Life and Songs of the Baroness Nairne With a Memoir and Poems of Caroline Oliphant the Younger: Edited by the Rev. Charles Rogers ... With a Portrait and Other Illustrations |
THE LAIRD O' COCKPEN. |
Life and Songs of the Baroness Nairne | ||
9
THE LAIRD O' COCKPEN.
The laird o' Cockpen, he's proud an' he's great,
His mind is ta'en up wi' things o' the State;
He wanted a wife, his braw house to keep,
But favour wi' wooin' was fashious to seek.
His mind is ta'en up wi' things o' the State;
He wanted a wife, his braw house to keep,
But favour wi' wooin' was fashious to seek.
Down by the dyke-side a lady did dwell,
At his table head he thought she'd look well,
McClish's ae daughter o' Claverse-ha' Lee,
A penniless lass wi' a lang pedigree.
At his table head he thought she'd look well,
McClish's ae daughter o' Claverse-ha' Lee,
A penniless lass wi' a lang pedigree.
His wig was weel pouther'd, and as gude as new;
His waistcoat was white, his coat it was blue;
He put on a ring, a sword and cock'd hat,
And wha could refuse the laird wi' a' that?
His waistcoat was white, his coat it was blue;
He put on a ring, a sword and cock'd hat,
And wha could refuse the laird wi' a' that?
He took the grey mare, and rade cannily,
An' rapp'd at the yett o' Claverse-ha' Lee;
“Gae tell Mistress Jean to come speedily ben,
She's wanted to speak to the laird o' Cockpen.”
An' rapp'd at the yett o' Claverse-ha' Lee;
“Gae tell Mistress Jean to come speedily ben,
She's wanted to speak to the laird o' Cockpen.”
Mistress Jean was makin' the elder-flower wine.
“An' what brings the laird at sic a like time?”
She put aff her apron, and on her silk gown,
Her mutch wi' red ribbons, and gaed awa' down.
“An' what brings the laird at sic a like time?”
She put aff her apron, and on her silk gown,
Her mutch wi' red ribbons, and gaed awa' down.
10
An' when she cam' ben he bowed fu' low,
An' what was his errand he soon let her know;
Amazed was the laird when the lady said “Na,”
And wi' a laigh curtsie she turned awa.’
An' what was his errand he soon let her know;
Amazed was the laird when the lady said “Na,”
And wi' a laigh curtsie she turned awa.’
Dumfounder'd he was, nae sigh did he gie,
He mounted his mare—he rade cannily;
And aften he thought, as he gaed thro' the glen,
She's daft to refuse the laird o' Cockpen.
He mounted his mare—he rade cannily;
And aften he thought, as he gaed thro' the glen,
She's daft to refuse the laird o' Cockpen.
And now that the laird his exit had made,
Mistress Jean she reflected on what she had said;
“Oh, for ane I'll get better, its waur I'll get ten,
I was daft to refuse the Laird o' Cockpen.”
Mistress Jean she reflected on what she had said;
“Oh, for ane I'll get better, its waur I'll get ten,
I was daft to refuse the Laird o' Cockpen.”
Next time that the laird and the lady were seen,
They were gaun arm-in-arm to the kirk on the green;
Now she sits in the ha' like a weel-tappit hen,
But as yet there's nae chickens appear'd at Cockpen.
They were gaun arm-in-arm to the kirk on the green;
Now she sits in the ha' like a weel-tappit hen,
But as yet there's nae chickens appear'd at Cockpen.
Life and Songs of the Baroness Nairne | ||