University of Virginia Library

and quhen al one þis vyise
ves done as I devyse,
In hest ynde, or he fane,
he went, & þar throw ferlys schan.
& synciane, þat wes vorthy,
& tendir frende to mygdony,
þe vyfe of carise, & cosyne
to þe kinge þar be rycht lyne,
threv his prayer sa wrocht he,
& at, þocht scho blynd ves, [he] gert hir se.
to synciane sad mygdony:
“venys þou þat hym se ma I?”
þane mygdonny of hire consale
but bad hire habit changit hale,
& vith powere folk com to þe place,
quhare þe apostil prechand ves
of þe wrechitnese þat here
men has, til þai be brocht on bere,
& sad: “þis present lyfe
Is ay in vrechitnese & stryfe,
& vndirlout to chansis sere,
sa þat men liffis ay ine vere;
and quhen men venis beste þat þai
sal lyfe in lykine & in play,
þan cumys ded vnwenandly,
& rewis þame al [a]-wa in hy;
& þane þe flesche, þat ve fed here
maste vantonly in daynttis sere,
Is lathaste tu luk one þane,
fra þe lyf be ovt of þame.”
syne for-thirmare he can preche,
& forsit hym þame to teche
four resonis, quhy men here
suld gladly goddis word here,
lyknand þat word in his prechinge
to foure maner of sere thinge:
ane til þe oy[n]ment of þe ee,
þat helpis men clerly to se.
& of þat ee þe vndoynge
Is of oure harte & vndirstandinge,
þat lichtis þe hart & makis It clere,
þat Ignorance be-fore mad swere.
alsa It is lyk to poycion
men takis fore purgacione,
þat clengis oure flesche fra ȝarninge
of fleschly luste & sinful thynge;
& til a plaister lyk ma be,
quhar-thru of syne wondis hel we;
& lyke to met It is vith-all,
quhare-vith oure saule fed ve sall;
for ve suld set our maste delyte
In goddis vord fore sawle profyte.
for, as medycyne þat is parfyte,
dois to þe body na profyte,
bot man resavit it within,
sa the sawle, sek of syne,
ma hafe na helpe of goddis word,
bot It be hyd in-[to] his hurd,
quhen grathly he has hard It,
In his harte bot he It knyt.
of þis vord prechit thomas sa,
þat baptisme tuk mygdona,
þe vyfe of caryse, þat na wa
to his bed ȝed fra þat day.
þat caryse askit at þe kynge
þat he mycht thomas thraly thringe
In-to presone, & did rycht sa.
quhare to hym com mygdona,
& prayt hym of forgyvnes,
þat he for hyr tholit distres.
þane confortand he sad hyre till,
þat payne he tuk vith gud will.
carisius vent to þe kynge
rycht þane, but tary[i]nge,
& for his vif gretly can men,
þat ves ful cister to þe quen,
and prayt hym tendirly,
þat he þe quen vald send in hy,
& fand gyf scho mycht get hir wil,
& gere hyre cum agan hym til.
þane þe quen vent but bad,
& cristyne þat oure ves mad
threu hyre cister, of goddis grace,
þat to pervert hyre purpos ves.
& quhen scho sene had sere ferlyis,
þat thomas dyd mony vyis,
sad: “of god veryte be þai
þat wil nocht trev in cristis la,
seand þe thynnge þat þis man here
dois in þe name of Ihesu dere.”