Life and Songs of the Baroness Nairne With a Memoir and Poems of Caroline Oliphant the Younger: Edited by the Rev. Charles Rogers ... With a Portrait and Other Illustrations |
 |
HUNTINGTOWER. |
|
 | Life and Songs of the Baroness Nairne |  |
100
HUNTINGTOWER.
When ye gang awa, Jamie,
When ye gang awa, laddie,
What will ye gie my heart to cheer,
When ye are far awa, Jamie?
When ye gang awa, laddie,
What will ye gie my heart to cheer,
When ye are far awa, Jamie?
I'll gie ye a braw new goun, Jeanie,
I'll gie ye a braw new goun, lassie,
An' it will be a silken ane,
Wi' Valenciennes trimm'd round, Jeanie.
I'll gie ye a braw new goun, lassie,
An' it will be a silken ane,
Wi' Valenciennes trimm'd round, Jeanie.
O that's nae luve at a', laddie,
That's nae luve at a', Jamie;
How could I bear braw gouns to wear,
When ye are far awa, laddie!
That's nae luve at a', Jamie;
How could I bear braw gouns to wear,
When ye are far awa, laddie!
But mind me when awa, Jamie,
Mind me when awa, laddie,
For out o' sicht is out o' mind
Wi' mony folk, we ken, Jamie.
Mind me when awa, laddie,
For out o' sicht is out o' mind
Wi' mony folk, we ken, Jamie.
Oh! that can never be, Jeanie,
Forgot ye ne'er can be, lassie,
Oh gang wi' me to the north countrie,
My bonny bride to be, Jeanie.
Forgot ye ne'er can be, lassie,
Oh gang wi' me to the north countrie,
My bonny bride to be, Jeanie.
101
The hills are grand and hie, Jeanie,
The burnies rinnin' clear, lassie,
Mang birks and braes, where wild deer strays,
Oh cum wi' me and see, lassie.
The burnies rinnin' clear, lassie,
Mang birks and braes, where wild deer strays,
Oh cum wi' me and see, lassie.
I winna gang wi' thee, laddie,
I tell't ye sae afore, Jamie;
Till free consent my parents gie,
I canna gang wi' thee, Jamie.
I tell't ye sae afore, Jamie;
Till free consent my parents gie,
I canna gang wi' thee, Jamie.
But when ye're wed to me, Jeanie,
Then they will forgie, lassie;
How can ye be sae cauld to me,
Wha's lo'ed ye weel and lang, lassie?
Then they will forgie, lassie;
How can ye be sae cauld to me,
Wha's lo'ed ye weel and lang, lassie?
No sae lang as them, laddie,
No sae lang as them, Jamie;
A grief to them I wadna be,
No for the Duke himsel', Jamie.
No sae lang as them, Jamie;
A grief to them I wadna be,
No for the Duke himsel', Jamie.
We'll save our penny fee, laddie,
To keep frae poortith free, Jamie;
An' then their blessing they will gie,
Baith to you an' me, Jamie.
To keep frae poortith free, Jamie;
An' then their blessing they will gie,
Baith to you an' me, Jamie.
Huntingtower is mine, lassie,
Huntingtower is mine, Jeanie;
Huntingtower, an' Blairnagower,
An' a' that's mine is thine, Jeanie!
Huntingtower is mine, Jeanie;
Huntingtower, an' Blairnagower,
An' a' that's mine is thine, Jeanie!
| Life and Songs of the Baroness Nairne | |