 | The Sporiers and Lorimers |  |
[Scene I]
The road from Jerusalem.
1.
Jos.[M]arie, of mirthis we may vs mene,
And trewly telle be-twixte vs twoo
Of solempne sightis þat we haue sene
In þat cite were we come froo.
Mar.
Sertis, Joseph, ȝe will noȝt wene
What myrthis with in my harte I maie,
Sen þat oure sone with vs has bene,
And sene ther solempne sightis alswae.
Jos.
Hamward I rede we hye
In all þe myght we maye,
Be-cause of company
Þat will wende in oure waye.
In all þe myght we maye,
Be-cause of company
Þat will wende in oure waye.
2.
For gode felawshippe haue we founde,
And ay so forward schall we fynde.
And ay so forward schall we fynde.
157
A! sir, where is oure semely sone?
I trowe oure wittis be waste as wynde,
Allas! in bale þus am I boone,
What ayleth vs both to be so blynde.
To go ouere fast we haue be-gonne,
And late þat louely be-hynde.
Jos.
Marie, mende thy chere,
For certis whan all is done,
He comes with folke in feere,
And will ouere take vs sone.
3.
Mar.Ouere take vs sone? Sir, certis nay,
Such gabbyngis may me noȝht be-gyle,
For we haue trauelde all þis day
Fro Jerusalem many a myle.
Jos.
I wende he hadde bene with vs aye,
A-waye fro vs how schulde he wyle?
Mar.
Hit helpis nought such sawes to saie,
My barne is lost, allas! þe whille!
þat euere we wente þer oute
With him in companye,
We lokid ouere late aboute,
Full wooe is me forthy!
My barne is lost, allas! þe whille!
þat euere we wente þer oute
With him in companye,
We lokid ouere late aboute,
Full wooe is me forthy!
4.
For he is wente som wayes wrang,
And non is worthy to wyte but wee.
And non is worthy to wyte but wee.
Jos.
Agaynewarde rede I þat we gang
The right way to þat same citee,
To spire and spie all men emang,
For hardely homward is he.
Mar.
Of sorowes sere schal be my sang,
My semely sone tille I hym see,
He is but xij ȝere alde.
What way som euere he wendis.
Jos.
Woman! we may be balde
To fynde hym with oure frendis.
[They turn back.
| The Sporiers and Lorimers | |