 | Coliphizacio |  |
(1)
Primus tortor.Do Io furth, Io! and trott on a pase!
To anna will we go and sir cayphas;
witt thou well of thaym two gettys thou no grace,
Bot euerlastyng wo for trespas thou has
so mekill.
Thi mys is more
then euer gettys thou grace fore;
Thou has beyn ay-whore
ffull fals and full fekyll.
(2)
Secundus tortor.
It is wonder to dre thus to be gangyng;
we haue had for the mekill hart stangyng;
Bot at last shall we be out of hart langyng,
Be thou haue had two or three hetys worth a hangyng;
No wonder!
Sich wyles can thou make,
gar the people farsake
Oure lawes, and thyne take;
thus art thou broght in blonder.
(3)
Primus tortor.
Thou can not say agaynt If thou be trew;
Som men holdys the sant and that shall thou rew;
ffare wordys can thou paynt and lege lawes new.
Secundus tortor.
Now be ye ataynt for we will persew
On this mater.
Many wordys has thou saide
Of which we ar not well payde;
As good that thou had
halden still thi clater.
229
(4)
primus tortor.
It is better syt still then rise vp and fall;
Thou has long had thi will and made many brall;
At the last wold thou spill and for-do vs all,
If we dyd neuer yll.
Secundus tortor.
I trow not, he shall
Indure it;
ffor if other men ruse hym,
we shall accuse hym;
his self shall not excuse hym;
To you I insure it,
Indure it;
ffor if other men ruse hym,
we shall accuse hym;
his self shall not excuse hym;
To you I insure it,
(5)
with no legeance.
primus tortor.
fayn wold he wynk,
Els falys his covntenance; I say as I thynk.
Secundus tortor.
he has done vs greuance therfor shall he drynk;
haue he mekill myschaunsce that has gart vs swynke
In walkyng,
That vnneth may I more.
primus tortor.
Peas, man, we ar thore!
I shall walk in before,
And tell of his talkyng.
[They come to Cayphas
and Anna.]
I shall walk in before,
And tell of his talkyng.
(6)
haill, syrs, as ye sytt so worthi in wonys!
whi spyrd ye not yit how we haue farne this onys?
whi spyrd ye not yit how we haue farne this onys?
Secundus tortor.
Sir, we wold fayn witt all wery ar oure bonys;
we haue had a fytt right yll for the nonys,
So tarid.
Cayphas.
Say, were ye oght adred?
were ye oght wrang led?
Or in any strate sted?
Syrs, who was myscaryd?
(7)
Anna.
Say, were ye oght in dowte for fawte of light
As ye wached ther owte?
Primus tortor.
sir, as I am true knyght,
Of my dame sen I sowked had I neuer sich a nyght;
Myn een were not lowked to-geder right
230
Bot yit I thynk it well sett,
Sen we with this tratoure met;
Sir, this is he that forfett
And done so mekill sorow.
(8)
Cayphas.
Can ye hym oght apeche? had he any ferys?
Secundus tortor.
he has bene for to preche full many long yeris;
And the people he teche a new law.
primus tortor.
syrs, heris!
As far as his witt reche many oone he lerys;
when we toke hym,
we faunde hym in a yerde;
Bot when I drew out my swerde,
his dyscypyls wex ferde,
And soyn thay forsoke hym.
(9)
Secundus tortor.
Sir, I hard hym say he cowthe dystroew oure tempyll so gay,
and sithen beld a new on the thrid day.
Cayphas.
how myght that be trew? it toke more aray;
The masons I knewe that hewed it, I say,
so wyse;
That hewed ilka stone.
primus tortor.
A, good sir, lett hym oone;
he lyes for the quetstone,
I gyf hym the pryce.
(10)
Secundus tortor.
The halt rynes, the blynd sees thrugh his fals wyles;
Thus he gettis many fees of thym he begyles.
