The Poetry of Robert Burns Edited by William Ernest Henley and Thomas F. Henderson |
I. |
2. |
III. |
WHAT CAN A YOUNG LASSIE |
IV. |
The Poetry of Robert Burns | ||
WHAT CAN A YOUNG LASSIE
I
What can a young lassie,What shall a young lassie,
What can a young lassie
Do wi' an auld man?
Bad luck on the penny
That tempted my minnie
To sell her puir Jenny
For siller an' lan'!
II
He's always compleeninFrae mornin to eenin;
He hoasts and he hirples
The weary day lang;
He's doylt and he's dozin;
His blude it is frozen—
O, dreary's the night
Wi' a crazy auld man!
94
III
He hums and he hankers,He frets and he cankers,
I never can please him
Do a' that I can.
He's peevish an' jealous
Of a' the young fellows—
O, dool on the day
I met wi' an auld man!
IV
My auld auntie KatieUpon me taks pity,
I'll do my endeavour
To follow her plan:
I'll cross him an' wrack him
Until I heartbreak him,
And then his auld brass
Will buy me a new pan.
The Poetry of Robert Burns | ||