Poems And Songs :: :: University of Virginia Library

I think o' thee, dear Lily Lee,
At gloamin', noon, and morn;
I think o' thee, and o' thy smiles,
Forgetting a' thy scorn;
I think o' thee when ithers praise
The charms they deem divine,
And never think that face is fair
That bears nae trace o' thine.

I think o' thee, dear Lily Lee,
Whene'er, wi' care oppressed,
I breathe my sorrows in thine ear,
And lean upon thy breast.
And though that priceless joy it ne'er
Has been my lot to pree,

122

The sternest sorrow lichtly leans
Whene'er I think o' thee.

I think o' thee, dear Lily Lee,
When pleasures round me flee;
I think how sweeter far they'd been,
Had they been shared by thee.
I paint the joy-flush on thy cheek,
Its sparkle in thine ee,
And fancy a' that lovers wish
Wi' thee, dear Lily Lee.

I'll think o' thee, dear Lily Lee,
Though prudes may ca' it wrang;
I'll roam wi' thee in dreams, and weave
Thy name in mony a sang.
Through a' life's varying, shifting scenes,
Companions we shall be;
For I'll a blithesome dream-life live
Wi' thee, dear Lily Lee.

123

It weel may be, dear Lily Lee,
That, happy as thou art,
A glow o' sympathy for me
May never warm thy heart;
And could we meet as long ago,
Still scornful ye micht be;
But ne'er the less should my delight
Be still to think o' thee.