 | The songs and poems of Robert Tannahill |  |
THE FIVE FRIENDS.
Weel, wha's in the bouroch, and what is your cheer?
The best that ye 'll find in a thousand year.
And we 're a' noddin', nid, nid, noddin',
We 're a' noddin' fu' at e'en.
The best that ye 'll find in a thousand year.
And we 're a' noddin', nid, nid, noddin',
We 're a' noddin' fu' at e'en.
There 's our ain Jamie Clark, frae the hall of Argyle,
Wi' his leal Scottish heart, and his kind open smile.
And we 're a' noddin', nid, nid, noddin',
We 're a' noddin' fu' at e'en.
Wi' his leal Scottish heart, and his kind open smile.
And we 're a' noddin', nid, nid, noddin',
We 're a' noddin' fu' at e'en.
There is Will, the gude fallow, wha kills a' our care
Wi' his sang an' his joke—and a mutchkin mair.
And we 're a' noddin', nid, nid, noddin',
We 're a' noddin' fu' at e'en.
Wi' his sang an' his joke—and a mutchkin mair.
And we 're a' noddin', nid, nid, noddin',
We 're a' noddin' fu' at e'en.
There is blithe Jamie Barr, frae St. Barchan's toun,
When wit gets a kingdom, he 's sure o' the croun.
And we 're a' noddin', nid, nid, noddin',
We 're a' noddin' fu' at e'en.
When wit gets a kingdom, he 's sure o' the croun.
And we 're a' noddin', nid, nid, noddin',
We 're a' noddin' fu' at e'en.
There is Rab, frae the south, wi' his fiddle and his flute,
I could list to his strains till the starns fa' out.
And we 're a' noddin', nid, nid, noddin',
We 're a' noddin' fu' at e'en.
I could list to his strains till the starns fa' out.
And we 're a' noddin', nid, nid, noddin',
We 're a' noddin' fu' at e'en.
61
Apollo, for our comfort, has furnished the bowl,
And here is my bardship as blind as an owl.
For we 're a' noddin', nid, nid, noddin',
We 're a' noddin' fu' at e'en.
And here is my bardship as blind as an owl.
For we 're a' noddin', nid, nid, noddin',
We 're a' noddin' fu' at e'en.
| The songs and poems of Robert Tannahill | |