Primus tortor.
he rases men that dees thay seke hym be myles;
And euer thrugh his soceres oure sabate day defyles
231
Secundus tortor.
This is his vse and his custom,
To heyll the defe and the dom,
where so euer he com;
I tell you before, sir.
(11)
Primus tortor.
Men call hym a prophete and godis son of heuen;
he wold fayn downe bryng oure lawes bi his steuen.
Secundus tortor.
yit is ther anothere thyng that I hard hym neuen,
he settys not a fle wyng bi sir cesar full euen;
he says thus;
Sir, this same is he
that excusyd with his sotelte
A woman in avowtre;
ffull well may ye trust vs.
(12)
Primus tortor.
Sir lazare can he rase that men may persaue,
when he had lyne fower dayes ded in his graue;
All men hym prase both master and knaue,
Such wychcraft he mase.
Secundus tortor.
If he abowte waue
Any langere,
his warkys may we ban;
ffor he has turned many man
Sen the tyme he began,
And done vs great hangere.
(13)
Primus tortor.
he will not leyfe yit thof he be culpabyll;
Men call hym a prophete a lord full renabyll.
Sir cayphas, bi my wytt he shuld be dampnabill,
Bot wold ye two, as ye sytt make it ferme and stabyll
To geder;
ffor ye two, as I traw,
May defende all oure law;
That mayde vs to you draw,
And bryng this losell heder.
232
(14)
Secundus tortor.
Sir, I can tell you before as myght I be maryd,
If he reyne any more oure lawes ar myscaryd.
Primus tortor.
Sir, opposed if he wore he shuld be fon waryd;
That is well seyn thore where he has long tarid
And walkyd.
he is sowre lottyn:
Ther is somwhat forgottyn;
I shall thryng out the rottyn,
Be we haue all talkyd.
(15)
Cayphas.
Now fare myght you fall for youre talkyng!
ffor, certys, I my self shall make examynyng.
[To Jesus.]
ffor, certys, I my self shall make examynyng.
harstow, harlott, of all? of care may thou syng!
How durst thou the call aythere emperoure or kyng?
I do fy the!
what the dwill doyst thou here?
Thi dedys will do the dere;
Com nar and rowne in myn eeyr,
Or I shall ascry the.
How durst thou the call aythere emperoure or kyng?
I do fy the!
what the dwill doyst thou here?
Thi dedys will do the dere;
Com nar and rowne in myn eeyr,
Or I shall ascry the.
(16)
Illa-hayll was thou borne! harke! says he oght agane?
Thou shall onys or to-morne to speke be full fayne.
This is a great skorne and a fals trane;
Now wols-hede and out-horne on the be tane!
Vile fature!
Oone worde myght thou speke ethe,
yit myght it do the som letht,
Et omnis qui tacet
hic consentire videtur.
Thou shall onys or to-morne to speke be full fayne.
This is a great skorne and a fals trane;
Now wols-hede and out-horne on the be tane!
Vile fature!
Oone worde myght thou speke ethe,
yit myght it do the som letht,
Et omnis qui tacet
hic consentire videtur.
(17)
Speke on oone word right in the dwyllys name!
where was thi syre at bord when he met with thi dame?
what, nawder bowted ne spurd and a lord of name!
Speke on in a torde the dwill gif the shame,
Sir sybre!
Perde, if thou were a kyng,
yit myght thou be ridyng;
ffy on the, fundlyng!
Thou lyfys bot bi brybre.
where was thi syre at bord when he met with thi dame?
what, nawder bowted ne spurd and a lord of name!
Speke on in a torde the dwill gif the shame,
233
Perde, if thou were a kyng,
yit myght thou be ridyng;
ffy on the, fundlyng!
Thou lyfys bot bi brybre.
(18)
Lad, I am a prelate a lord in degre,
Syttys in myn astate as thou may se,
knyghtys on me to wate in dyuerse degre;
I myght thole the abate and knele on thi kne
In my present;
As euer syng I mes,
whoso kepis the lawe, I gess,
he gettis more by purches
Then bi his fre rent.
