Horace in Homespun by Hugh Haliburton [i.e. J. L. Robertson] A New Edition with Illustrations by A. S. Boyd |
I. |
II. |
Horace in Homespun by Hugh Haliburton [i.e. J. L. Robertson] | ||
PREFACE.
I fish in yonder pool;
In streets I see o'er mountains wide
The morning opening cool.
And half my life's been spent;
Yet countryward my heart inclines,
True to its native bent.
Who bring from boyhood down
The memory of the open sky
And hills and valleys lown.
In vain ye grind and bray;
I hear through your discordant din
The plashing of the May;
And, though long silent, still
With all the boy's delight I hear
The hum of Pottie mill.
Through't a' I yet discern
The peace that mantles Baigley peak,
The skies that span Strathearn.
Hughie's Advice to Dauvit to Enjoy the Fine Weather.
Ducere nuda choros.”
—Car. iv. 7.
Has donn'd his mantle green,
An' we may gang a-roamin'
Thro' the fields at e'en;
O' green leaves i' the shaw,
An' hear the blackbird whistlin'
Winter weel awa'.
That was but late sae bauld,
We gang withoot a grauvit,
Careless o' the cauld.
Twa barefit Mays were seen
(It maun hae been a sicht, man!)
Dancin' on the green.
Hoo quick the moments fly,
Hoo fast the days gang linkin'!
Spring 'ill sune be by;
Then Autumn wi' the grain;
Then Winter comes an' closes
A' thing ance again!
Dame Nature's never dune;
She just repeats the changes,
Just renews the tune.
Gangs rowin' doon the sky,
When, swith, a braw bran new ane
Cocks her horn on high!
Slides doun the slope to nicht,
There's neither tide nor turnin'
Back to life an' licht.
Into the narrow hame,
An' fog forgetfu' gaithers
Owre oor very name.
For griefs we dinna feel?
Let's leeve as lang's we're leevin',
Lauch as lang's we're weel.
It's better sune than syne
To rise an' gang a-roamin'
Noo the weather's fine.
Hughie refuses to Emigrate.
Debita sparges lacrima favillam
Vatis amici.”
—Car. ii. 6.
Tak' my best wishes wi' ye,
An' may guid fortune owre the main
An' snugly settled see ye!
I wuss ye weel! The kintra's lairge,
An ye're but twa wi' Mary;
Ye'll shortly hae the owner's chairge,
Nae doot, o' half a prairie.
There's ample room in sic a park
To foond a score o' nations,
An' flourish like a patriarch
Amon' your generations.
Maintain to utmost auld age,
Leadin' my flocks by quiet rills,
An' lingerin' thro' the gold age;
Untemptit wi' a foreign gain
That mak's ye merely laird o't,
An' thinkin' Scotland a' min' ain,
Tho' ownin' ne'er a yaird o't!
There's nane sae green, tho' grander;
What rills are like the Ochil rills?
Nane, nane on earth that wander!
There Spring returns amon' the sleet,
Ere Winter's tack be near thro';
There Spring an' Simmer fain wad meet
To tarry a' the year thro'!
A grave at last be found me,
Wi' daisies growin' at my head
An' Devon lingerin' round me!
Wi' lang narration rise there;
A line wad brawly serve, if brief,
To tell the lave wha lies there.
But ony sculptur'd wecht o' stane
Wad only overpow'r me;
A shepherd, musin' there his lane,
Were meeter bendin' owre me.
Hughie's Reply to the Laird's Intimation of a Visit.
Temperant vites neque Formiani
Pocula colles.”
—Car. i. 20.
As lang's gude weather haulds?
Ye're surely welcome to a day
Amang your ain sheep-faulds.
An' knowes o' noddin' green,
Wi' noo an' then a social dram
Or twa-haund crack atween;
A girdle scone an' cheese—
Ye're freely welcome to them, laird,
If thae hae power to please;
O' wines I canna name,—
They're no' within a shepherd's aucht:
Ye'd better bide at hame.
Hughie's Anxiety for Davy on the Seas.
Debes Virgilium.”
—Car. i. 3.
An' revel on the deep,
Respect for ance a poet's pray'r—
Swith to your caves, an' sleep!
For Davy's sake, wha taks the tide
This mornin', be commaundit:
There's fifty folk on Devonside
That wuss him safely laundit.
Ahint his ship, an' blaw!
An' mind oor hearts are in that ship
That carries him awa'!
If ye should mak' commotion,
An' think the hoose is Davy's ship
An' Ochil earth the ocean!
An' coveted the sea—
Wha first to bigg a ship began,
A daurin' loon was he.
As seas an' surges owre him lash'd,
An' monsters wallowed roond him,
Didna his speerit shrink abash'd,
His hardihood confoond him?
To separate the lands,
An' men in wisdom were confin'd
In kindly kindred bands.
But mankind are a restless race,
Aye seekin' new inventions,
An' warpin' a' the gifts o' grace
Clean fra their first intentions.
It lookit braw an' fine;
But mony a pat an' boiler burst
Has answer'd for't sin' syne.
We flew a draigon: an' the spark
Obeys a bairn if need is;
But look at the mischeevous wark
That's wrocht wi' thir torpeedies.
But we've dune weel oorsel'—
We've raised in dynamite, I doot,
The mucklest deil in hell.
There's naething that we'll no' attemp'
If danger but commend it;
We're mairchin' at a bonnie tramp—
But, Lordsake! what's to end it?
Hughie sympathises with Jocky on his well-earned Rest.
Ter pede terram.”
—Car. iii. 18.
That tied him to the hated yoke;
Rejoicing in his freedom found,
With heavy heel he hits the ground.
Sweet Jocky's griefs were of the ground;
Now, bondsman with a broken chain,
He leaps upon his tyrant slain.
A heavy load of hempen strings;
She ties sweet Jocky to the wark
Fra morning dim till gloaming dark.
Wi' but the gift o' caller air,
He plants his feet in many a soil,
He leaves in many a clod his toil.
The labour o' the year's complete:
Now beat the stibble-laund wi' glee,
And fling aloft with fetlock free!
He beats the ground with triple thumps!
The lingering vigour of his legs
He leaves upon the hated rigs!
And, Jocky, rest and roast your shins,—
Till Candlemas with blustering shout
Cry Jocky and his oxen out!
Hughie at the Maiden's Well.
—Car. iii. 13.
That tinkles oot aneth a stane,
An' seems to thy ainsel' to sing—
For listener near is nane—
There's neither birk nor rowan tree
Bends owre thy brink to shelter thee,
An' but ae gowan fra the lea
Has wander'd here its lane.
Till, as I loutit doun to drink,
A lintie fra the brink.
I'm dootfu' if it was a bird,
Sae still it sat afore it stirr'd,
Then, swifter than I'll say the wird,
Gaed by me in a blink.
Disturbit in her maiden dream,
That, takin' fricht on my account,
Was startled fra her hame?
Thou lovely Thocht o' Solitude!
Nae mair will I wi' footstep rude,
An' harsh an' hasty wirds, intrude
Upon thy haly stream.
Baith sun and weet thy waters spare!
Thou minds me o' a maid thysel',
Sae meek thy modest air.
Winding the solemn hills between,
Yet a' the way the banks o' green
Give proof that thou art there.
Note.—The Maiden's Well lies on the edge of the old bridle-path over the hills, about two miles behind Castle Campbell. Its beauty is in itself—cool, clear, and copious; sine floribus, yet not without its wreath of pastoral legend.
Hughie's Waddin' Gift to his friend Jame.
—Car. i. 18.
To rank amon' the wanters—
By way o' waddin' gift fra Hugh
Accepp thir twa decanters.
They're fill'd wi' Scotland's native juice—
An' whaur's a nobler liquor?
They'll aiblins help to heat your hoose,
An' mak' your union siccar.
May wi' advantage share them!
Ye'll hae your griefs: fill up your horn—
He'll gie ye heart to bear them!
However Fortun' vary;
It's only aye to water folk
She's cauldrife an' contrairy!
The maist o' folk are born till't!
Dae weel; syne if ye're fash'd wi' ocht,
Lift up a hielant horn till't!
We've a' oor troubles mair or less,
But to cry oot is weak-like;
Regairdit thro' a social gless
The warld's nane sae bleak-like!
At nae unworthy season,
Be mindfu' aye to mak' an end
Conformable to reason.
For aince if owre the boun's they win,
The passions quickly speak oot,
An' secrets, that are safer in,
Are likelier then to leak oot.
Becomes a second nature,
To change the manner an' the mood,
An' e'en the very feature.
There's Rabbie wi' the muckle mooth
That married Meg that mantit—
He drank himsel' into a drooth,
An' noo he canna want it!
'S nae waur than what his wife is;
Ye'll read it in his blecken'd ee
What his domestic life is.
Tak' warnin', Jamie, by their case,
An' learn fra their example,
While pleasure's in the mod'rate use,
The mod'rate use is ample.
The White Winter: Hughie dreads the Return of the Ice Age.
Grandinis misit Pater.”
—Car. i. 2.
For five months noo been white wi' snaw;
An', when we lookit for a thaw,
An' lowser weather,
It's gaitherin' for anither fa',
As black as ever!
Yowes stervin', an' the lambin' near,
An' Winter owre the Ochils drear
Drivin' unstintit,—
But, Lordsake! what's come owre the year?
An' what's ahint it?
'S been slew'd aboot, or dung ajee,
An' aff thro' space awa' we flee
In a daft orbit?
Whilk mak's the seasons, as we see,
Be sair disturbit.
O' Simmer in a last fareweel?
Nae mair green gowany braes to speel
Wi' joyfu' crook,
Nor dip in Devon, whaur a wiel
Invites to dook!
An' ance—as learnèd clerks declare—
This planet's fortune was to fare,
In ages auld,
Thro' regions o' the frigid air,
Past kennin' cauld.
When human cretur' there was nane,
An' this auld warld, her liefu' lane,
Bowl'd thro' the nicht,
Wi' tangles hingin' fra a mune,
Her only licht.
There lay the continents array'd,
Like corpses o' the lately dead,
In a cauld sheet,
Wi' icebergs sittin' at their head
An' at their feet!
It's weel kenn'd we hae little ch'ice;
An' if it be the Age o' Ice
Return'd ance mair—
Faith, tak' this present for a spice,
It offers fair!
Ae half oor time we're howkin' sheep;
We haena haen a blanket sleep
Sin' the New Year;
An' here we're at oor hin'most neep,
An' term-time near!
