 | Songs and carols from a manuscript in the British Museum of the fifteenth century |  |
106
Wymmen beth bothe goude and truwe,
Wytnesse on Marie.
Wymmen beth bothe goud and schene,
On handes, fet, and face clene;
Wymmen may no beter bene;
W. o. M.
On handes, fet, and face clene;
Wymmen may no beter bene;
W. o. M.
Wymmen beth gentel on her tour;
A womman bar oure Savyour;
Of al thys wor[ld] wyman is flour;
W. o. M.
A womman bar oure Savyour;
Of al thys wor[ld] wyman is flour;
W. o. M.
Wyrchyp we wymmanys face,
Wer we seth hem on a place;
For wymman ys the wyl of grace.
W. o. M.
107
For wymman ys the wyl of grace.
W. o. M.
Love a womman with herte truwe,
He nel chongy for no newe;
Wymmen beth of wordes fewe;
W. o. M.
He nel chongy for no newe;
Wymmen beth of wordes fewe;
W. o. M.
Wymmen beth goud, withoute lesyng;
Fro sorwe and care hy wol us bryng;
Wymman ys flour of alle thyng;
W. o. M.
Fro sorwe and care hy wol us bryng;
Wymman ys flour of alle thyng;
W. o. M.
| Songs and carols from a manuscript in the British Museum of the fifteenth century | |