 | The Surtees Psalter |  |
XII.
[1]
To-when, lauerd, forgetes þou me in ende?Houlange saltou þi face fra me wende?
2
Houlang redes in mi saule set .I.,Sorw in mi hert bi dai for-þi?
3
Towhen sal mi fa houen ouer me be?Bihalde, lauerd mi god, and here me.
4
Light min eghen and be mi rede,Ne euer þat .I. slepe in dede;
Leswhen mi witherwin he sai:
“.I. betred againes him ai.”
5
Þat droue me sal glade ife stired be .I.;.I. soethli hoped in þi mercy.
6
Glade sal mi hert in hele þine;.I. sal sing to lauerd myne
Þat godes gafe to me with blisse,
And salme to name ofe lauerd heghist isse.
| The Surtees Psalter | |