Syttys in myn astate as thou may se,
knyghtys on me to wate in dyuerse degre;
I myght thole the abate and knele on thi kne
In my present;
As euer syng I mes,
whoso kepis the lawe, I gess,
he gettis more by purches
Then bi his fre rent.
(19)
The dwill gif the shame that euer I knew the!
Nather blynde ne lame will none persew the;
Therfor I shall the name that euer shall rew the,
kyng copyn in oure game thus shall I indew the,
ffor a fatur.
Say, dar thou not speke for ferde?
I shrew hym the lerd,
weme! the dwillys durt in thi berd,
vyle fals tratur!
Nather blynde ne lame will none persew the;
Therfor I shall the name that euer shall rew the,
kyng copyn in oure game thus shall I indew the,
ffor a fatur.
Say, dar thou not speke for ferde?
I shrew hym the lerd,
weme! the dwillys durt in thi berd,
vyle fals tratur!
(20)
Though thi lyppis be stokyn yit myght thou say, mom;
Great wordis has thou spokyn then was thou not dom.
Be it hole worde or brokyn com, owt with som,
Els on the I shall be wrokyn or thi ded com
All outt.
Aythere has thou no wytt,
Or els ar thyn eres dytt;
why bot herd thou not yit?
So, I cry and I showte.
Great wordis has thou spokyn then was thou not dom.
Be it hole worde or brokyn com, owt with som,
Els on the I shall be wrokyn or thi ded com
All outt.
Aythere has thou no wytt,
Or els ar thyn eres dytt;
why bot herd thou not yit?
So, I cry and I showte.
(21)
Anna.
A, sir, be not yll payde though he not answere;
he is inwardly flayde not right in his gere.
234
No, bot the wordis he has saide doth my hart great dere.
Anna.
Sir, yit may ye be dayde.
Cayphas.
nay, whils I lif nere.
Anna.
Sir, amese you.
Capyhas.
Now fowll myght hym befall!
Anna.
Sir, ye ar vexed at all,
And perauentur he shall
here after pleas you;
And perauentur he shall
here after pleas you;
(22)
we may bi oure law examyn hym fyrst.
Cayphas.
Bot I gif hym a blaw my hart will brist.
Anna.
Abyde to ye his purpose knaw.
Cayphas.
nay, bot I shall out thrist
Both his een on a raw.
Anna.
sir, ye will not, I tryst,
Be so vengeabyll;
Bot let me oppose hym.
Cayphas.
I pray you, and sloes hym.
Anna.
Sir, we may not lose hym
Bot we were dampnabill.
(23)
Cayphas.
he has adyld his ded a kyng he hym calde;
war! let me gyrd of his hede!
Anna.
I hope not ye wold;
Bot sir do my red youre worship to hald.
Cayphas.
Shall I neuer ete bred to that he be stald
In the stokys.
Anna.
Sir, speke soft and styll,
let vs do as the law will.
Cayphas.
Nay, I myself shall hym kyll,
And murder with knokys.
(24)
Anna.
Sir, thynk ye that ye ar a man of holy kyrk,
ye shuld be oure techer mekenes to wyrk.
Cayphas.
yei, bot all is out of har and that shall he yrk.
Anna.
All soft may men go far oure lawes ar not myrk,
I weyn;
Youre wordys ar bustus,
Et hoc nos volumus
Quod de Iure possumus:
ye wote what I meyn;
235
Youre wordys ar bustus,
Et hoc nos volumus
Quod de Iure possumus:
ye wote what I meyn;
(25)
It is best that we trete hym with farenes.
Cayphas.
We, nay!
Anna.
And so myght we gett hym som word for to say.
Cayphas.
war! let me bett hym!
Anna.
syr, do away!
ffor if ye thus thrett hym he spekys not this day.