A shepherd's missin' wi' his flock;
An eagle's ravagin' the Knock;
An' nearer hame,
A dearth o' whisky's at the Crook,
An' aumries toom.
Silent are a' the seas an' soun's,
An' at the very trons in toons
It's hoch deep lyin':
In fac', the Winter's broken boun's,
There's nae denyin'.
We're no' juist to be smoor'd like mice,—
It may be that by some device
We'll fricht the snaw,
An' gie this threaten'd Age o' Ice
The ca' awa'!
Amang the cluds may intervene,
Send licht an' heat, an' change the scene
The warld throughoot;
An' burn oor skins, an' blind oor een,
Wi't a', nae doot!
Thy auld-appointed path to run;
An' a' the freits that were begun
To shore us ill
Shall, in the crackin' of a gun,
Flee owre the hill.
An' springin' corn begins to breer,
Those joys your shepherd's heart shall cheer
That charm'd of yore;
An' life on Devon be as dear
As heretofore!
Hughie's Delight in the Return of Spring.
Errare per lucos, amœnæ
Quos et aquæ subeunt et auræ.”
—Car. iii. 4.
I
Fra whaur in fragrant wuds ye bideSecure fra winter care,
Come, gentle Spring, to Ochilside
And Ochil valleys fair.
For sweet as ony pagan spring
Are Devon's waters clear;
And life wad be a lovely thing
Gif ye were only here.
II
She comes! the waffin' o' her wingsWi' music fills the air;
An' wintry thochts o' men an' things
Vex human hearts nae mair.
On Devon banks wi' me she strays,
Her poet for the while,
And Ochil brooks and Ochil braes
Grow classic in her smile!
Hughie's Bachelor Party.
Da noctis mediæ.”
—Car. iii. 19.
Like sheep in single file,
No' ane o' them wi' lang'age left—they're sae
Forfoughen wi' their toil.
Willie, my man, your paw!
Ye're pechan', Pate! Weel, Watty, what's the noos?
An' Lowrie's last o' a'!
An' view the scene awhile;
I weel believe it, Pate, withoot the aith—
It was that hin'most mile.
That was the muir-cock's craw!
But in! ye're welcome to the Shepherd's hoose;
I'm gled to see ye a'.
Five auld frien's plantit richt!
An' noo, afore I fesh the barley-bree,
Nae politics the nicht!
Noo, Watty, haud your haund;
The wise man says that a' thing has its time,
But here—ye're aff your laund.
An' fechtin' i' the toun:
If either Whig or Tory ventur'd till 's—
Man, we wad shute them doun!
An' what's the price o' woo'?
Has Bauby gotten owre that bairn she lost?
But was the deacon fu'?
It mayna get oor length!
Here's to ye, Pate! Willie—it's wat your ee!
Lad, that's the stuff for strength!
But wha's that at the pane?
The new mune keekin' in a kind o' swither!
'Faith, we maun gie her ane!
Wha brocht the tappit hen;
An' ane for him, too, honest man! the gauger
Wha lost himsel' i' glen!
A sober gauge is six!
There's water in a stoup ahint the door
For them that want to mix.
Lowrie, produce your flute,
We maun hae music;—first we'll take your blaw,
An' syne a sang fra Pate.
Till the waste places ring,
An' social coveys sleepin' soun' thegither
Break aff on startled wing.
Oor nippit neebor, hear;
An' lovely Abigail, as I may term her,
That should be—Dauvit's dear!
Ye're blest—ye're free o' blame;
But I maun burn for what I daurna beg,—
For her I daurna name!
Note.—The reference in the 9th stanza is to the increased duty on whisky, threatened by a recent Budget.
Hughie's Winter Excuse for a Dram.
Soracte.”
—Car. i. 9.
Your blue neb owre the lowe,
A snawy nichtcap may be seen
Upon Benarty's pow;
An' snaw upon the auld gean stump,
Whas' frostit branches hang
Oot-owre the dyke abune the pump
That's gane clean aff the fang.
The pump that half the toun's folk ser'd,
It winna gie a jaw,
An' rouch, I ken, sall be your beard
Until there comes a thaw!
Doun to oor tinglin' taes;
Clap on a gude Kinaskit peat
An' let us see a blaze.
An' since o' water we are scant
Fess ben the barley-bree—
A nebfu' baith we sanna want
To wet oor whistles wi'!
Noo let the winds o' Winter blaw
Owre Scotland's hills an' plains,
It matters nocht to us ava—
We've simmer in oor veins!
Are far abune oor fit,
But while we scoog them, let them blaw;
We'll aye hae simmer yet.
An' sae wi' Fortune's blasts, my frien',—
They'll come an' bide at will,
But we can jink ahint a screen
An' jook their fury still.
An' glorious ilka nicht;
The present doesna fash oor thooms,
The future needna fricht!
An' joys ye little ken;
The warld has prov'd them sweet afore,
The warld will again!
The lasses, min! the dearest gift
An' treasure time can gie—
Here's to the love that lichts the lift
O' woman's witchin' ee!
An' vainly till that licht expire
Should storm or winter low'r—
It's sune aneuch to seek the fire
When simmer days are owre!
Note.—Kinaskit, as its inhabitants pronounce Kinnesswood, is a small village at the foot of the Lomond Hill and not far from Lochleven. In its neighbourhood is a small peat-moss, from which the surrounding villages and farm-towns used to be supplied with fuel. To the student of English literature the village of Kinnesswood has other associations—those, namely, connected with Michael Bruce.
Hughie Consoles and Counsels young Nannie in the Absence of Davie.
Sub cantu querulæ despice tibiæ.”
—Car. iii. 7.
For Davie owre the sea;
The fates 'ill keep him safe an' soun',
An' that for sake o' thee.
What pleasure wad it gie the fates
To vex a heart like thine
Whas' only wish on Davie waits,
Whas' hopes roun' Davie twine.
By dootin' if he's true;
Sweet Nannie! far owre fair thou art
For him to brak' his voo.
Nor mair bewitchin' ee,
In ony frem'd or foreign place
For Davie's een to see!
O' thee lies doun to dream,
Or wauks the nicht to coont the miles
Between him an' his hame.
O dinna doot that Nannie's charms
'Ill draw him owre the main
To Nannie's fond an' faithful arms
An' Devon's banks again.
It's kent to ane or twa
That hielant Donal' wad draw near
Noo Davie's far awa.
An' sweetly soonds his pipe, it's true,
When gloamin' gaithers dim—
'Faith! Dave has mair to fear fra you
Than you've to fear fra him!
Hughie takes his Ease in his Inn.
Fundens liquorem.”
—Car. i. 31.
Uncommon drouthy weather,
But here's an inn—if it were sin
We'll spill a dram thegither!
An' while we sit an' rest oor fit,
Surveyin' man's dominion,
We'll tak' a glance at things that chance,
An' freely pass opinion.
We canna ca' a lead o't;
The herd that strays on yonder braes—
We canna claim a head o't.
That we can coont oor wealth, Tam;
Yet, nane the less, there's happiness
To puir folk wi' their health, Tam.
Awa' the wants that fear folk;
While mony wares bring mony cares
That never trouble puir folk.
An' for the yield o' hill or field—
It's little that we're spar'd o't,
But to the ee it's just as free
To hiz as him that's laird o't.
Auld Scotland's native brewin'!
O' this bereft, there's water left,
Wi' that we'll e'en be doin'!
Gie fules their braws—they've aiblins cause
To be sae finely wrappit;
The man that's in a healthy skin,
He's brawly if he's happit.
To drive his ain shanks' naigie;
What can he ken o' wud or glen,
Or mountain wild an' craigie?
Wad Fortun' grant me what I want
I'd pray for health o' body,
A healthy mind to sang inclin'd,
An' nae dislike for toddy!
Hughie Visits a Sick Friend.
Utcumque præcedes supremum
Carpere iter comites parati.”
—Car. ii. 17.
Ye've suffer'd mony a weary week o' pain,
But dinna think, an' dinna say ye're failin';
Health an' your hopes may a' come back again.
Hoo aften hae we wuss'd, my frien', my brither,
Leadin' our flocks alang the lown hillside,
Thro' life, thro' death to wander on thegither,
Content to gang, yet weel content to bide!
Whaur late-born lambs are toddlin' i' the sun,
An' see ye lyin' here, a wastit shadow,
Weak as the least and latest life begun,
An' me sae hale an hearty lookin' on,
Pooerless to help—it's no' in human natur'
To leave thae life-lang dreams without a groan.
Comes surgin' fra the south the tide o' Spring:
Licht to the lift, an' music to the fountain,
An' spray o' flooers a' gate its billows fling.
O' winter's snaw there's but a tate remainin',
Gowans and laverocks gladden sky an' lea,
An' maun ye, Moses-like, on this new Canaan
Cast but a glance, an' syne lie doun an' dee?
O' days an' starry nichts to me my lane?
What breath o' balm, what timorous touch an' tender
O' wind could comfort me, an' Davie gane?
The year's melodious mirth on me were wastit,
In wuds an' watters hearin' but a wail;
Fra me the cup o' joy wad pass untastit,
An' a' the sweets o' life an' livin' fail.
Wha's mornin' prime endures the ages thro',
By whatna crystal wave unkent ye wander'd,
'Neth skies wi' ne'er a clud to blot their blue;
Tho' ne'er a glint fra hope ye bude to borrow,
Secure in calm, unkennin' cauld or care,—
My mournin', like a sough o' autumn sorrow,
Wad follow ye, an' fret ye even there!
A joyfu' truth that Providence is kind:
Let's warstle thro' the doots whaur noo we're landit,
An' face the future still wi' even mind.
The gate o' death, by which we a' maun enter—
By it we'll meet, tho' late an' lang it be:
Peace be wi' him whaever first maun enter,
But patience is a harder weird to dree!
Hughie on War and Sport.
—Car. iv. 3.
The Muse has ance regairdet,
Shall ne'er in field o' battle toil
To be with bays rewairdet.
The placid battle plain—
To mourn the lives that there were lost,
The loves that there were slain.
Maun mony a hearth hae been;
Hoo blank to mony bairns an' wives
The social hoor at e'en!
Bird-slaughterin' shall he be,
Nor fisher rivin' fra the gills
O' some puir troot his flee.
And speel the mountain stairs,
Unburdened wi' the murderin' tools
O' guns an' gauds an' snares,—
In Nature's ilka feature,
And share the brotherhood of life
With every happy creature.
