 | Songs and carols from a manuscript in the British Museum of the fifteenth century |  |
20
XVI. I drukke, I dare, so wil I may,
Quan I thynke on myn endyng day.
I am a chyld, and born ful bare,
And bare out of this word xal fare;
ȝyt am I but wermys ware,
Thow I clothis go never so gay.
And bare out of this word xal fare;
ȝyt am I but wermys ware,
Thow I clothis go never so gay.
21
Thow I be of meche prys,
Fayr of face, and holdyn wys,
Myn fleych xal fadyn as flour-de-lys,
Quan I am ded and leyd in clay.
Fayr of face, and holdyn wys,
Myn fleych xal fadyn as flour-de-lys,
Quan I am ded and leyd in clay.
Quan I am ded and leyd in ston,
I xal rotyn fleych and bon,
Fro myn fryndys I xal gon;
Cryst help myn sowle quan I ne may.
I xal rotyn fleych and bon,
Fro myn fryndys I xal gon;
Cryst help myn sowle quan I ne may.
Quan I xal al my frendes forsake,
Cryst schyld me fro the fendes blake;
To Jhesu Cryst my sowle I betake,
He be our help on domys day.
Cryst schyld me fro the fendes blake;
To Jhesu Cryst my sowle I betake,
He be our help on domys day.
| Songs and carols from a manuscript in the British Museum of the fifteenth century | |