Bot herys;
wold ye sesse and abyde,
I shuld take hym on syde
And inquere of his pryde,
how he oure folke lerys.
(26)
Cayphas.
he has reuyd ouer lang with his fals lyys,
And done mekyll wrang sir cesar he defyes;
Therfor shall I hym hang or I vp ryse.
Anna.
Sir, the law will not he gang on nokyn wyse
Vndemyd;
Bot fyrst wold I here
what he wold answere;
Bot he dyd any dere
why shuld he be flemyd?
Vndemyd;
Bot fyrst wold I here
what he wold answere;
Bot he dyd any dere
why shuld he be flemyd?
(27)
And therfor examynyng ffyrst will I make,
Sen that he callys hym a kyng.
Sen that he callys hym a kyng.
Cayphas.
bot he that forsake
I shall gyf hym a wryng that his nek shall crak.
Anna.
Syr, ye may not hym dyng no word yit he spake,
That I wyst.
hark, felow, com nar!
[To Jesus.]
That I wyst.
hark, felow, com nar!
wyll thou neuer be war?
I haue meruell thou dar
Thus do thyn awne lyst.
I haue meruell thou dar
Thus do thyn awne lyst.
236
(28)
Bot I shall do as the law wyll if the people ruse the;
Say, dyd thou oght this yll? can thou oght excuse the?
why standys thou so styll when men thus accuse the?
ffor to hyng on a hyll hark how thay ruse the
To dam.
Say, art thou godys son of heuen,
As thou art wonte for to neuen?
Say, dyd thou oght this yll? can thou oght excuse the?
why standys thou so styll when men thus accuse the?
ffor to hyng on a hyll hark how thay ruse the
To dam.
Say, art thou godys son of heuen,
As thou art wonte for to neuen?
Ihesus.
So thou says by thy steuen;
And right so I am;
And right so I am;
(29)
ffor after this shall thou se when that [I] do com downe
In brightnes on he in clowdys from abone.
In brightnes on he in clowdys from abone.
Cayphas.
A, ill myght the feete be that broght the to towne!
Thou art worthy to de! say, thefe, where is thi crowne?
Anna.
Abyde, sir,
let vs lawfully redres.
Cayphas.
we nede no wytnes,
hys self says expres;
whi shuld I not chyde, sir?
(30)
Anna.
was ther neuer man so wyk bot he myght amende.
when it com to the pryk right as youre self kend.
Cayphas.
Nay, sir, bot I shall hym styk euen with myn awne hend;
ffor if he reue and be whyk we ar at an end,
All sam!
Therfor, whils I am in this brethe,
let me put hym to deth.
Anna.
Sed nobis non licet
Interficere quemquam.
Interficere quemquam.
(31)
Sir, ye wote better then I we shuld slo no man.
Cayphas.
his dedys I defy his warkys may we ban,
Therfor shall he by.
Anna.
nay, on oder wyse than,
And do it lawfully.
Cayphas.
as how?
Anna.
tel you I can.
237
let se.
Anna.
Sir take tent to my sawes;
Men of temporall lawes
Thay may deme sich cause,
And so may not we.
(32)
Cayphas.
My hart is full cold nerehand that I swelt;
ffor talys that ar told I bolne at my belt,
Vnethes may it hold my body, an ye it felt;
yit wold I gif of my gold yond tratoure to pelt
ffor euer.
Anna.
Good sir, do as ye hett me.
Caiphas.
whi shall he ouer-sett me?
Sir anna, if ye lett me
ye do not youre deuer.
(33)
Anna.
Sir, ye ar a prelate.
Cayphas.
so may I well seme,
My self if I say it.
Anna.
be not to breme;
Sich men of astate shuld no men deme,
bot send them to pilate the temporall law to yeme
has he;
he may best threte hym,
And all to rehete hym;
It is shame you to bete hym
Therfor, sir, let be.
(34)
Cayphas.
ffy on hym and war! I am oute of my gate;
say why standys he so far.
