 | The complete works of Geoffrey Chaucer
|  |
|
Invocation.
O god of science and of light,
Apollo, through thy grete might,
This litel laste book thou gye!
Nat that I wilne, for maistrye,
Here art poetical be shewed;
But, for the rym is light and lewed,
Yit make hit sumwhat agreable,
Though som vers faile in a sillable;
And that I do no diligence
To shewe craft, but o sentence.
And if, divyne vertu, thou
Wilt helpe me to shewe now
That in myn hede y-marked is—
Lo, that is for to menen this,
The Hous of Fame to descryve—
Thou shalt see me go, as blyve,
Unto the nexte laure I see,
And kisse hit, for hit is thy tree;
Now entreth in my breste anoon!—
| The complete works of Geoffrey Chaucer
| |
|