At close of battle clangour?
This warld is far owre sma' for fame,
And life owre short for anger.
Hughie's Early Memories.
Postulant arces.”
—Car. ii. 6.
The auld hill-taps cam' back to view,
An' cluds broke up, an' skies shone thro',
An' glorified the Ochils,—
We left the toun like hunted raes,
We hardly waited for oor claes,
To rin an' speel the Ochils!
We scour'd for whussle-wud the dell,
And ance we happen'd on a stell,
High up amang the Ochils!
We scaur'd the wild-dyuck aff her eggs,
We scaur'd the heron aff his legs,
And aff the very Ochils!
We cam' wi' wicker wands an' twine,
An' tint, an' thocht it heaven to tine,
The 'oors amang the Ochils!
Baith owre and in the linns we luppit,
And to the sark, or past it, strippit,
Secure amang the Ochils!
We kirn'd the water wi' oor shanks,
An' salmon-red we play'd oor pranks,
Run deils amang the Ochils!
We lay amang the purple heather,
Listening the bees for 'oors thegither
Bummin' a' ower the Ochils!
Wi' cudgel-staff an' raucous throat,
Stappin' aboot, withoot the coat,
At hame amang the Ochils!
An' snaw-ploos in the street were seen,
We saw them like a far-aff frien',—
They were anither Ochils!
Destruction to the cock-laird race,
We kentna o', we could but guess,
Was happenin' i' the Ochils!
The auld hill-taps cam' back to view,
An' the cock-lairds gat up, an' crew
Possession o' the Ochils!
A Stormy Night: Hughie hobnobbing at Home.
Demissa tempestas ab Euro
Sternet, aquæ nisi fallit augur.”
—Car. iii. 17.
Sin' Scotland was a nation—
And yet ye tak' a higher staund
Than that o' generation:
What tho' your pedigree ye trace
Frae maister an' frae madam?
The meanest figure wi' a face,
He bude to come fra Adam.
I canna rank ye high'r—
I spend this nicht at aucht o'clock
Beside my ain peat fire.
Shaws nouther face nor form;
And there's a moanin' aff the loch
That bodes the comin' storm.
An' poacher tho' he is,
As he gangs drookit by your toon,
A dram for bringin' this:
An' for oorsel's—we'll play the joke
We've play'd sae aften noo:
Drink up to me at aucht o'clock,
And I'll drink doun to you!
Hughie in Murnins: he Laments the Loss o' his Frien' Andro.
Urget!”
—Car. i. 24.
Haud oot his haund, an' cry Forbear!
This wild, this waefu' sorrow spare;
It's Nature's debt?
But I will band an' weepers wear
For Andro yet!
An' trees, an' seas, an' settin' suns,
An' melancholy muirlan' whuns,
An' hillside sadness!
O for the greetin' voice that runs
Thro' Nature's gladness!
Has fa'en upon him, an' he's deep!
An' noo he doesna hear a cheep
O' a' we're talkin';
An' we in vain a watch wad keep
For him to wauken.
The bosom cauld, the moveless limb,
That melt an' mak oor een sae dim,
Oor heart sae sair—
But oh! what virtues sleep wi' him
That's lyin' there!
Truth was engraven on his broo!
Strict wi' himsel', an' slack wi' you,
An' even-mindit:
His peer, search a' the parish thro',
Ye wadna find it!
Atween us an' that ocean dark,
Whereon some day oor ain frail bark
Maun sink or sail;
But here nae mair again we'll hark
His kindly hail.
Hughie's Appraisement of the Ochils.
Quum terra celat, spernere fortior
Quam cogere, humanos in usus
Omne sacrum rapiente dextra.”
—Car. iii. 3.
An' hirsels without number;
Wi' hummelt kye an' kyloes horn'd,
Red, yellow, black, and umber;
And, abune a', wi' bannet lairds,
The cocks o' the creation—
Heaven spare their patriarchal beards,
An' speed their generation!
What hills are like the Ochil hills,
Unless it be the Lomon'?
And whaur on earth are sweeter rills
To daunder by i' gloamin'?
Their sunny side the Devon,
Wi' dusky plumms an' crystal pools,
Reflecting hill and heaven.
Hoo sweet their waters to the ee,
Or round the ankles playin',
Or mairried to the barley-bree,
The fisher's thirst allayin'!
Gang freely, fishers, by their banks,
Baith foreign loons an' locals,
An' fling your flees, an' breathe your thanks,
That Nature made the Ochils!
That rises green amang us?
What ither haunt or howff hae we
When warld's cares owregang us?
It's something to escape the stoor
The fecht wi' fortune raises,
An' rin a laddie for an hoor
Barefit amang the daisies.
There's no' a buird to stay ye;
Nor menace o' a trespass chairge,
Nor upstart to nay-say ye.
There's no' a biggin' wi' a ruif,
But mak's ye welcome hither;
There's no a farmer wi' a luif,
But grips ye like a brither.
There's no' a tyke that has a tail
But waves 'd aloft to greet ye;
The very fanners and the flail
Are whirlin' mad to meet ye!
That rises green amang us!
What better randyvoo could be,
If fate or folly dang us?
May never tunnel pierce its hert,
Nor mill nor mine disturb it,
But Nature flourish here, and Airt
Keep in her Lowland orbit.
To mine an' mak' a gain o't;
Thank Heaven! his howkin' cam' to nocht,
He'd naething but the pain o't.
But had that limmer ha'en the power—
We ken what bizz'd in he's caip!
He'd whummled the haill Ochils ower
As I would cowp a beeskep!
But what does impious Folly care
For happy habitations?
She'd overturn a palace fair
To seize on the foundations.
Note.—For the moodiewart, see ‘Scotland and Scotsmen in the Eighteenth Century.’ He was Lord Tinwald, whose unforgivable sin it was to say that “if one could turn over the Ochils like a beehive, something worth while in minerals might be got.”
The Dog-Days: Hughie's Invitation to a Weaver Friend.
—Car. iv. 12.
Come on us fra the sooth,
An' we wha live amang the hills
Are a' brunt up wi' drooth!
Or tiggin' owre the braes;
An' oor wee laddie-herd—he rins
Skeer nakit, wantin' claes!
Nae wonder nor you're thin;
I meikle fear the smoory toon
Has left ye nocht but skin!
Till a' this heat be by;
An' come an' see hoo we folk fare
That live by sheep an' kye.
I'll mak' a couthie place for't;
And bring a lemon i' your hand,
We'll aiblins find a use for't.
Their virtue's cheap, I'm thinkin';
At least it's pleasant, and the time
Seems to invite to drinkin'!
Hughie's Dedication.
Tollor Sabinos.”
—Car. iii. 4.
Diffused in simmer time,
Or like a mountain torrent pent
In city stane an' lime,—
While fickle seasons tak' the gate
Owre passive wud an' lea,
My lease o' life I dedicate,
Sweet Poesy, to thee.
Shall trouble me nae mair,
Nor joys that to destruction haste
Oppress my soul wi' care.
Yet sweet, I hear thee sing,
And in the cleavin' o' the cluds
I see thy soarin' wing.
Owre field and forest free,
An' fearless aye o' earthly change,
Were happiness to me!
An' when at last wi' kindly gloom
The gloamin' comes, to ken
That death is ither than a doom
Unto the sons o' men!
Hughie's Advice to auld Tammy to tak' the Use o' his Savings.
—Car. ii. 14.
The season o' your strength is past;
Ye're white but whaur ye're bauld;
The footmarks o' the craw are seen
Aboot the corners o' your een—
Ye're auld, my frien', ye're auld!
There's some that on life's mornin' road
Fall in their glorious strength,
An' some, like you, that bear the load
O' life the weary length;
But hame still, the same still,
We've a' to find oor way;
What maitter tho' later
Or earlier in the day?
Ye awn a stane house, an' a yaird
Wi' fruit-trees on your wa';
Ye keep a powny, an' ye've kye,
Ye've siller i' the bank forbye—
Ye'll need to leave it a'!
What need ye, then, to strive an' strain,
An' fret your saul wi' care,
To gaither gear an' treasure gain
A' for a spendthrift heir?
He's waitin', like Satan,
But if he ance win in,
He'll dance throu't, an' prance throu't,
An' scatter't a' like sin!
Hughie driven in by a Tempest: he Defies the Elements from behind a Jorum.
Occasionem de die, dumque virent genua.”
—Car. v. 13.
Is broken lowse an' ragin' free;
The knock-wud groans wi' anguish boo'd,
An' rocks an' writhes the moanin' sea.
See whaur in whirlin' shooers they flee,
The sprays o' ocean, owre the main!
See whaur the leaves o' buss an' tree
Gang streamin', streamin' owre the plain!
To triumph owre a thrawart fate,
An', ere auld age forbid we may,
Assert oor independent state.
May tame the tod an' cowe the craw;
But we, wha rank a higher rate,
Will lauch at Winter's wildest blaw!
That should be gurglin' i' the wime o't;
An', while the storm flees owre oor tap,
We'll toom the cog, an' hae a time o't!
A cheerfu' quaich—an' whaur's the crime o't?
Or maybe twa—we'll no' get fou!
Droon Daddy Care, an' mak' a rhyme o't,
An' face the warl' the morn anew!
Hughie Flatters Saunders with an Ironical Description of Himself.
Delevit ætas.”
—Car. iv. 9.
Wi' great gudewill, an' meikle pains,
Altho' my skill be like my gains—
Baith unco sma';
An' yet a something too remains
Ahint the blaw.
To blaw sic strains as Robbie blew;
It's no' for ilka bard to pu'
A branch sae green
As cleeds wi' laurel Robbie's broo
Doun to the een.
There's Allan wi' his rural reed,
An' Fergusson, sae fain to lead,
Sae sune to fa',
An' Jamie Hogg, a border breed,
An' Paisley's twa.
Like Barbour, an' the bauld Dunbar,
An' Lyndsay—wha in Fife wad daur
His name forget?
A' haill, an' scarce a hair the waur,
An' pipin' yet!
The Makkars a' in their degree,
That neither they themsels' can dee,
Nor what they notice;
While what they slicht, or dinna see,
Quickly forgot is.
An' mony an auld heroic Hoose
Has slippit past Oblivion's sluice,
An' ne'er a wird o't!
They did braw things to little use—
We never heard o't!
But late may that day be, an' lang!—
I promise ye a bur'al sang
As sune's we've tint ye,
To keep your name amon' the thrang
That comes ahint ye.
