That day thou'rt wed to me.
I'll ne'er forgie mysel';
O, what could tempt me to believe,
Thou'd'st leave thy Jean for Bell?
But there's my hand, I'll never mair
Dream foolish thochts o' thee;
But love wi' a' a woman's love,
Till light forsake mine e'e.
SONG.
I ANCE WAS IN LOVE.
And I lo'ed ae sweet lassie most dearly,
I sought her wee hand, but her daddy growled ‘no,’
Which stung my young heart most severely;
For he, wealthy wight, was an auld crabbit carle,
Wha held fast the grip he had got o' the warl,
So, the poor plackless laddie got nought but a snarl
For lo'eing the lassie sincerely.
And O her black een tald it clearly,
That she'd tak' and wed me without a bawbee,
Although she had twa hundred yearly.
So, ae winter night when her dad was asleep,
And the wind made the doors a' to rattle and cheep,
Frae out the back window she made a bit leap,
And my arms kepp'd the prize I lo'ed dearly.
He tint a' his wee judgment nearly,
He stormed, he rampaged, he ran out, he ran in,
And he vowed we should smart for it dearly:
But time wrought a change, when he saw his first oe,
Nae langer was heard then the growl and the ‘no:’
Our house now is Gripsiccar, Goodson, & Co.,
While our labours are prospering yearly.
COME, FILL A BUMPER.
Drink to the right we hae struggled for sairly;—
We shall enjoy the reward of our labours now:
Clyde's bonny banks are made free to us fairly.
Pledge me then, honest men, now since we've got our ain,
Dearly let's prize what we've purchased so dearly;
Now may we tread with glee Clyde's lovely margin free,
High as the dyke was—'tis tumbled right rarely.
Still as the vale of death's shadow—or nearly,
Clyde's bonny banks are a' life, now, and cheeriness.
Throng'd with each class that loves liberty dearly;
Age, with his silver hairs, youth, too, in loving pairs,
Gladly pursuing their course, late and early,
Childhood that scarce can run, boyhood, with noisy fun:
Joyous that matters are now settled squarely.
Lang hae they battled and striven for't sairly;
Wha now dare challenge, or yet cast a gloom at ye,
While on your banks ye can go late or early?
Come, then, our Committee, ‘nine times nine’ let it be,
They in the front stood, and fought it out rarely;
Wha wad hae done like them, tyranny's tide to stem?
Then let us honour them—ever sincerely.
THE LOVELY LASS OF INVERKIP.
Was bidding Clutha's vale good day,
And from his gorgeous golden throne,
Was shedding evening's mildest ray;
As round the Cloch I bent my way,
With buoyant heart and bounding skip;
To meet my lass at gloaming grey,
Amang the shaws of Inverkip.
A richer, sweeter, never flew;
With mutual vow—with melting kiss,
And ardent throb of bosoms true.
The bees 'mid flowers of freshest hue,
Would cease their honeyed sweets to sip,
If they her soft sweet lips but knew,
The lovely lass of Inverkip.
Her placid brow, so fair and meek,
Her artless smile, her balmy sigh,
Her bonnie blushing modest cheek:
All these a stainless mind bespeak,
As pure as is the lily's tip;
Then O may sorrow's breath so bleak
Ne'er blight my bud of Inverkip!
STANZAS,
WRITTEN ON A WOMAN-HATER, WHOM THE AUTHOR HEARD DECLARE BEFORE A COMPANY, THAT HE WOULD RATHER SEE A SOW WITH A LITTER OF PIGS, THAN SEE A MOTHER SUCKLING HER INFANT AT HER BREAST.
And forswears her dear embrace,
Can lay claim to nothing human,
Save, perhaps, an idiot's face.
Cold his heart as coldest metal,
Who'd prefer the grunt of pigs
To the smiling infant's prattle.
Ne'er may smile of woman bless him;
And if e'er he be intered,
None but pigs will ever miss him.
STANZAS,
WRITTEN ON MR JAMES P*G*N, A FEW DAYS BEFORE HIS MARRIAGE.
For P*g*n and Heathen are nearly the same;’
Come, truce wi' your joking, though P*g*n he be,
He's as true a Christian as mony ye'll see.
He's open, he's honest, mild-tempered, and warm,
Inclined to do good, but averse to work harm:
For his motto is this—as ilk ane's ought to be—
‘Let me do unto others as they should to me.’
He lilts a good sang owre a tankard o' ale,
He cracks a good joke, too, wi' humorsome glee;
But nane lashes vice mair severely than he.
And ilk body likes him wherever he gangs,
Sae fond o' his stories—his jokes and his sangs;
But the thing he's maist prized for by meikle and wee,
Is the generous heart, ever open and free.
But his hand's in his pouch, while his heart overflows;
For when the heart wills it, the hand's sure to gi'e,
And blest are the heart and the hand—thus so free.
But P*g*n has fauts, like the rest o' guid chiels;
He likes to keep oiling Humanity's wheels;
But he oils them sae gently, when creaking awee,
That he keeps the machine aye in good working key.
And, O! that sweet lass is so fair and so good,
And returns so his love, that in twa weeks or three,
She may be prevailed on—a P*g*n to be.
A health, then, to P*g*n—a health to his lass;
May bright days of happiness still o'er them pass,
And a braw fruitfu' vine may the bonnie lass be,
Till clusters o' P*g*n-grapes cling round her knee.
AN ADMONITORY ADDRESS
TO THE FREE AND INDEPENDENT ELECTORS OF THE KILMARNOCK DISTRICT OF BURGHS.
BY HUMPHREY HENKECKLE, EGG-CADGER.
I rede ye beware o' that oily-tongued loon,
The smooth-lippit, white-livered, canting C---n,
Nor mair by sic harpies be pounced on;
But a' ye gude wabsters and spinners o' woo',
An' ye wha keep knittin' at bonnets o' blue,
Wale out for yoursels, now, a gude man and true,
And such ye will find Saunders Johnston.
And whine ye a lang Presbyterian grace,
But kick Mr Doublecreed back to his place,
To preach to his rocks o' blue whinstone;—
What! trust to a man wha professes twa creeds,
He may adopt three yet, and tell owre his beads;
Ne'er lippen again to sic fause hollow reeds,
But trust the upright Saunders Johnston.
And twine you a sly jesuitical speech;
‘The lammies should tremble when auld foxes preach,’
Whase breath smells sae rankly o' brimstone.
And never betray you by turning his back;
Then, forward, my laddies, and dinna be slack,
In backing your friend, Saunders Johnston.
He ne'er will cajole you to lead you astray,
But still keep consistent and straight on his way,
Nor e'er haud your nose to the grundstone.
Your een he'll ne'er dazzle by Saintly parade,
But do what he can to promote a free trade,—
To bring you cheap bannocks, and beef to your bread,
Then, up wi' your man, Saunders Johnston.
Stray Leaves from the Portfolios of Alisander the Seer, Andrew Whaup, and Humphrey Henkeckle | ||