The works of Allan Ramsay edited by Burns Martin ... and John W. Oliver [... and Alexander M. Kinghorn ... and Alexander Law] |
I. |
I. |
I. |
II. |
II. |
III. |
III. |
II. |
I. |
I. |
II. |
II. |
I. |
II. |
III. |
IV. |
III. |
I. |
II. |
III. |
IV. |
IV. |
I. |
II. |
V. |
I. |
II. |
III. |
III. |
I. |
I. |
II. |
III. |
IV. |
I. |
II. |
III. |
IV. |
V. |
VI. |
VII. |
VIII. |
X. |
XII. |
XIII. |
XIV. |
XV. |
XVI. |
XVII. |
XVIII. |
XIX. |
XX. |
II. |
1. |
2. |
IV. |
1. |
2. |
3. |
4. |
5. |
6. |
7. |
8. |
9. |
10. |
11. |
12. |
13. |
14. |
15. |
Hardyknute,
|
The works of Allan Ramsay | ||
Hardyknute,
A Fragment.
I
Stately stept he East the Wa,And stately stept he West,
Full Seventy Zeirs he now had sene,
With skerss sevin Zeirs of Rest.
He livit quhen Britons Breach of Faith
Wroucht Scotland meikle Wae:
And ay his Sword tauld to their Cost,
He was their deidly Fae.
283
II
Hie on a Hill his Castle stude,With Halls and Touris a Hicht,
And guidly Chambers fair to se,
Quhair he lodgit mony a Knicht.
His Dame sae peirless anes and fair,
For Chast and Bewtie deimt,
Nae Marrow had in all the Land,
Saif Elenor the Quene.
III
Full Thirtein Sons to him scho bare,All Men of Valour stout;
In bluidy Ficht with Sword in Hand
Nyne lost their Lives bot doubt;
Four zit remain, lang may they live
To stand by Liege and Land:
Hie was their Fame, hie was their Micht,
And hie was their Command.
IV
Great Luve they bare to Fairly fair,Their Sister saft and deir,
Her Girdle shawd her Middle gimp,
And gowden glist her Hair.
Quhat waefou wae hir Bewtie bred?
Waefou to zung and auld,
Waefou I trow to Kyth and Kin,
As Story ever tauld.
V
The King of Norse in Summer Tyde,Puft up with Powir and Micht,
Landed in fair Scotland the Yle,
With mony a hardy Knicht:
The Tydings to our gude Scots King
Came, as he sat at Dyne,
With noble Chiefs in braif Aray,
Drinking the Blude-reid Wyne.
284
VI
“To Horse, to Horse, my Ryal Liege,“Zour Faes stand on the Strand,
“Full Twenty thousand glittering Spears
“The King of Norse commands.
Bring me my Steed Mage dapple gray,
Our gude King raise and cryd,
A trustier Beast in all the Land
A Scots King nevir seyd.
VII
GO, little Page, tell Hardyknute,That lives on Hill so hie,
To draw his Sword, the Dreid of Faes,
And haste and follow me.
The little Page flew swift as Dart
Flung by his Masters Arm,
Cum down, cum down, Lord Hardyknute,
And rid zour King frae Harm.
VIII
Then reid, reid grew his dark-brown Cheiks,Sae did his dark-brown Brow;
His Luiks grew kene, as they were wont,
In Dangers great to do;
He hes tane a Horn as grene as Glass,
And gien five Sounds sae shrill,
That Treis in grene Wod schuke thereat,
Sae loud rang ilka Hill.
IX
His Sons in manly Sport and Glie,Had past that Summers Morn,
Quhen lo down in a grassy Dale,
They heard their Fatheris Horn.
That Horn, quod they, neir sounds in Peace,
We haif other Sport to byde;
And sune they heyd them up the Hill,
And sune were at his Syde.
285
X
LATE late Zestrene I weind in PeaceTo end my lengthned Lyfe,
My Age micht weil excuse my Arm
Frae manly Feats of Stryfe;
But now that Norse dois proudly boast
Fair Scotland to inthrall,
Its neir be said of Hardyknute,
He feard to ficht or fall.
XI
ROBIN of Rothsay bend thy Bow,Thy Arrows schute sae leil,
Mony a comely Countenance
They haif turnd to deidly Pale:
Brade Thomas tak ze but zour Lance,
Ze neid nae Weapons mair,
Gif ze ficht weit as ze did anes
Gainst Westmorlands ferss Heir.
XII
MALCOLM, licht of Fute as StagThat runs in Forest wyld,
Get me my Thousands Thrie of Men
Well bred to Sword and Schield:
Bring me my Horse and Harnisine,
My Blade of Mettal cleir.
If Faes kend but the Hand it bare,
They sune had fled for Feir.