An' hoo ye took the puir man's pairt,
An' garr'd a greedy rascal smairt,
A graspin' cratur';
I'll spread abroad wi' a' my airt
Your generous natur'.
An' trust in man; your common-sense,
That lat ye see thro' a' pretence,
And smile to see't;
I'll sing the virtues that gaed hence
When Saunders dee'd.
That Saunders as he's drawn's a sell,
For Saunders crams into a shell
His sordid natur',
Cheats, an' distrusts, an' is himsel'
The graspin' cratur'!]
Hughie's Advice to his Brother John.
—Car. ii. 3.
Than me, your aulder brither—
Keep mind the higher up ye gae
The mair ye're in the weather.
I'm no' misdootin' that ye're wice,
An', for your ploo-share, speed it!
But I may better gi'e advice,
An' ye may better need it.
The farrer it's below ye,—
Tak' tent ye dinna gi'e the deil
Occasion to dounthrow ye.
For Fortune's no' to trust aye;
Then if your head should tak' the gress,
Ye're whaur ye were at first aye.
It never brak' a bane yet;
There's aye the honest course to steer
For a' that's come an' gane yet.
But letna lucre be your aim,
Pursued thro' thick an' thin aye;
The honour o' an honest name,
That's what you first should win aye.
Is no' the gift o' Fortun';
Wi' place the limmer plays her pranks,
Wi' men like puppets sportin'—
Rich folk lookin' idly on
At puir folk busy dargin'—
But happiness, my brither John,
It wasna in the bargain.
Are like a fairy revel;
But a' the warld, an' his wife,
Maun lie at ae great level.
An' that's a thocht for me an' you
When Fate's awards perplex us;
In calm eternity's wide view
There's little that should vex us.
An' we like vessels ridin';
It's up an' doon, an' up an' doon,
An' here there's nae abidin';
But on the far horizon's edge,
To which we're ever driftin',
The changes on Life's pilgrimage
Are but a paltry shiftin'.
Hughie's Flight as an Eagle.
—Car. ii. 20.
If I were ane, an' choice were free,
I'd be an Eagle! wha but he
To rule the air!
The very sun wi' open ee
He can ootstare!
He screams abune the flashin' levin,
That sends the wee fools, terror-driven,
Hame when they see't;
The heichest hills are thunder-riven
Aneth his feet!
The rushin' o' his wings in war?
Or seek wi' impious bolt to bar
His plumag'd pride?
Nae fear has he; his flicht is far,
His empire wide.
The feathers creepin'! on my heel
A spur sticks oot as sharp as steel!
My wings are risin'!
I'm ready for the lift! fareweel!
I'm aff, bird-guizin'.
A mile abune the city's roar;
Then round the globe, shore after shore,
Wi' pinions regal,
I flee a strang flicht wi' the core,
A brither eagle!
To tak' that honour fra the Greek?
Then Pindar wi' triumphant beak
An' bluidy talons,—
Tho', whyles, he whummles wi' a shriek
Clean aff his balance!
Far, far abune oor loftiest hill;
Yon's Virgil wi' his weel-preen'd quill
Alangside Horace;
A band o' Eaglets screamin' shrill
Comes next in chorus.
An' scowther'd on the wings awee?
It's Dante: he delichts to flee
A' by himsel'.
The fire that's in his flamin' ee
He stole fra hell!
Shakespeare an' Milton ridin' by,
Dimmin' the haill dome o' the sky,
Their ain dominion;
While far within their shadow I
Streek oot my pinion.
Altho' a mile aneth the pair,—
To flap your wings owre earthly care,
Owre kirk an' steeple,
An' see them point Lo here! lo there!
The gapin' people.
An Eagle-poet canna dee!
But when the lightnin' flashes free,
The tempest sings,
Look up, an' in the tumult see
My soarin' wings!
Hughie Remonstrates with Davie— a Dour Critic.
—Car. i. 1.
To pierce that stane ye ca' your heart
Wi' the clear dart o' poesie,
A prooder man there wadna be.
For weel it's kent thro' a' the toun
That nane can rise that ye ca' doun;
While him that by the haund ye tak'—
He'll neither fame nor fortune lack;
His ballants—thro' the touns they'll cry them,
An' weaver bodies rin to buy them.
But what are they when wantin' you?
There's Johnny o' the Windyknowe—
A blessin' on his auld beld pow!
Wi' kindly hail whene'er he meets me
He grips me by the haund, an' greets me.
“Shakspere!” says Johnnie, “gie's a swatch o't!
Weel dune, my bairn! ye hae the catch o't—
This dings the lave!” But that's nae test,
For aye wi' him the last's the best!
His praise is waur to me than pousin;
He kens a stirk, but for a sang
He's never richt but when he's wrang!
There's Tam the farrier, an' Jame;
But Jame's my brither, an' for Tam—
Ye'll buy his judgment wi' a dram.
Ye wad' as wi' a windlass raise me
Oot o' the slough o' doot I'm in,
An' set me on a road to rin!
Hoo everybody's pleased but me;
They've a' some hobby to amuse them,
Folk to look on an' frien's to roose them,
An' weel contentit there they ride,
An' lauch, an' let the warld slide.
An' I ana' wad hae my treasure,
An' poetry wad be my pleasure,
If ye wad only bend your ee
An' blink approval ance on me!
To toot the horn or beat the drum;
Even little Jock that ca's the mangle—
Saturday comes, an' the triangle,
An' then sae manfu' as he strides
An' tingles on its yetlan' sides!
Wad blaw his soul into a bugle;
That thrice thro' jealousy the wife
O' Dempster kickit Dempster's fife;
An' weel-a-wat the coonty kens
When Sandie Brand ca'd oot the brains
O' his black fiddle at the fair,
An' swore he ne'er wad fiddle mair,—
Altho' he “d—d if he was carin',”
Sober he sabbit like a bairn!
Glowerin' wi' hawks' een on a damberd.
To some the rifle-range gie's pleasure;
Quoits or the puttin' stane has charms
For steady een an' sturdy arms.
O then to see oor noble smith
Tak' up the ball to prove his pith!
Hark hoo it whizzes thro' the air—
He's foremost by an ell or mair.
He drave the pin clean oot o' sicht,
An' when wi' shools they howkit for 't,
Darkness cam' on, an' spoiled the sport.
Nane to this day can understand it—
They howkit, but they never fand it!
To pierce that whinstane o' your heart,
An' bring the sparkle to your ee—
A happier man there wadna be!
Noo, Davie, dinna crook your mou'—
A wird o' praise is sweet fra you!
Hughie in Love with a Shrew.
—Car. i. 19.
An' wark I dinna fancy,
Sae I'll sit doun an' hae a groan
Aboot my cruel Nancy.
She thraw'd her head when late yestreen
I telt her I was deein'—
Either she disna care a preen,
Or else she kens I'm leein'.
An' cauld as kirkyaird granite;
'Deed, whyles I think the nicht ill-starr'd
That saw me brak' wi' Janet!
Nor shown me ceevil favour;
The wooer's is a dootfu' case
That builds on that behavour!
But Sandie, ever socht her;
She flang a leglen at his lug,
As weel's the nits he brocht her.
She hasna tried thir tricks on me;
She'd find it—no' sae chancy;
An' that's what gars me houp to see
My waddin'-day wi' Nancy!
Hughie's Spring Sunshine dashed wi' Shadow.
—Car. i. 4.
The wast wind whistlin' cracks his whup,
An' noo ye hear their Hi! woa! h'up!
(Pleasant the hearin'!)
As plooman-lads wi' steady grup
Draw oot their feerin'.
Drawn fra the divots by the shooers,
An' saft winds hing the plantin' booers
Wi' leaves that rustle,
An' lav'rocks to the lift a' 'oors
Flee up, an' whistle.
To see the joy o' everything:
Dance, bairns an' bodies! loup an' sing!
Ye dae't wi' reason;
Whatever joyous thocht ye bring,
It comes in season.
For human life's a shortliv'd day;
Owre sune, owre sune the gloamin' gray
Creeps cauld athort it,
An' we at rest oor limbs maun lay
Whaur late we sportit!
A Weet Hairst: Hughie condoles wi' Saundie.
—Epod. 16.
I ken fu' weel your basket's bare,
Your store o' savin's toom;
I'm wae to see your waefu' looks
Oot-ower the fields o' draiglit stooks,
An' fodder, fit to soom!
Wi' markets cheap and wages dear,
Ye've been at mickle cost;
An' here's the hervest o' the year,
An' a' your labour lost!
Perplexin' an' vexin'
The ways o' Nature seem;
The haste o't, the waste o't,
It's like an evil dream!
It's sad, it's angersome atweel,
To think that folk like you,
Wha saw'd gude seed in gude dry laund,
An' spared nae sweat o' head or haund,
In hopes to cairry thro'—
Wha watched it fra the wee green breer
To Autumn's stately show
O' mony a gallant gowden spear
In serried rank an' row—
Maun see't noo and dree't noo,
Lie rottin' i' the rain!
The mense o't, the sense o't,
Nae mortal can explain!
A can'le's glimmer i' the dark;
An' he's the wiser wicht
Wha doots his wisdom and his sense,
An' puts his trust in Providence
Till dawns the dear daylicht.
That a'thing's for your gude
Will lead ye safe thro' life an' death,
Thro' fear o' fire an' flude.
Tho' crosses, an' losses,
Mar a' the life o' men,
They're sent till's; their end till's
We'll aiblins ae day ken.
Hughie's Advice to Tammie to live less for the Future and more for the Present.
—Car. i. 11.
That trokin' wi' the deevil's books,
That doctorin' o' yoursel' wi' simples
(It only fills your face wi' pimples!),
An' learn to live like ither folk
Whas' trust is in their aitmeal poke!
Ye winna live ae 'oor the langer,
For a' your deep-laid calculations,
Your cairds an' left-loof consultations,
An' a' your ither unkent slaisters!
Ye'll live nae langer an' nae less
Than a' your days, ye maun confess.
To wait wi' patience on your fate—
To sup your parritch, tak' your smoke,
An' dee at last like ither folk!
This eager wish o' yours to scan
The future—will't prolong your span?
It's far frae gude, it's doonricht bad,
Half-irreligious an' half-mad!
Hoo mony years ye've yet to spen'?
For what there's o't ye couldna strengthen 't
An' owre the score ye couldna lengthen 't!
