Lydgate's Fall of Princes Edited by Dr. Henry Bergen ... presented to The Early English Text Society by The Carnegie Institution of Washington |
 |
|
 | I. |
| II. |
| III. |
| IV. |
| V. |
| VI. |
| VII. |
| VIII. |
| IX. |
|
 | Lydgate's Fall of Princes |  |
[Lenvoye.]
This tragedie, who þat can take heede,
Is entermedlid with wo & gladnesse:
Ioie for [the] worshep & synguler manhede
That was in Mark bi excellent noblesse;
To reede his fall it is gret heuynesse,
Which ches to deie, wher-as he stood[e] fre,
Onli for proffit of the comounte.
Is entermedlid with wo & gladnesse:
Ioie for [the] worshep & synguler manhede
That was in Mark bi excellent noblesse;
To reede his fall it is gret heuynesse,
Which ches to deie, wher-as he stood[e] fre,
Onli for proffit of the comounte.
To keepe his oth, pleynli, as I reede,
Maad in Cartage, ther beyng in distresse,
This noble prince constreyned off no neede,
But of fre will, myn auctour doth expresse,
Fro Rome ageyn[e] thidir gan hym dresse
To suffre torment, off his free volunte,
Onli for proffit of the comounte.
Maad in Cartage, ther beyng in distresse,
This noble prince constreyned off no neede,
But of fre will, myn auctour doth expresse,
Fro Rome ageyn[e] thidir gan hym dresse
To suffre torment, off his free volunte,
Onli for proffit of the comounte.
608
This stori sholde crowned been in deede
With golden lettres, for to bern witnesse,
How [the] seid Mark, hauyng of deth no dreede,
To sette Rome fro werre in sekirnesse,—
Whos hih renoun, most souereyn of prowesse,
May neuer eclipse bi non antiquite,
Which ches to deie to foorthre the comounte.
With golden lettres, for to bern witnesse,
How [the] seid Mark, hauyng of deth no dreede,
To sette Rome fro werre in sekirnesse,—
Whos hih renoun, most souereyn of prowesse,
May neuer eclipse bi non antiquite,
Which ches to deie to foorthre the comounte.
He disserued for to han the meede
Of tryumphe and marcial worthynesse,
And of Iubiter to were the purpil weede,
Fret ful of stonis, most heuenli of brihtnesse,
The laureat crown conseruyng his grennesse,
Graunted to victours, who list considre & see,—
Which ches to deie to foorthre the comounte.
Of tryumphe and marcial worthynesse,
And of Iubiter to were the purpil weede,
Fret ful of stonis, most heuenli of brihtnesse,
The laureat crown conseruyng his grennesse,
Graunted to victours, who list considre & see,—
Which ches to deie to foorthre the comounte.
Noble Princis, which that gouerne & leede
Al worldli peeple, taketh heed in your hyhnesse
To this stori, trewe as is the creede,
Takyng exaumple, doth your bisynesse
Ay to supporte & meynteene rihtwisnesse,
And lat Marchus to you a merour be,
Which ches to deie to foorthre the comounte.
Al worldli peeple, taketh heed in your hyhnesse
To this stori, trewe as is the creede,
Takyng exaumple, doth your bisynesse
Ay to supporte & meynteene rihtwisnesse,
And lat Marchus to you a merour be,
Which ches to deie to foorthre the comounte.
| Lydgate's Fall of Princes | |