XIII
FAREWEIL my Dame sae peirless gude,And tuke hir by the Hand,
Fairer to me in Age zou seim,
Than Maids for Bewtie famd:
My zoungest Son sall here remain
To guard these stately Towirs,
And shut the Silver Bolt that keips,
Sae fast zour painted Bowirs.
286
XIV
And first scho wet hir comely Cheiks,And then hir Boddice grene,
Hir Silken Cords of Twirtle twist,
Weil plett with Silver schene;
And Apron set with mony a Dice
Of Neidle-wark sae rare,
Wove by nae Hand, as ze may guess,
Saif that of Fairly fair.
XV
And he has ridden owre Muir and Moss,Owre Hills and mony a Glen,
Quhen he came to a wounded Knicht
Making a heavy Mane;
Here maun I lye, here maun I dye,
By Treacheries false Gyles;
Witless I was that eir gaif Faith
To wicked Womans Smyles.
XVI
SR Knicht, gin ze were in my Bowir,To lean on Silken Seat,
My Ladyis kyndlie Care zoud prove,
Quha neir kend deidly Hate;
Hir self wald watch ze all the Day,
Hir Maids a deid of Nicht;
And Fairly fair zour Heart wald cheir,
As scho stands in zour Sicht.
XVII
ARYSE, zoung Knicht, and mount zour Steid,Full lowns the schynand Day,
Cheis frae my Menzie quhom ze pleis
To leid ze on the Way.
With smyless Luke and Visage wan,
The wounded Knicht replyd,
Kynd Chiftain, zour Intent pursue,
For heir I maun abyde.
287
XVIII
To me nae after Day nor Nicht,Can eir be sweit or fair,
But sune beneath sum draping Trie,
Cauld Deith sall end my Care.
With him nae Pleiding micht prevail,
Braif Hardyknute to gain,
With fairest Words and Reason strang,
Straif courteously in vain.
XIX
Syne he has gane far hynd attowre,Lord Chattans Land sae wyde,
That Lord a worthy Wicht was ay,
Quhen Faes his Courage jeyd:
Of Pictish Race by Mothers Syde,
Quhen Picts ruld Caledon,
Lord Chattan claimd the Princely Maid,
Quhen he saift Pictish Crown.
XX
Now with his ferss and stalwart Train,He reicht a rysing Heicht,
Quhair braid encampit on the Dale,
Norss Army lay in Sicht;
Zonder my valziant Sons and feris,
Our raging Revers wait,
On the unconquerit Scottish Swaird
To try with us thair Fate.
XXI
MAK Orisons to him that saiftOur Sauls upon the Rude,
Syne braifly schaw zour Veins ar filld
With Caledonian Blude.
Then furth he drew his trusty Glaive,
Quhyle Thousands all arround,
Drawn frae their Sheaths glanst in the Sun,
And loud the Bougills sound.
288
XXII
To join his King adoun the HillIn Hast his Merch he made,
Quhyle, playand Pibrochs, Minstralls meit
Afore him stately strade.
Thryse welcum valziant Stoup of Weir,
Thy Nations Scheild and Pryde;
Thy King nae Reason has to feir
Quhen thou art be his Syde.
XXIII
Quhen Bows were bent and Darts were thrawn,For thrang scarce could they flie,
The Darts clove Arrows as they met,
The Arrows dart the Trie.
Lang did they rage and ficht full ferss,
With little Skaith to Man,
But bludy, bludy was the Field,
Or that lang Day was done.
XXIV
The King of Scots that sindle bruikdThe War that luikt lyke Play,
Drew his braid Sword, and brake his Bow,
Sen Bows seimt but Delay:
Quoth noble Rothsay, Myne I'll keip,
I wate its bleid a Skore.
Hast up my merry Men, cryd the King,
As he rade on before.
XXV
The King of Norse he socht to find,With him to mense the Faucht,
But on his Forehead there did licht
A sharp unsonsie Shaft;
As he his Hand put up to find
The Wound, an Arrow kene,
O waefou Chance! there pinnd his Hand
In midst betwene his Ene.
289
XXVI
REVENGE, revenge, cryd Rothsays Heir,Your Mail-coat sall nocht byde
The Strength and Sharpness of my Dart;
Then sent it throuch his Syde:
Another Arrow weil he markd,
It persit his Neck in twa,
His Hands then quat the silver Reins,
He law as Eard did fa.
XXVII
SAIR bleids my Liege, sair, sair he bleids.Again with micht he drew
And Gesture dreid his sturdy Bow,
Fast the braid Arrow flew:
Wae to the Knicht he ettled at,
Lament now Quene Elgreid,
Hie Dames to wail zour Darlings Fall,
His Zouth and comely Meid.
