The Works of The Ettrick Shepherd Centenary Edition. With a Memoir of the Author, by the Rev. Thomas Thomson ... Poems and Life. With Many Illustrative Engravings [by James Hogg] |
 |
|
| I. |
| II. |
| III. |
|
|
| 1. |
| 2. |
| 3. |
| 4. |
| 5. |
|
| 1. |
| 2. |
| 3. |
| 4. |
|
|
| 1. |
| 2. |
| 3. |
| 4. |
| 5. |
| 6. |
|
| 1. |
| 2. |
| 3. |
| 4. |
|
|
| 1. |
|
|
|
| I. |
| II. |
| III. |
| IV. |
The Admonition.
|
|
|
|
|
|
 | The Works of The Ettrick Shepherd |  |
The Admonition.
Auld Geordie sat beside a board,
Wi' routh o' hamely meltith stored;
Threw aff his hat, composed his face,
An' just was thinking owre the grace,
When ae wee say that chanced to pass,
'Tween his auld wife an' only lass,
At aince pu'ed Geordie's mind away
To something he wished lang to say.
Wi' routh o' hamely meltith stored;
Threw aff his hat, composed his face,
An' just was thinking owre the grace,
When ae wee say that chanced to pass,
'Tween his auld wife an' only lass,
At aince pu'ed Geordie's mind away
To something he wished lang to say.
He turned, an' wi' a fervent air,
That weel bespak a parent's care,
Soft yet severe, though kind yet keen,
He thus addressed his darling Jean;
His wife close by his elbow staid,
Assenting weel to a' he said.
That weel bespak a parent's care,
Soft yet severe, though kind yet keen,
He thus addressed his darling Jean;
His wife close by his elbow staid,
Assenting weel to a' he said.
“Ah lassie! thou art a' we hae,
For Heaven has left us now nae mae;
Thy ilka faut we grieve to see,
For a' our care on earth's for thee.
If ye but kend, by night an' day
How for thy guid we wish an' pray—
How sair owre thee our bosoms yearn,
Jean, ye wad be a mindfu' bairn.
For Heaven has left us now nae mae;
Thy ilka faut we grieve to see,
For a' our care on earth's for thee.
If ye but kend, by night an' day
How for thy guid we wish an' pray—
How sair owre thee our bosoms yearn,
Jean, ye wad be a mindfu' bairn.
“I've lately seen, an' grieved to see,
Your frequent rambles owre the lea,
When gloaming draws her fairy screen
Around the walks an' woodlands green;
When music melts in ilka grove,
An' ilka note's a note of love.
What gars ye dander out your lane,
In wrapper braw an' tippet clean,
Your hair kaimed up sae dink to see,
An' gowden curls aboon your bree?
Ah, Jean—beware, my bonnie bairn,
The book o' virtue's hard to learn!
The pleasant way aft leads to death,
The adder lurks in flowery path:
Ye needna lie—ye gang, I ken,
To meet young Jamie o' the glen;
Ye maunna do't—I trow fu' weel
Your virtue fair, your bosom leal;
But that's no a'—by night an' day,
Keep out o' sin an' danger's way.
Your frequent rambles owre the lea,
When gloaming draws her fairy screen
Around the walks an' woodlands green;
When music melts in ilka grove,
An' ilka note's a note of love.
What gars ye dander out your lane,
In wrapper braw an' tippet clean,
Your hair kaimed up sae dink to see,
An' gowden curls aboon your bree?
Ah, Jean—beware, my bonnie bairn,
The book o' virtue's hard to learn!
The pleasant way aft leads to death,
The adder lurks in flowery path:
Ye needna lie—ye gang, I ken,
To meet young Jamie o' the glen;
Ye maunna do't—I trow fu' weel
Your virtue fair, your bosom leal;
But that's no a'—by night an' day,
Keep out o' sin an' danger's way.
“Oh think, if sic a thing should be,
As that these walks by greenwood tree,
These nightly danderings by the river,
Should gar us lose our bairn for ever!
As that these walks by greenwood tree,
These nightly danderings by the river,
Should gar us lose our bairn for ever!
“Thy health is high, thy blossom fair,
Thy spirits dance as light as air;
Yet, trust me, Jean, thou'rt lightly poising
Between the winning an' the losing:
On youthfu' passion's firm control
Depends thy fair immortal soul.
Thy spirits dance as light as air;
Yet, trust me, Jean, thou'rt lightly poising
Between the winning an' the losing:
On youthfu' passion's firm control
Depends thy fair immortal soul.
“Be guid, my bairn; ye canna be
For aye aneath a parent's e'e;
But mind there's Ane will aye be near thee,
Will ever see, will ever hear thee,
An' if thou'rt guid he'll be thy friend,
An' make thee happy i' the end.”
For aye aneath a parent's e'e;
But mind there's Ane will aye be near thee,
Will ever see, will ever hear thee,
An' if thou'rt guid he'll be thy friend,
An' make thee happy i' the end.”
Young Jeanie's heart was soft an' kind;
A tender thought shot through her mind;
It came unsought—an' came again—
'Twas about Jamie o' the glen;
But she was guid as she was fair,
An' i' the gloaming walked nae mair.
A tender thought shot through her mind;
It came unsought—an' came again—
'Twas about Jamie o' the glen;
But she was guid as she was fair,
An' i' the gloaming walked nae mair.
| The Works of The Ettrick Shepherd | |