University of Virginia Library

IX Wurthy.

Ector de Troye.
Thow achylles in bataly me slow
Of my wurthynes men speken J now.

Alisander.
And in romaunce often am J leyt
As conquerour gret thow J seyt.

Julius Cesar.
Thow my cenatoures me slow in cōllory
Fele londes by fore by conquest wan J.

Josue.
In holy Chyrche ze mowen here & rede
Of my wurthynes and of my dede.

Dauit.
After yt slayn was golyas
By me the sawter than made was.

Judas macabeus.
Of my wurthynesse zyf ze wyll wete
Seche the byble for ther it is wrete.

Arthour.
The round tabyll J sette wt knyghtes strong
Zyt shall J come azen thow it be long.

Charles.
With me dwellyd rouland olyvere
In all my Conquest fer and nere.

Godefrey de Boleyn.
And J was Kyng of Jherusalem
The crowne of thorn I wan fro hem.