Instructions for Parish Priests By John Myrc [i.e. Mirk]. Edited from Cotton MS. Claudius A. II, by Edward Peacock |
 |
|
De ira.
|
 | Instructions for Parish Priests |  |
De ira.
Hast þow for hate or for yre,Any þyngus set on fuyre?
Hast þow any tyme be wroth so
Þat þy wyt hath be a-go?
Hast þou by malys of þy doynge
Wrathþed þy neȝbore in any þynge?
Hast þow in wrathþe and wyth stryf
I-greuet any crystene lyf?
Hast þow wyþ wordes bytter & schrewede
I-tened any mon lered or lewede?
Hast þow in wraþþe & euel herte
I-made any mon to smerte?
39
Or any mon to wrathþe I-taimet?
Hast þow in wraþþe any mon slayn,
Or holpe þer-to by thy mayn?
Hast þow be wonet to speke ylle
By any mon lowde or stylle?
Hast þow be glad to here bacbyte,
Any mon myche or luyte?
Hast þou any tyme in malencoly
I-corset any þynge bytterly,
In hope to make hyt fare þe worse
By þe malys of thy corse?
Hast þow be inpacyent
For any gref that god þe sent;
Or elles I-gruched a-gaynes hyt,
In herte or worde oþer in wyt,
As ȝef þy catell fel from the,
Oþer for any infyrmyte,
For los of frendes or of any þynge
Or for any syche doynge?
| Instructions for Parish Priests | |