[Poems from the Vernon MS] | ||
Of þe þridde Manere of contemplacion in god him-self.
Tac hede nou & þou schalt seOf Contemplacion þe þridde degre,
Of God hym-self wiþ-outen doute,
Of Godhed wiþ-Inne, monhed wiþ-oute.
Þre þinges þou þenke, as I þe rede,
Of crist vr lord in his monhede:
289
And of his liuyng þe holynes,
And of his passion þe charite.
At ones þou maiȝt not þenke þise þre;
I schal departe hem, as I may,
Be þe houres of niht and day;
Wiþ double Contemplacione
In vche an houre of god þou mone:
Ones of his passioun,
And eft of oþer sesoun.
[Poems from the Vernon MS] | ||