Anna.
sir, he cam bot late.
Cayphas.
No, bot I haue knyghtys that dar rap hym on the pate.
Anna.
ye ar bot to skar good sir abate,
And here;
what nedys you to chyte?
what nedys you to flyte?
If ye yond man smyte,
ye ar irregulere.
238
(35)
Cayphas.
he that fyrst made me clerk and taght me my lare,
On bookys for to barke the dwill gyf hym care!
Anna.
A, good sir, hark! sich wordys myght ye spare.
Cayphas.
Els myght I haue made vp wark of yond harlot and mare,
perde!
Bot certys, or he hens yode,
It wold do me som good
To se knyghtys knok his hoode
with knokys two or thre.
perde!
Bot certys, or he hens yode,
It wold do me som good
To se knyghtys knok his hoode
with knokys two or thre.
(36)
ffor sen he has trespast and broken oure law,
let vs make hym agast and set hym in awe.
let vs make hym agast and set hym in awe.
Anna.
sir, as ye haue hast it shalbe, I traw.
Com and make redy fast ye knyghtys on a raw,
youre arament;
And that kyng to you take,
And with knokys make hym wake.
Cayphas.
yei, syrs, and for my sake
Gyf hym good payment.
Gyf hym good payment.
(37)
ffor if I myght go with you as I wold that I myght,
I shuld make myn avowe that ons or mydnyght
I shuld make his heede sow wher that I hyt right.
I shuld make myn avowe that ons or mydnyght
I shuld make his heede sow wher that I hyt right.
Primus tortor.
Sir, drede you not now of this cursed wight
To day,
ffor we shall so rok hym,
and with buffettys knok hym.
Cayphas.
And I red that ye lok hym,
That he ryn not away,
That he ryn not away,
(38)
ffor I red not we mete if that lad skap.
Secundus tortor.
Sir, on vs be it bot we clowt well his kap.
Cayphas.
wold ye do as ye heytt it were a fayr hap.
primus tortor.
Sir, see ye and sytt how that we hym knap,
239
Bot or we go to this thyng,
Sayn vs, lord, with thy ryng.
Cayphas.
Now he shall haue my blyssyng
That knokys hym the best.
(39)
Secundus tortor.
Go we now to oure noyte with this fond foyll.
primus tortor.
we shall teche hym, I wote a new play of yoyll,
And hold hym full hote frawrord, a stoyll
Go fetch vs!
ffroward.
We, dote! now els were it doyll
And vnneth;
ffor the wo that he shall dre
let hym knele on his kne.
Secundus tortor.
And so shall he for me;
Go fetche vs a light buffit.
(40)
ffroward.
why must he sytt soft with a mekill myschaunce,
That has tenyd vs thus oft?
primus tortor.
sir, we do it for a skawnce;
If he stode vp on loft we must hop and dawnse
As cokys in a croft.
ffroward.
Now a veniance
Com on hym!
Good skill can ye shew,
As fell I the dew;
haue this, bere it, shrew!
ffor soyn shall we fon hym.
(41)
Secundus tortor.
Com, sir, and syt downe must ye be prayde?
lyke a lord of renowne youre sete is arayde.
primus tortor.
we shall preue on his crowne the wordys he has sayde.
Secundus tortor.
Ther is none in this towne I trow, be ill payde
240
Bot the fader that hym gate.
primus tortor.
Now, for oght that I wate,
All his kyn commys to late
his body to borow.
(42)
Secundus tortor.
I wold we were onwarde.
primus tortor.
bot his een must be hyd.
Secundus tortor.
yei, bot thay be well spard we lost that we dyd;
Step furth thou, froward!
ffroward.
what is now betyd?
primus tortor.
Thou art euer away ward.
ffroward.
haue ye none to byd
Bot me?
I may syng ylla-hayll.
Secundus tortor.
Thou must get vs a vayll.
ffroward.
ye ar euer in oone tayll.
primus tortor.