Ye'd only live a life dementit,
An' dee alane an' unlamentit.
An' follow 't, an' we'll ca' ye wice:
Commensurate wi' a mortal's years;
Enjoy the present—crack your joke
An' tak' your dram wi' sober folk,
An' dinna grieve the passin' 'oors
By wonderin' if the future's yours!
Hughie Lectures a Vain Old Maid.
Vis formosa videri.”
—Car. iv. 13.
An' ye were ance sae braw,
The pridefu'est lass in a' the toon,
Coortit by ane an' a!
Ay, wumman, at oor time o' life
Thae youthfu' memories are rife—
Surely ye winna yet maintain
Your courtin' days are no by-gane?
Are grizzle-grey or white,
Your een are blear'd that were sae blue
An' sparkled sae wi' spite.
To rosy Meg's, sae smooth an' saft?
An', faith, to ca' your crackit quaver
Melodious noo is juist a haver!
Wi' that bit modest mou',
An', while she warbles, whaur's the chiel'
Wad lend a lug to you?
Ye needna fash to busk yersel',
For what ye've on there's nane could tell:
Lay by your silks an' pearlins noo,
A worset goon's the liker you.
Your bloom that was sae bonnie—
Ance, an ye mind, they maister'd me;
I was as daft as ony!
Ay! nane but Bess cam' near ye than,—
An' this is Bess's second man,
While you—ye're never oot i' bit,
An' dressin' like a young lass yet!
Autolycus in Glendevon: Hughie falls in with Shakespeare.
—Car. i. 10.
An' doun fornenst my door he clanks,
An' draws his buskins on;
Then up he loups: the gude be near's!
The warld at my door appears,
An' Devonside stands yon'!
Here stalks a king, there slinks a freer,
An' fra behint a buss
Keeks ane wi' sly todlowrie leer—
The loon Autolycus.
Deceivin', an' weavin'
His wiles wi' ready skill,
Yet rantin', an' chantin',—
I canna wuss him ill.
Wi' truth, as far as I can tell;
Yet see hoo things come roun',—
Some auld forgotten taint o' blude,
Some auld forbear's contempt o' gude,
Mak's me admire the loon.
An' I could hearken till his strain
When hawthorn buds appear
(Gin I could ca' my lugs my ain)
Whil' I had lugs to hear.
But deacons, an' beacons
O' haly reek and flame,
Surround me, an' bound me,
An' bid me bide at hame!
The warld, I'm sure, wad do wi' less
O' that peculiar kind
That lies in visage lang an' sour,
Uncharitable heart, an' dour
An' narrow bigot mind;
That poisons bread wi' leaven,
That herds us fra the joys o' earth,
An' fain wad haud's fra heaven!
Misca's us, an' thraws us,
Hooever it seems fit:
We'll blink it, an' jink it,
An' tak' oor fling o't yet!
Hughie's Views on Soldiering.
Sectis in juvenes unguibus acrium
Cantamus.”
—Car. i. 6.
An' Jock maun awa' to the muster at Stirlin'.
Stappin' aboot in his plooman's gear,
An' whustlin' blithe on his native braes—
But a deevil for fechtin' in scarlet claes!
White gloves, steel sword, an' a stiff mustache,
An' lang strippit-breeks—faith, a strappin' chiel,
Wi' a silver spur like a star at his heel!
Wi' its gibbles strange, an' its gibberish queer,
Wi' its “limber” here, an' “echelong” there,
Its “parks” an' “parades,” an' kens what mair.
For the sake o' Jock, for he looks sae braw,
But I micht gang wrang in a form or a phrase,
An' earn Jock's wrath for the rest o' my days.
But their style o' fechtin' 's no' for me—
Wi' their blawin' ye up, an' their ca'in' ye roun',
An' their stickin' ye dead when they get ye doun!
Is when a Meg wi' her jo fa's oot:
She lowses upon him a tinkler jaw
An' rugs his hair; an' he bears it a';
An' it's a' made up in an 'oor or twa!
Hughie thinks himself now too old for Love.
Jam captam teneo, jam volucrem sequor.”
—Car. iv. 1.
I canna bide their licht;
I'm no' sae young as I hae been,
Nor near sae strong o' sicht.
I'm wearin' near twa score an' ten—
It's mair becomin' me
To think upon my latter en';
In pity, let me be!
A dacent honest lad;
He's growin' like his nowte awee,
But, hoot! he's no' that bad.
An' wants a wife forbye;
An' mind he has a snod bit house,
An' twa-three gude milk kye.
An' cheaper than anither—
He'll hae a gude wheen claes aboot
Belangin' to his mither.
Then dinna fling awa' your smiles
(Ye'd fling whate'er cam' handy
At ony o' 's, I've noticed, whyles!)
But keep them a' for Sandie.
Are calmer than I've seen yet;
Yet why, ah! why will hidden tears
Unbidden fill my een yet?
Thee still in dreams by night I view,
Thee flying o'er the plain,
Thee, cruel Peggy! I pursue
O'er rolling seas in vain!
Hughie's Indignation at the Conduct of the Absconding Elder.
—Car. v. 10.
He's on the sea—they've tint him!
The warst o' weather wi' him gang!
Gude weather bide ahint him!
O for a rattlin' bauld Scots blast
To follow an' owretak' him—
To screed his sails, an' break his mast,
An' grup his ship, an' shak' him.
Or prayed wi' readier unction?
He brocht the sweetness o' a smile
To every public function.
Or graciousness o' Peter;
There wasna ane in a' the place
For the millennium meeter.
A wolf that wore a fleece, man!
He's cheated justice, jinkit law,
An' lauch'd at the policeman.
The mission fund, the parish rate,
He had the haill control o't;
The very pennies i' the plate—
He's skirtit wi' the whole o't!
I'm no' a hair the belder,
Since in the Session Chaumer here
We made him rulin' elder.
An' juist a month as Feursday fell
He gat the gold repeater,
That in a speech I made mysel'
We handit owre to Peter.
Perth never saw the mak' o't,
An' wi' his character in goold
Engraven on the back o't.
He's aff! he's aff wi' a' the spoil,
Baith law and justice jinkit!
O for a wind o' winds the wale
To chase his ship an' sink it!
An' gie him sic a drookin',
Whaur on his growf he groans for grace
But canna pray for pukin'.
Then wash'd owre seas upon a spar,
Wi' seaweeds roun' the head o'm,
Let neither licht o' sun nor star
Shine down upon the greed o'm!
It's jaws wi' hunger tichtenin',
Soom round him, shawin' izzet teeth
At every flash o' lichtnin'!
Transport him to a distance,
To herd wi' wolves an' sterve in caves,
An' fecht for an existence!
Hughie's Anticipation of Hogmanay Night.
Seu rixam, et insanos amores,
Seu facilem, pia testa, somnum.”
—Car. iii. 21.
Sae trimly to the time o' year,
When folk maun lay 't in, tho' it's dear?
But this, I'se wauger,
Cost but the buyin' o' the bere
An' miss'd the gauger.
The smell o' peat-reek hings aboot it!
But still it's whusky—to dispute it
Wad be a sin—
Sae wi' the leechence, or withoot it,
We'se tak' it in.
When Hab an' Rab an' twa-three mae
Weel-geizen'd guisers up the brae
May be expeckit;
An' they maun cake an' caulker hae,
Or they're negleckit.
That brew'd, an' brocht this bonnie crock,
An' left it hingin' at my lock,
May be amon' them:
Surely a mutchkin o' the stock
'S weel wair'd upon them.
The deil kens what may be i' horn,
What acks and antics may be born
O' this elixir!
The humours o' John Barleycorn—
They're a queer mixtur'!
There Hab upon his bendit knee,
Dave amorous daft, an' Roger ree,
An' Patie snorin',
An' Geordie wi' his jaws ajee
A ballant roarin'!
Wee Johnnie gets a gift o' gab;
Lang Sandie grows a perfeck blab
An' tooms his mind;
While Tam, wi' aye the ither sab,
Swears he's resign'd.
Oblivious o' their blacken'd faces;
They sit, ae hour the ither chases,
Nor think o' risin',
Nor hoo John Barleycorn disgraces
Them an' their guisin'.
The auld clock gi'es afore it strik';
They warstle up, an' i' the nick
Roar oot their greetin';
Then Patie's wauken'd wi' a kick,
An' skells the meetin'!
Hughie upon Human Conduct.
—Car. ii. 3.
Are bauldly pushing forward,
Forgetna in the fash o' strife
That a' your days are order'd.
There's mony a quest'on greatly vext,
An' mony a truth disputit,
But that we a' maun dee s' a text
Nae sceptic ever dootit.
Like grief-opprest Cassandras,
An' some that jig like fules at fairs
An' mock like merry-Andros.
As life we journey thro' it?
Or wha that kens will rise an' tell 's
The wisest way to view it?
There's little doot, design'd it,
Come like a caution on the road
To keep us even-mindit;
To save us in oor prosperous days
From insolent offending,
An' whisper in the midst o' waes
That they too have an ending.
That judgment 'ill be past on;
It's no' the red coat nor the black,
It's no' what we had last on.
That, only that's deservin' praise
That we hae dune oor best in;
The place is but the player's claes,
The conduct is the question.
Hughie's Invitation to a Friend in the City.
Manabit ad plenum benigno
Ruris honorum opulenta cornu.”
—Car. i. 17.
An' sunbeams owre Lochleven glance,
An' soothlan' winds that blaw fra France
Bring soothlan' weather,
An' lambs like fairy pownies prance
Amang the heather.
An' Jock ahint the harrow sings;
Noo aff his plaid the shepherd flings
An' cracks to Rover,
While a' the open upland rings
To whaup and plover.
That on the Ochils rangin' free
Can thro' the blue lift send his ee
Owre to the Lomon',
An' a' the pleasant prospect see
An' envy no man.
That happy man—ye hear him speak!
He stands upon an Ochil peak
An' looks wi' pity
On you that dwall amang the reek
Doun i' the city.
For walth an' honours, but the fun
'S to them that win, an' tho' ye've won
Ye're apt to time them;
The glory o' the settin' sun
'Ill far ootshine them!
The mill-horse track, the endless roun',
The jaded sicht, the jarrin' soun',
The haste an' hurry,
An' look fra pastoral summits doun
On Edinburgh.
Like winter's blanket aff a wa'
When saft airs owre Damíat blaw,
An' skies are clearin'.
An' yellow whin-blumes thro' the snaw
Are blithely peerin'.
