Ode 7th
[1]
Some cry up Paris for good wine
Madrid brags her Potosie mine
and up wi't Rome for ferlies fine
2
Vianas an Emperial Seat
The Hogans keep their 'Dams right Neat
Aboon them a' London's maist great
3
But Arthurs Seat where Echos ring
and round those wawks fit for a King
wher glides the Clear Saint Anton's spring
4
Clyds Gow'ny Howms & Watter faws
the Louthian rigs & Leader Haughs
and Ed'nburghs high and hewn stain Waws
5
Delyt me mair than Spartas towers
or yet Larissa Bonny Bowers
or Tempes Greens Chequer'd wi' flowers
6
The suthren Blasts will cease to thud
grow mild & Brush away ilk Cloud
and let the sun Beams warm the Bud
7
Then if at hame Courting the fair
or in Rugh plains wher Cannons rair
O—Drink—and drive aff Care.