The Day of Pentecost | ||
Modo de die pentecostes.
Apostoli dicat genuflectentes Spiritus sanctus descendat super eos etcetera.Petrus
Honowre
Andreas
Wurchippe
jacobus major
and reverens
johannes
Glorye
Philippus
Grace
jacobus minor
And goodnes
Thomas
Dygnyte
Bartholomeus
Vertu
Symon
and excellence
matheus
Bewte
Judas
Blyssynge
Matheas
and bryghtnes
Petrus
Be to that lord heye wurthynes.
Andreas
Whiche hath performyd þat he vs hyght.
Jacobus major
And vs enbawmyd with suche swetnes.
353
Whiche to dyscrye ffer passyth oure myght.
Philippus
This we All wel kenne.
Jacobus minor
Now gracyous lord jhesu.
Thomas
Conferme us in þi vertu.
Bartholomeus
And graunt us grace evyr it to sew.
Symon
Sey we All togedyr Amen Amen.
Et omnes osculant terram.
primus judeus
Now ffelawys take hede ffor be my trewthe
ȝondyr syttyth A dronkyn ffelacheppe.
ijus judeus
To don hem good it were grett ruthe.
iijus judeus
ȝa I prey god ȝeve hem all shenscheppe.
ius judeus
Muste in here brayn so sclyly doth creppe
þat þei chateryn And chateryn As they jays were.
2us judeus
ȝa were they ony wel browth A-sclepe
it wore Almes to þe Revere hem to bere
there hem to baptyze.
ius judeus
þat were as thynkyth me
A jentyl sport to se
A bettyr game to be
Cowde no man devyse.
Petrus
Serys Alas what do ȝe mene
why scorne ȝe now þus goddys grace
It is no thynge as ȝe do wene
þer is no drunke man in þis place
Where-fore ryght grett is ȝowre trespace
but syrys lyst what it doth sygnyfye
Ffulfyllyd is now to mannys solace
Of Johel þe pregnaunt prophecye
354
That ȝe han seyn
In wourdys pleyn
Declaryth serteyn
Now blyssyd god be
Amen.
The Day of Pentecost | ||