The Stacions of Rome, and the Pilgrims Sea-Voyage With Clene Maydenhod ... Edited by Frederick J. Furnivall |
 |
|
 | The Stacions of Rome, and the Pilgrims Sea-Voyage |  |
5
Scala celi / clepet hit is.
Laddere of heuene men clepeþ hitte.
In þe honour of vr ladi / be my witte
Þat is þe secounde chapel / of here.
Þat men in Roome / tellen þere.
Mony is / þat holy bone.
Þat vnder þe heiȝe Auter is done.
Ten þousend Martyres / with honour.
In tyme of Tibian / þe Emperour.
Þei suffrede deþ / alle in Rome.
Heore soules in heuene for to come.
Þer men may helpe / quike / and dede
As þe clerkes / in bokes rede
Foure and fourti popes / granted þan.
Þat liggen / at seint Sebastian.
Pope Vrban / Siluestre / and Benet.
Leon / Clement / confermede hit.
| The Stacions of Rome, and the Pilgrims Sea-Voyage | |