Come up the brae an' bide a week,
An' drink the pure air at the peak
That's nearest heaven,
An' get a howp in ilka cheek
O' halesome livin'.
Unless the joys o' health remain?
Yet there are folk that strive, an' strain
Their strength unduly—
Wi' puir return for a' their pain,
To speak it truly.
Note.—Damíat is a conspicuous height of the Ochil range. The Lomonds are a well-known range near Lochleven.
Hughie's Belief in Present Duty.
Spem longam reseces.”
—Car. i. 11.
Should read the deevil's books to ken
(What they can never comprehen')
The secret o' their hinner en'.
The scriptural threescore years an' ten,
Or less or mair, as Heaven may sen',
In present duty to the en'.
The present—weel, that's oors to spen';
The past—that canna come agen;
The future—that's for Heaven to len'.
An' sae, like reasonable men,
Let's keep oor hopes within oor ken;
An' noo—produce the tappit hen!
Pyrrhine Bell: Hughie's old Valentine.
—Car. i. 5.
I
Dear Bell,—the name at least is dear,The love was lost langsyne!—
Whaur won ye noo? if ane may speer;
An' wha's your valentine?
That some brisk Donald o' the braes,
Or Jockie o' the glen,—
That some ane some gate ca's ye his,
(God bless the bairn!) I ken.
II
I'm wae for him, the witless youth,That tak's her passin' whim;
An' yet, if I maun speak the truth,
I halflins could be him!
Controll'd that witchin' ee?
Or that those gleesome airs were airt?
But cuissen lads like me!
III
That some ane some gate has her heart,(God save the mark!) I ken;
There never yet was handsome flirt
But had her wale o' men.
An', troth! if truth were in her kiss,
An' true love in her smile,
She weel micht merit—what she hiz,
The livin' warld to wyle!
IV
Puir unkent brither, whustlin' blitheWi' firm belief in Bell,
As lang as simmer-glances kythe,
Enjoy them for theirsel'!
As bravely as ye may!
What needs a man forecast the glooms
To tak' them ere their day?
Hughie's Enjoyment of Summer in Glendevon.
Lenis incedas, abeasque parvis
Æquus alumnis.”
—Car. iii. 18.
That slopes to Devon banks,
And with thee bring the gairie's hum,
And earn a shepherd's thanks.
Nor streams of Castalee;
Blink on the banks where I was born,
And that's eneu' for me.
And blink on Devon burn;
And late depart from Devonside
With promise of return.
Across my path shall pass,
With wild bees from the beds of thyme,
And laverocks from the grass.
On foreign buchtit braes?
What swanker shepherds?—sad the while
Thy lingering step delays.
And daisies pearl the lea,
And Devon toys in mony a turn
From wedding with the sea.
And prove to warl'y men
That, gang they far or gang they wide,
There's peace around the pen;
Of which they only dream,
Wi' shepherd folk on Ochil braes
By Devon's gentle stream.
Hughie seeks to console a Brother Shepherd, over-grieving for the Loss of his Son.
—Car. ii. 9.
It's no' aye white wi' winter on Nigour;
The winds are no' sae mony sorrowin' Rachels,
That grieve, and o' their grief will no' gie owre.
Flings a lang shadow on the watter plain;
But fair Lochleven's no' for ever gloomin',
An' Devon's no' aye dark wi' Lammas rain.
Not always widow'd of their leaves appear;
The oaks cry oot beneath November's lashes,
But not for all the months that mak' the year.
And green and glad again stand buss an' tree;
E'en tender gowans, thro' the young gress peepin',
Rise in their weakness, and owre-rin the lea.
And Reason soberly approves her way:
Why should we shut oor een against to-morrow
Because our sky was clouded yesterday?
Tendin' oor flocks upon the selfsame hill,
And if I speak as brither should to brither,
Ye'll neither turn awa' nor tak' it ill,—
He was, to every ane that kenn'd him, dear:
Adam! it was the will of God bereft us,
Call'd him away, and left the lave o's here.
It clouds your broo, I hear it when ye speak;
And thrice I've seen, when ithers sawna, Adie,
The sudden tear upon your wasted cheek.
Ye nurse it, too, at unavailing eve;
Our rustic gatherings, with a silent scorning,
And all our rural sports and joys ye leave.
This lang refusal to Heaven's will to boo,
Consider, Adie; is't a wise resistance?
You'll go to him, he canna come to you.
For the short half o' life that yet remains:
You love your son—go then to meet him gladly
On that appointed day which Heaven ordains.
Hughie at the Smiddy—A Dramatic Idyll.
Angulus ridet.”
—Car. ii. 6.
I. Part I.
The Smithy—Evening. Smith. Three Ploughmen. Enter Hugh.Hugh
—Noo, billies, ken ye what's the steer?
1st Ploughman
—Dave's listed.
2nd Ploughman
— Lowrie's on the beer.
3rd Ploughman
—Nick's cut his throat.
Hugh
— The gude be here,
An' guard an' bless us!
There's scandal for a lang loup-year—
Gie owre your guesses!
He cam' the day!
Smith
— Lang Geordie?
Hugh
— Him.
Smith
—I mind him weel—lang, lowse, an' slim;
The wind could bend him.
Hugh
—Ay; but he's back in ither trim
Than ance we kenn'd him.
Smith
—What's that?
Hugh
— Ou, brawny, big, an' weel;
Beard like a buss, kite like a creel,
As roond an' soond as ony wheel
Ye ever chappit,—
A buirdly, business, wice-like chiel
As ever stappit.
Smith
—An' weel pat on?
Hugh
—The best o' claith;
Coat, breeks—the wast o' England baith;
An' gowd—
1st Pl.
— Noo, Hughie, tak' a breath
2nd Pl.
—An' gie's 't in plenty!
3rd Pl.
— Ca't thoosan's!
Hugh
— Weel, I'll tak' an aith
At least it's twenty.
1st Pl.
—Gude measure!
2nd Pl.
— Lippin'!
3rd Pl.
— To the brim!
Smith
—An' wha's he this? Lang Geordie Sym?
This man o' size an' substance, him
That aye gaed fleein'?
'Faith, Hughie, ye're in famous trim
The nicht for leein'!
Come, steer aboot! wha's aucht this gear?
What's wantit wi' the sock-neb here?
1st Pl.
—Mair laund. A chap or twa wad near
Do a' that's wantit.
Smith
—Hughie, we'll no' juist ca' ye lear—
Tak' it for grantit!
Hugh
—That's ceevil! Weel, it's what I ken
That Geordie's rich amon' rich men,
An' speaks forbye
O' flocks at the far warl's en',
An' droves o' kye.
His farm's a coonty, an' his sheep
The coonty boun's can hardly keep;
He says a telescope micht sweep
His ootmost border,
But ae inch owre it couldna peep,
Tho' made to order!
An' then his sheep—
2nd Pl.
— Wow! but it's graund
To hear o' sic a sicht o' laund!
What say ye, chaps? we'll mak' a baund,
An' owre the ocean!
1st Pl.
—But hoolie! an' let's understaund—
Whaur's this new Goshen?
Hugh
—It's on the underside i' warl'—
Smith
—Ay, man? Hoo dae they stick?
Hugh
— Daft carle!
This earth's a kind o' whirlin' barr'l,
Some up, some under;
It's time aboot wi' ilka wharl,
An' whaur's the wonder?
Owstralia's up when Scotland's doun,
An' that's when we're a' sleepin' soun',
But i' the nicht time we're ca'd roun',
An' i' the mornin'
We're up, an' at oor wark, to croon
The day's adornin'!
3rd Pl.
—Man, Hughie, but ye've rowth o' wirds,
They carve the subjec'-theme like swirds—
Tell us what kin' o' beas' an' birds
Live thereawa'.
2nd Pl.
—An' what they gie their hinds an' herds.
1st Pl.
— Just oot wi't a'.
Hugh
—Weel, first, they've neither craws nor doos,
An' then for beas', they've kangaroos
An' aborigins;
The folk's a mixtur', I jaloose,
O' a' religions,
But brithers a'—there's nae pretence;
An' then the kintra's sae immense,
Ye'll get a farm at sma' expense,
An' hoose to sleep in;
In fac', ye juist rin oot your fence
An' ca' your sheep in.
There's nane to steer ye whaur ye sattle.
An' there they breed like Jacob's cattle,
Till to the boun's they spread an' sprattle,
Then—owre they rin
Whaur neither fence o' wire nor wattle
Can haud them in.
The gressy wildernesses wide in,
To herd the flocks that winna bide in,
An' keep them clear!
There's nae sic guardin' or sic guidin'
O' cattle here.
The shepherds i' the saiddle sleep,
The plains are populous wi' sheep,
The haill horizon seems to creep,
An' far ayont it
They haena even time to keep
The cattle coontit!
Owre a' the region, far an' near,
There's bleatin' there, an' baain' here;
Then comes the crap-time o' the year
When packs are made up,
An' gowpenfu's o' gowden gear
Are snugly laid up.
Has grown a man o' means, an' thriven,
Staunds twa ell straucht, an' lifts to heaven
A half-ell beard,
An' looks as life-like an' as livin'
As ony laird.
II. Part II.
Smithy as before. Later evening. Smith. Hugh. Three Ploughmen. Outside at half-door, a Tall Stranger, with a half-ell beard, leading a Saddle-horse.Tall Stranger
—Who owns this hole? Holloa there—you!
Blacksmith or blackguard!
Smith
— What's ado?
Hugh
—It's him! it's Geordie!
Tall St.
— Horse to shoe!
And look out—there's 't!
(Quoiting in the iron.)
Smith
—Man, folk hae time to dicht their mou'
I' th' heat o' hairst!
Hugh
— It's Maister Sym!
Noo, blacksmith, say 't!
Smith
— Hughie, it's him!
'Faith, sir, ye come in ither trim
Than ance I've kent ye—
Sym
—That's years ago!
Smith
— —lang, lowse, an' slim!
Ay, sir, it's twenty!
Sym
—Twenty?—a hundred! You don't know
How much your country clock's gone slow.
Well, Hugh? What is't to be then? Go?
Or stay and sterve here?
“Ay” means—well, look at me! And “no,”
For ever serve here.
I leave, and soon; and not again
To seek old Scotland o'er the main;
My home's on yon Australian plain,
My hopes are yonder;
Why, man, a county breadth's my ain—
What needs your wonder?
Hugh
—At least she ga'e ye brains.
Sym
— May be!
