Songs and carols from a manuscript in the British Museum of the fifteenth century | ||
X. Now go gyle, gyle, gyle,
Now go gile, gyle, go.
Gyle and gold togedere arn met,
Coveytyse be hym is set,
Now haȝt gyle leyd his net,
To gyle bothe frynd and fo.
Coveytyse be hym is set,
Now haȝt gyle leyd his net,
To gyle bothe frynd and fo.
Ther is non man worȝt a schelle,
But he cun plete with wryt or bylle,
His neybowres for to spylle,
And othere men to werkyn wo.
But he cun plete with wryt or bylle,
14
And othere men to werkyn wo.
Coweytise in herte is lent,
Ryȝt and resoun awey is went;
Man, be war thou be not schent,
Gyle wil thy herte slo.
Ryȝt and resoun awey is went;
Man, be war thou be not schent,
Gyle wil thy herte slo.
Now haȝt gyle get hym gre,
Bothe in town and in ceté,
Gyle goth with gret mené,
With men of lawe and othere mo.
Bothe in town and in ceté,
Gyle goth with gret mené,
With men of lawe and othere mo.
Trewthe hevene mot he wynne,
Gyle xal in helle brenne;
He that made al mankynde,
Amend hem that mys han do.
Gyle xal in helle brenne;
He that made al mankynde,
Amend hem that mys han do.
Songs and carols from a manuscript in the British Museum of the fifteenth century | ||