XXVIII
TAKE aff, take aff his costly Jupe(Of Gold weil was it twynd,
Knit lyke the Fowlers Net throuch quhilk
His steilly Harness shynd)
Take, Norse, that Gift frae me, and bid
Him venge the Blude it beirs;
Say, if he face my bended Bow,
He sure nae Weapon feirs.
XXIX
Proud Norse with Giant Body tall,Braid Shoulder and Arms strong,
Cryd, Quhair, is Hardyknute sae famd
And feird at Britains Throne:
Tho Britons tremble at his Name,
I sune sall make him wail,
That eir my Sword was made sae sharp,
Sae saft his Coat of Mail.
290
XXX
That Brag his stout Heart coud na byde,It lent him zouthfou Micht:
I'm Hardyknute this Day, he cryd,
To Scotlands King I hecht,
To lay thee law as Horses Hufe,
My Word I mean to keip.
Syne with the first Strake eir he strake,
He garrd his Body bleid.
XXXI
NORSE ene lyke gray Gosehawks staird wyld,He sicht with Shame and Spyte;
Disgracd is now my far famd Arm,
That left thee Power to stryke:
Then gaif his Head a Blaw fae fell,
It made him doun to stoup,
As law as he to Ladies usit
In courtly Gyse to lout.
XXXII
Full sune he rais'd his bent Body,His Bow he marvelld fair,
Sen Blaws till then on him but darrd
As Touch of Fairly fair:
Norse ferliet too as fair as he
To se his stately Luke,
Sae sune as eir he strake a Fae,
Sae sune his Lyfe he tuke.
XXXIII
Quhair lyke a Fyre to Hether fet,Bauld Thomas did advance,
A sturdy Fae with Luke enragd
Up towards him did prance;
He spurd his Steid throw thickest Ranks
The hardy Zouth to quell
Quha stude unmufit at his Approach
His Furie to repell.
291
XXXIV
THAT schort brown Shaft sae meanly trimd,Lukis lyke poor Scotlands Geir,
But dreidfull seims the rusty Poynt!
And loud he leuch in Jeir.
Aft Britains Blude has dimd its Shyne
This Poynt cut short their Vaunt;
Syne piercd the boisteris bairded Cheik,
Nae Tyme he tuke to taunt.
XXXV
Schort quhyle he in his Sadill swang,His Stirrip was nae Stay,
Sae feible hang his unbent Knee,
Sure taken he was fey:
Swith on the hardened Clay he fell,
Richt far was hard the Thud,
But Thomas luikt not as he lay
All waltering in his Blude.
XXXVI
With cairles Gesture Mynd unmuvitOn raid he north the Plain,
His feim in Thrang of fiercest Stryfe,
Quhen Winner ay the fame;
Nor zit his Heart Dames dimpelit Cheik,
Coud meife saft Luve to bruik,
Till vengeful Ann returnd his Scorn,
Then languid grew his Luke.
XXXVII
In Thrawis of Death, with wallowit CheikAll panting on the Plain,
The fainting Corps of Warriours lay,
Neir to aryse again;
Neir to return to native Land,
Nae mair with blythsom Sounds,
To boist the Glories of the Day,
And schaw thair Shyning Wounds.
292
XXXVIII
On Norways Coast the Widowit DameMay wash the Rocks with Teirs,
May lang luke owre the Schiples Seis
Befoir hir Mate appeirs.
Ceife, Emma, ceife to hope in Vain,
Thy Lord lyis in the Clay,
The valziant Scots nae Revers thole
To carry Lyfe away.
XXXIX
There on a Lie quhair stands a CrossSet up for Monument,
Thousands full fierce that Summers Day
Filld kene Waris black Intent,
Lets Scots, quhyle Scots, praife Hardyknute,
Let Norse the Name ay dreid,
Ay how he faucht, aft how he spaird,
Sal latest Ages reid.
XL
Loud and chill blew the westlin Wind,Sair beat the heavy Showir,
Mirk grew the Nicht eir Hardyknute
Wan neir his stately Tower,
His Towir that usd with Torches bleise
To shyne sae far at Nicht,
Seimd now as black as mourning Weid,
Nae Marvel sair he sichd.
XLI
THAIRS nae Licht in my Ladys BowirThairs nae Licht in my Hall;
Nae Blink shynes round my Fairly fair,
Nor Ward stands on my Wall.
Quhat bodes it? Robert, Thomas say,
Nae Answer fits their Dreid.
Stand back, my Sons, I'll be zour Gyde,
But by they past with Speid.
293
XLII
AS fast I haif sped owre Scotlands Faes,There ceist his Brag of Weir,
Sair schamit to mynd ocht but his Dame,
And Maiden Fairly fair.
Black Feir he felt, but quhat to feir
He wist not zit with Dreid;
Sair schuke his Body, sair his Limbs,
And all the Warrior fled.
The works of Allan Ramsay | ||