Hugh
—An' banes; an' bu'k.
Sym
— Na—that's a lee,
The hin'most half o't!
The shank she ga'e me for a thie,
I made a staff o't!
Well, and what else? No more, I trow,
But hip-room on a thistly knowe,
Or scartin' rocks ahint a plow,
For a rich neighbour—
Out yonder, lads, there's room to grow,
An' wealth for labour!
Take my advice—ye'll ne'er repent it;
Your country's yonder if ye kent it;
There's Burn-the-wind—he's nearhand faintit
Ca'in' a shoe on!
At his age yonder—
Smith
— He's contentit;
Be joggin' you on!
Sym (giving silver)
— And there's your pay.
So, Hughie, you elect to stay—
Well, wilful man will have his way.
Good-bye—but think on't.
(Mounts and rides off.)
Smith
(looking into his loof)
— A croon!
1st Pl.
— He rides a bonnie gray.
Smith
— We'se ha'e a drink on't!
(Boy at bellows despatched with pig.)
2nd Pl.
—He'd gar ye troo it was a wrang
To breathe in Scotland.
3rd Pl.
(to Hugh)
— Will ye gang?
Hugh
—I've lo'ed auld Scotland far owre lang,
Heart-thirled till her!
An' what's the gospel o' his sang
But only siller?
Na, na! that wasna in the plan,
That's no' the great chief end o' man,
An' syne content ye;
But lift what's lyin' to your han'—
Aneu's a plenty.
As sweet to me amang the knowes,
Whaur Devon's caller current rows,
To lead the lambs an' ca' the yowes
As to commaund them;
As sweet to view the hechts an' howes
As if I awn'd them.
Nae fairer warl' I wuss to view,
Nae loftier path wad I pursue,
Nae trustier friends than you, an' you,
I care to hae;
An' here I wad gang slippin' thro',
E'en as I dae.
And ilka earth-born dear desire
Let tranquil age
Attend me thro' the creepin' tire
O' life's last stage.
The fragrance o' my youth-time yield;
Here let me totter doun to eild,
An' find a grave here—
What ither than a gowany bield
Amang the lave here?
But winds the growin' laurel steer,
An' solitary friends draw near
At antern times
To drap a saut but silent tear
Owre Hughie's rhymes!
Hughie moralises on the Value of Life.
Labuntur anni!”
—Car. ii. 14.
We may no more deny
The pressure of the speeding years;
Oor days are driving by.
The posting furies fare;
For virtuous life they will not slack,
For purpose will not spare.
That vexes ageing men—
Oor lease of life is half-gate run
Before of lease we ken.
On idols of the ee,
Infidel of the wholesome truth
Of our mortalitie.
That twyns ye o' your prime?
The dearest gift of life is life,
The dearest enemy time.
The gift that ne'er was awn,
The lovely gift, the glorious chance,
Ance offer'd, sune withdrawn!
Are faring down, like me,
With ever daily dwining hope,
How fair it tak's the ee!
We learn to value then;
Sweet grow the common joys of earth,
And dear the face of men.
Hughie on Evictions: he Lectures a Greedy Landlord.
—Car. ii. 18.
Nae plate adorns my door;
The sun that through my window keeks
Sees but a sanded floor.
Bans me, his far-aff heir;
Nae auld maid sets her mutch at me—
In stockings, mony a pair.
O' country wit are mine,
And friendly critics, east an' wast,
Cry up my rustic line.
For comfort or for pride,
Blest wi' a shepherd's but-an'-ben
High up on Ochilside.
And I'm contented weel
To roam about, e'en as I do,
With Rover at my heel.
Where'er we turn, appear:
Day shouthers day ayont the gate,
And moons round aff the year.
Wha's greed is still to buy,
Forgetfu' o' the narrow cell
Where you maun erelang lie;
Or toil—but where's the use?
Are barin' quarries, biggin' wa's,
And adding ha' to hoose.
And puir men's rights opposed,
Of landmarks lifted, paths ploughed up,
And commonty enclosed?
An' go at your command;
Wi' kist an' bundle on their back,
They're hundit aff the land.
The cottage from the green;
And where the poor man's home was not,
Your high ha' door is seen.
To which a' backs maun boo;
And this great Ha' that waits us a',
Awaits baith them an' you.
Hughie marks with delight the Return of Spring.
—Car. iv. 7.
An' primrose-flooers to blaw;
An' Jockie whistles doun the rig
A fareweel to the snaw;
An' glints o' sunshine, glancin' gleg,
Licht up the buddin' shaw;
An' westlin' winds are playin' tig
Round ae bewildered craw.
Nails up a cherry twig;
An' Mar'an waters, raw by raw,
Her bleachin' wi' a pig;
Comes Packie owre the brig;
An' country lads may noo gang braw,
An' country lasses trig.
Hughie's Friend, the Farmer of Westerha'.
Prospectat errantes greges.”
—Epod. 2.
The tapmost corner o' his land,
An' scan wi' care, owre hill an' plain,
A prospect he may ca' his ain.
Weel herdit in by wakefu' Tweed,
An' canny through the loan his kye
Gang creepin' to the byre doun by.
An' ripenin' rise his rigs o' corn;
A simmer's e'enin' glory fa's
Upon his homestead's sober wa's.
An' rests upon his staff his hands,—
Maist like some patriarch of eld,
In sic an e'enin's calm beheld.
For worth respeckit far an' wide;
A friend of justice and of truth,
A favourite wi' age an' youth.
And ilka collie's at his heel;
Nor beast nor body e'er had ocht
To wyte him wi' in deed or thocht.
Aboon the braes to bless the land!
Fu' mony a simmer rise an' fa'
In beauty owre his couthie ha'!
The kindly hearts that kindle there;
Wha's friendship, sure an' aye the same,
For me mak's Westerha' a hame.
Hughie's Letter of Invitation to the Laird, Entangled by Business or Pleasure in the Town.
Fumum et opes strepitumque Romæ.”
—Car. iii. 29.
A but-an'-ben the sum o't a',
It hauds a drap o' usquebau'
As clear's a bead,
And aye, whene'er ye like to ca',
A welcome wi' 'd.
It canna be the love o' greed;
It ne'er was in your father's creed:
Come up, an' bide,
An' see the flocks how fine they feed
On Ochilside.
Like Samson and Delila, laird;
She hauds her victims by the beard,
As weel she can do 'd.
Till in the limmer's lap, I'm fear'd,
They lose their manheid.
The vile enchantress has nae power;
In vain her glance, in vain her glower;
A nobler bliss
Begins to act that very hour—
The country's kiss.
Clear burns that bathe the mountain's feet,
The hills on high, the heavens complete,
The far-aff seas—
Can streets an' chimla-pats compete
Wi' charms like these?
Just rise, an' gie the town the slip;
Get in your hand your ridin' whip,
And up the brae
Try Dandy's mettle till your hip
'S as black's a slae!
On hills that are your ain look roun';
An' lead the life a' lives aboon
In God's daylicht;
And in a shepherd's hut sleep soun'
The solid nicht!
Hughie Watches the Growth of the Grain.
—Car. iii. 16.
Amang the wind an' weet;
An' sad at heart the farmer was
To fling't amang his feet.
Then blew the bitter frosty wund,
The last leaf left the tree,
An' daisies to the frozen grund
Laid their wee heads to dee.
But there's a kindness owre us a':
Heaven sent its blankets doun,
An', 'neath the covering o' the snaw,
The seed it sleepit soun'.
As are the kirkyaird dead,
While Boreas threshed his battle-drum,
An' thundered overhead.
O' a' the widowed year:
Save ghaistly mune, or poacher's fit,
Nae visitor cam' near.
Where it lay sleepin' warm,
An' timidly abune the ground
It reached a tiny arm.
It rose; and to the sun so free
Stood shivering like a child,
That, naked on its mother's knee,
Looks round to one that smiled.
And skies gat overcast,
And strife across the troubled sun
In fitful tumult past.
The East sent many a withering blight,
The North sent hail an' rain;
Yet still it twinkled to the light,
And, trembling, rose again.
To meet its many foes,
For still, from blasts that nipt like knives
Altho' it shrank, it rose.
And still it braved the Winter's blast,
An' tholed the Winter scorn;
And April kindness kissed at last
The persevering corn!
That took the farmer's ee;
An' bore a gallant head and beard
That flourished fair to see.
An', rustling, waving, doun the rig
It sported and it sprang;
While swallows glanced abune at tig,
An' laverocks soared an' sang.
Then golden days, an' farmers' praise,
John Barleycorn, were thine;
And lovers' walks, and whispered talks
By moonlight, more divine!
Hughie Celebrates his Fiftieth Year.
Prome reconditum Cæcubum.”
—Car. iii. 28.
Gang ben the hoose an' ripe the press,
An', what ye find o' whisky, fess
Soberly oot:
This nicht we'll hae a social gless
An' sang aboot.
When I was fifty I was auld:
I'm fifty oot, yet I'll be bauld,
Laird o' the truth,
To swear I'm just as yap an' yauld
As e'er was youth.
The man that sits, as I do here,
Hand-haill an' neither slow to steer
Nor quick to tire,
An' wi' that spark to poets dear
O' Nature's fire,—
The table-land o' middle age;
Nae langer on life's pilgrimage
Grumblin' an' gropin',
But, backward, it's a pictured page,
Forward, it's open.
Where ane may ware his gaithered wit
And, though his daily burden's yet
A heavy load,
He travels on a surer fit
A smoother road.
See where he stoops against the wa',
Toilin' wi' measured rise an' fa'
In silent rage!
Thus eats he through life's seasons a',
Youth, manheid, age!
Hand up the crock!—a chappin clear!
Gude luck an' luxury be here,
An' a side-saidle!
But this is mair than sober cheer,—
It means the ladle!
Bring oot the bowl—we'll mak' the drouth!
But roar for help—there's Aury Struth
An' Davie Dinn—
Doun to the brae—head wi' your mouth
An' cry them in!
We'll wage this e'en a merry strife;
We mayna stop his nickit knife,
But there's the soond—
The deil be in my thrapple gif
We dinna droon'd!
The e'enin's only in its youth,—
It's only aucht o'clock in truth,
An' there it's chappin':
We'll drink according to our drouth—
Pour every drap in!
Hughie's Song in Praise of the Simple Joys of Boyhood.
—Car. iii. 16.
I hadna mony pennies, but for joys I didna lack:
Gie me a Simmer Saturday, my wishes were complete
Wi' a lang day before me an' Devon at my feet.
