WAE IS MY HEART
I
Wae is my heart, and the tear's in my e'e;
Lang, lang joy's been a stranger to me:
Forsaken and friendless my burden I bear,
And the sweet voice o' pity ne'er sounds in my ear.
II
Love, thou hast pleasures—and deep hae I lov'd!
Love thou has sorrows—and sair hae I prov'd!
But this bruisèd heart that now bleeds in my breast,
I can feel by its throbbings, will soon be at rest.
III
O, if I were where happy I hae been,
Down by yon stream and yon bonie castle green!
For there he is wand'ring and musing on me,
Wha wad soon dry the tear frae his Phillis' e'e!
