Heath flowers :: :: University of Virginia Library

Whan summer's sun, wi' lovely smile,
Adorned the bents o' Aberfoyle,
An' the moss rose began to blaw
On Castle Duchray's ruined wa'—
'Twas then, on Daliel's lovely glade,
I met my bonny Highland Maid.

Let Nobles in the gorgeous ha',
Woo Ladies deckt in jewels braw;
But unto me alone be given,
The heath-couch, 'neath the summer heaven,
Close to a burn and hazel shade,
An' in my arms my Highland Maid.

Then, then let wealth tak' wings an' flee,
It ne'er shall draw ae sigh frae me;
Could I repine, or wish for more,
Blest wi' the lassie I adore,
In native innocence arrayed,
My bonny blooming Highland Maid.

O ne'er will “I that day forget,”
When on fair Duchray's banks we met,
When lone Daliel's romantic groves,
Heard the warm whisper of our loves,
While the unconscious sigh betrayed,
The love-throes of my Highland Maid.

Shackled wi' poortith's iron bands,
I soon may visit distant lands;
But, even in the arms o' death,
I'll muse upon the Land o' Heath;
An' far frae love's woe-soothing aid,
I'll weep for my sweet Highland Maid.