To be a son of Izaak's I couldna mak' pretence;
But I had a fishin'-gad, and was very happy wi't,
Wi' a lang day before me an' Devon at my feet.
Was half-a-dizzen spatties in the basket on my back;
But ance I raised a noble fish—and was content to see't
Wi' a lang day before me an' Devon at my feet.
To mak' a bag or mak' a brag was never yet my aim:
The fishin' was a mere pretence to win the larger treat
O' a lang day before me an' Devon at my feet.
There was a joy o' living, wi' the sun high in the sky;
A day was immortality! an' livin' was sae sweet
Wi' a lang day before ye an' Devon at your feet.
But the simple joys o' laddiehood were easy to attain;
Noo for the laddie's simple joys the man amaist could greet—
For the lang day that's gane for aye, an' Devon at his feet!
Hughie's Letter to a Prosperous Friend.
Parcâ, quod satis est, manu.”
—Car. iii. 16.
Why should ye langer weep and wail?
Your health is gude, your hands are hale,
Your conscience free—
Deil hae't if onything ye ail
Nae mair than me.
Four dainty blossoms fragrant a'—
Lang may they brighten hearth and ha',
Yours or anither's!
Heaven's blessing on their beauty fa',
And on their brithers!
Werena the bonnie baseless dreams
That lure, an' loup to wild extremes,
To land i' Puirhouse;
But solid as the wa's an' beams
O' Warks an' Warehouse.
Even he, wha, if his lairdship please,
In coach-an'-pair, wi' hands on knees,
Can saftly ride,
May envy Jock his bread-an'-cheese
At yon dyke-side.
Strengthened by truth, by love refined,
In brotherhood with all mankind,
And, for the rest,
To Heaven's high will serene resigned,
And self-possest!
Tak', limmer, fra him wi' your left
Whate'er your richt hand gave o' gift!—
He'll mak' a fend
In honest poverty to shift
On to the end.
Hughie Directs the Rejoicings for the Queen's Jubilee.
Læta intersis populo Quirini!”
—Car. i. 2.
Ye that are lords by whylies;
Ye proveses o' rank, an' ye
That are but baron-bailies;
Ye members o' the shires an' broughs,
Win up, an' haud ye ready
To boo your backs an' crook your houghs
Afore your sovran leddy!
Peace sodgers an' land sailors,
Auld warriors, to the service dear,
An' young anes, dear to tailors;
She made ye men o' honour,—
Weel may ye rank up in a raw,
An' shower your thanks upon her!
Wi' lades o' costly claithing;
Ye bonnie lasses, best o' a'
Wi' just a flow'r—or naething;
Ye office wands; an' flunkey lords;
An' pages, pouthered meetly,
Noo hald a tight grip o' the cords,
An' guide the course discreetly!
To him that but professes,
Noo, noo's the time to tuck your goun
An' draw up your addresses:
An' let your Latin be as snug
As if she kent the round o't,
For, by my faith, she'll lend a lug
An' judge ye by the sound o't!
The warld's maybe mendin';
Ye lawyers, lay aside your briefs,
Ill-named—they ne'er have endin';
An' tak' the hills or tak' the dales
As wide as e'er ye wandered,
Like laddies broken fra the schules,
An' free o' stripe an' standard!
A roarin' spate o' people,
Splashed up to wa' an' window-seat,
To chimla-stack an' steeple,—
It sets ye weel to mak' the din
Ye may indulge the morn,
But dinna loup oot o' your skin,
And be content wi' roar'n'!
POSTSCRIPT.
As if by lightning smitten;
Ye countries, scattered owre the sea,
That mak' the Greater Britain,
Shout, and shine oot! tell a' that speir,
Wi' a' the speed ye may noo,
That, after towlin' fifty year,
Our Queen tak's holiday noo!
Hughie Lectures the Local Editor, gone abroad on Leave and enjoying himself.
—Car. i. 29.
Southward amang the frem'd ye fare,
Till in a sark, or little mair,
Ye gang stravaigin',—
Come hame an' fill your vacant chair,
Ye shameless pagan!
Our een's been on ye a' the while;
And, though at times ye've raised the smile,
We've thocht again—
“The dog!” we've said, “is this his style
When aff the chain?”
Ye've seen't: ye've said, “How fair it is!”
Ye've greetit Egypt wi' a kiss,
Voluptuous taed!
What saftenin' o' the heart was this?
And o' the heid?
Her glowin' een, her meltin' mou'—
Hoo has the glamour o' the view
Played to befule ye!
A towmont o' the kilt, I troo,
Ye'll need to cule ye!
Amang the snaws on Rannoch moor;
Or, better, listen for an 'oor
To John M'Caskill:
Ae dose o' him's the only cure
For you, ye rascal!
He'll tell ye whaur your thochts hae been;
He'll purge your mind an' morals clean,
An' scour your passions;
Till ye renounce the Egyptian queen
An' a' her fashions!
A Wet Day: Hughie's Pity for the Tinklers.
The dyke-taps a' are black wi' rain,
A soakit head the clover hings,
On ilka puddle rise the rings.
It dings, an' nae devallin' o'd;
Adoun the gutter rins a rill
Micht halflins ca' a country mill.
The only kind o' beas' abroad
Are dyucks, rejoicin' i' the flood,
An' pyots, clatterin' i' the wud.
The cadger? maybe; but he's late.
The carrier? na! he doesna flit
Unless, D.V., the pooers permit.
The tinkler, an' his tousie mate;
He foremost, wi' a nose o' flint,
She sour an' sulky, yards ahint.
Wraps her an' a' her bundles roun';
A second rain rins aff the skirt;
She skelps alang through dub an' dirt.
Her head wi' rain-draps beadit a';
The yellow hair, like wires o' bress,
Springs, thrivin' in the rain, like gress.
Silent mair than a tinkler's wont;
His wife an' warkshop there ahint him,—
This day he caresna if he tint them.
He snooves alang like ane in sleep,
His only movement's o' his legs,
He carries a' aboon like eggs.
And a dour heavy thocht within.
His claes, sae weel wi' weet they suit him,
They're like a second skin aboot him.
They'll reach the howff by fa' o' nicht,
In Poussie Nancy's cowp the horn,
An' tak' the wanderin' gate the morn.
Wi' kindred bodies there they'll meet,
Wi' drookit gangerels o' the clan,
The surgeons o' the pat an' pan.
A darker gloom begins to fa':
Sooms fra the sicht the soakin' plain,—
It's closin' for a nicht o' rain.
Hughie's Version of the Sitting Member's Address.
Your wisdom's equal to your wirth;
Ye chose me at a whip o' dearth
To represent ye!
I've ta'en a firmer grip i' yearth
Since first I kent ye.
Surveyed by him that heads a poll,
Wha's friends without a murmur thole
His capers mony,
An' crack him up till, like a coal,
He's bleezin' bonnie!
When Damheid, for my misbehavours,
Maist like an auld cask dung to stavers,
Despatched me rowin',
Wi' deil ha'et but a tongue an' slavers
To start anew on?
My public reputation rotten,
Gien ower to eild and anecdotin';
Or, at the best,
Wi' handbag round the counties trottin'
In fruitless quest.
Lookin' again to be your Member,
Nae fossil auld, nor brunt-oot ember,
But het an' smokin';
Wi' promises—which, please remember,
May a' be broken!
But then, lang-windit naigs like me
Maun rin baith hand an' helter free
As Nature teaches;
An', wantin' whids, whaur wad they be,
My bonnie speeches?
Ye promise “that's as sure as death”;
Ye rap it oot to get a breath
Or hide a stammer;
A kind o' wild rhetoric wreath,
It decks your grammar!
But, if I state, an' stick my plan,
What waur am I than ony man
That's changed his mind?
He's wiser noo than he was than,
An' that ye'll find.
Gude, far-aff, faithfu' friends o' mine,
If noo-an'-than I seem to tyne
Regaird for truth;
And oh! preserve the cordial twine
That binds us baith!
Hughie in Praise of the Native Brew.
And a' thing braw aboot her!—
The ware that on my dresser shines
Is hamely pig an' pewter.
Yet wha, in gold or siller cup,
For foreign drink wad hanker,
If bauld John Barleycorn fill up
His toddy-bowl or tankar'?
A vine-clad skelp o' mountain,
Wi' pendants purpling lika shoot
In clusters past a' countin';
Yet beardit John will hauld his ain
Wi' Bacchus and his vine-trees,
Whether wide-racing owre the plain
Or resting on the gantrees
Wi' awns on end, or nae beard;
But see him stoor, in pith mature,
Bedeckit wi' a grey-beard!
O fair is ilka youthfu' thing:
But mair than half their beauty
Lies in the promise o' their Spring,
The Harvest o' their duty.
Does weel to charge his pistol;
But what avails to geizened gills
A toom bedizened crystal?
Will siller stopper mend his drouth,
Or recommend the liquor?
Gie me the neat, the naked truth,
And never mind the bicker!
When weary for a waught o't;
It's no' the veshel that ye drink
When takin' doun a draught o't:
There's naething mair anent it,
Unless it be weel-pleased to view
The fair hands that present it!
The produce o' their country;
And let abee the ware that shines
On sideboards o' the gentry.
Auld Nature turns the tap for a',
Wherever men are plantit;
And, by her gude an' gracious law,
We hae the browst we wantit.
Hughie's Monument.
—Car. iii. 30.
The tyke may rage, he canna wrang's;
I put my hand upon my sangs
Without a swither;
To me this monument belangs,
I need nae ither!
Sandstane comes ripplin' doun like stoor;
Marble, it canna stand the shoo'r,
It lasts nae time:
There's naething yet has half the poo'r
O' silly rhyme.
It's lang since they begoud to fail,—
They're either murlin' doun to meal
Or fog-enwrappit;
While Horace at this hour's as hale
As e'er he stappit!
I dinna a'thegither dee;
Therefore forbear to greet for me
When I'm awa';
And keep a dry, a drouthy ee,
I charge ye a'.
And Kate hands roun' the dirgy-cup,
Nae friend o' mine will tak' a sup
For that the less,
But calmly wi' a sober grup
Cowp owre his gless.
Where Allan water weets the plains,
An' Devon, crystal but for rains,
Gangs wandering wide,
Lang after me ye'll hear my strains
On Ochilside.
Horace in Homespun by Hugh Haliburton [i.e. J. L. Robertson] | ||