 |
| XXXVIII. |
| XXXVIII. |
| LXXIII. |
| CXXVI. |
 | Liedersammlungen des XVI. Jahrhunderts, besonders aus der Zeit Heinrichs VIII |  |
[_]
Square brackets denote editorial insertions or emendations. Poems have been selectively extracted from the source text, and thus poem numbers are not sequential.
192
[XXXVIII] [B.] In what estate so euer I be
Timor mortis conturbat me.
1
As I went in a mery mornyng,I hard a byrd boye wep & syng,
Thys was ye tenowr of her talkyng:
timor &c.
2
I asked yat byrd what sche ment,I am a musket boye fayer & gent,
for dred of deth I am al schent:
timor &c.
3
What I schal dey I know no day,what countre or place I can not sey,
wherfor yis song syng I may:
timor &c.
4
Jhesu cryst whane he schuld dey,to hys fader he gan sey:
fader, he sayd, in trinyte
timor &c.
5
All crysten pepull behold & se,yis world is but a vanyte,
& replet with necessyte,
timor [&c]
6
Wak I or sclep, ete or drynke,whan I on my last end do thynk,
for grete fer my sowle do shrynke,
timor &c.
7
God graunte vs grace hym for to serue,& be at owr end whan we sterue,
& frome ye fynd he vs preserue!
timor &c.
193
[XXXVIII] C. Evere more where so euer I be
The dred of deth do troble me.
1
As I went me fore to solase,I hard a mane syght & sey: alase,
Off me now thus stond the case,
ye dred of &c!
2
I haue be lorde of towr & towne,I sett not be my grett renowne,
ffor deth wyll pluckyd [yt] all downe!
ye dred off deth do trobyll me!
3
Whan I shal deye I ame not suere,In what countre or in what howere,
Where fore I sobbyng sey to my power:
ye dred off deth do troble me!
4
Whan my sowle & my body departyd shallbe,Of my Jugment / no man cane tell me!
Nor of my place wher yat I shal be:
yerfore dred of deth do troble me!
5
Jhesu cryst / whan yat he shuld sofer hys passyon,To hys fader he seyd with gret deuocyon,
Thys is ye causse of my intercessyon:
ye dred off deth do troble me!
6
Al crysten pepull be ye wysse & ware,Thys world is butt a chery ffare,
Replett with sorow & fulfyllyd with care!
yerfore ye dred of deth do troble me!
7
Wheyer yat I be mery or good wyne drynk,Whan yat I do on my last daye thynk,
It mak my sowle & body to schrynke,
ffore ye dred of deth sore troble me!
8
Jhesu vs graunt hyme so to honowr,That at owr end he may be owr socowr,
And kepe vs fro ye fendes powr,
ffor yan dred off deth shal not troble me!
237
[LXXIII] Tyrly tirlow, tirly tirlow
so merily the shepardes be gan to blow!
1
A bowt the felde they pypyd ryght,So meryly the shepardes be gan to blow,
A down from hevyn yat ys so hygh:
terly terlow!
238
2
Angellys ther cam A cumpany,with mery songes And mel[o]dy,
The shepardes A non that gan A spye
terly terlow!
3
Gloria in excel[s]is the Angels song,& sayd yat pease was present A mong,
To euery man yat the feyth wolde fong!
terly terlow!
4
The sheperdes hyed them to bedlem,to se that blessyd son beme
And ther they fond yat glorius leme!
terly terlow!
5
Now pray we to yat meke chyld,And to hys moder yat ys so myld,
The whych was never defyled!
terly terlow!
Explicit.
283
[CXXVI] hay, hay! by this day!
What avayleth it me throwgh I say nay!)
1
I wold ffayn be a clarke,but yet hit is a strange werke,
the byrchyn twygges be so sharpe,
Hit makith me haue a faynt harte!
what avaylith it me thowgh I say nay.
2
On monday in ye mornyng whan I shall riseat VI. of the clock, hyt is the gise
to go to skole withowt A vise,
I had lever go XXti myle twyse!
what avaylith it me thowgh I say nay?
3
My master lokith as he were madde,“Wher hast you be, thow sory ladde?”
“Milked Dukkes, my moder badde!”
Hit was no mervayle thow I were sadde.
what vaylith it me thowgh I say nay?
4
my master pepered my ars with well good spede:hit was worse than ffynkyll sede!
he wold not leve till it did blede!
Myche sorow haue he for his dede!
What vayleth it me thowgh I say nay?
5
I wold my master wer a watt,& my boke a wyld Catt,
& a brase of grehowndes in his toppe,
I wold be glad for to se that!
What vayleth it me thowgh I say nay?
6
I wold my master were an hare,& all his bokes howndes were,
& I my self a Joly Hontere!
to blowe my horn I wold not spare!
ffor if he were dede I wold not care.
What vaylith me thowgh I say nay?
Explicit.
| Liedersammlungen des XVI. Jahrhunderts, besonders aus der Zeit Heinrichs VIII | |