Now ill myght thou the!
(43)
well had thou thi name for thou was euer curst.
ffroward.
Sir, I myght say the same to you if I durst;
yit my hyer may I clame no penny I purst;
I haue had mekyll shame hunger and thurst,
In youre seruyce.
primus tortor.
Not oone word so bold!
ffroward.
why, it is trew that I told!
ffayn preue it I wold.
Secundus tortor.
Thou shalbe cald to peruyce.
(44)
ffroward.
here a vayll haue I fon I trow it will last.
primus tortor.
Bryng it hyder, good son that is it that I ast.
ffroward.
how shuld it be bon?
Secundus tortor.
abowte his heade cast.
primus tortor.
yei, and when it is well won knyt a knot fast
241
ffroward.
Is it weyll?
Secundus tortor.
yei, knaue.
ffroward.
what, weyn ye that I rafe?
Cryst curs myght he haue
That last bond his head!
(45)
primus tortor.
Now sen he is blynfold I fall to begyn,
And thus was I counseld the mastry to wyn.
Secundus tortor.
Nay, wrang has thou told thus shuld thou com in!
ffroward.
I stode and beheld thou towchid not the skyn,
Bot fowll.
primus tortor.
how will thou I do?
Secundus tortor.
On this manere, lo!
ffroward.
yei, that was well gone to,
Thar start vp a cowll.
(46)
primus tortor.
Thus shall we hym refe all his fonde talys.
Secundus tortor.
Ther is noght in thi nefe or els thi hart falys.
ffroward.
I can my hand vphefe and knop out the skalys.
primus tortor.
Godys forbot ye lefe bot set in youre nalys
On raw.
Sit vp and prophecy.
ffroward.
Bot make vs no ly.
Secundus tortor.
who smote the last?
primus tortor.
was it I?
ffroward.
he wote not, I traw.
(47)
primus tortor.
ffast to sir cayphas go we togeder.
Secundus tortor.
Ryse vp with ill grace so com thou hyder.
ffroward.
It semys by his pase he groches to go thyder.
primus tortor.
we haue gyfen hym a glase ye may consyder,
242
Secundus tortor.
Sir, for his great boost,
with knokys he is indoost.
ffroward.
In fayth, sir, we had almost
knokyd hym on slepe.
(48)
Cayphas.
Now sen he is well bett weynd on youre gate,
And tell ye the forfett vnto sir pylate;
ffor he is a Iuge sett emang men of state,
And looke that ye not let.
primus tortor.
Com furth, old crate,
Be lyfe!
we shall lede the a trott.
ijus tortor.
lyft thy feete may thou not.
ffroward.
Then nedys me do nott
Bot com after and dryfe.
(49)
Cayphas.
Alas, now take I hede!
Anna.
why mowrne ye so?
Cayphas.
ffor I am euer in drede wandreth, and wo,
lest pylate for mede let ihesus go;
Bot had I slayn hym indede with thise handys two,
At onys,
All had bene qwytt than;
Bot gyftys marres many man.
Bot he deme the sothe than,
The dwill haue his bonys!
lest pylate for mede let ihesus go;
Bot had I slayn hym indede with thise handys two,
At onys,
All had bene qwytt than;
Bot gyftys marres many man.
Bot he deme the sothe than,
The dwill haue his bonys!
(50)
Sir anna, all I wyte you this blame for had ye not beyn,
I had mayde hym full tame yei, stykyd hym, I weyn,
To the hart full wan with this dagger so keyn.
I had mayde hym full tame yei, stykyd hym, I weyn,
To the hart full wan with this dagger so keyn.
Anna.
Sir, you must shame sich wordys for to meyn
Emang men.
Cayphas.
I will not dwell in this stede,
Bot spy how thay hym lede,
And persew on his dede.
ffare well! we gang, men.
Explicit Coliphizacio.
| Coliphizacio | |