 | The Lay Folks Prayer Book |  |
15
Patris sapiencia.
The wisdom of þe fadir,
Þe treuþe of þe hiȝ king,
God and man was takun
In þe morenyng.
Þe treuþe of þe hiȝ king,
God and man was takun
In þe morenyng.
Of hise knowun disciplis
Soone he was forsak;
Sold & put to peyne,
Mankynde saaf to make.
Soone he was forsak;
Sold & put to peyne,
Mankynde saaf to make.
We worschipe þee, crist, & blesse to þee;
ffor bi þi deeþ þou hast aȝenbouȝt þe world.
19
Hora prima.
Ihesu, at oure of pryme,
Was led to fore pilat;
Wiþ false witnessyng
Michel accused for hate;
Was led to fore pilat;
Wiþ false witnessyng
Michel accused for hate;
Buffetid; hise hondis weren boundun;
Þei spaten in his face;
Þus þei biseien foule,
Oure lord, king of grace.
Þei spaten in his face;
Þus þei biseien foule,
Oure lord, king of grace.
We worschipe þee, crist, & blesse to þee;
Ffor bi þi deeþ þou hast aȝenbouȝt þe world.
22
[Crucifige clamitant.]
At vndren þe false iewis
Crieden with hiȝ vois,
“Delyuere vs baraban,
And do þis on þe cros!”
Crieden with hiȝ vois,
“Delyuere vs baraban,
And do þis on þe cros!”
A scharp coroun of þornes
Þei diden on his heed;
And dide him bere his cros.
Þere he schulde be deed.
Þei diden on his heed;
And dide him bere his cros.
Þere he schulde be deed.
e worschipe þee, crist, & blesse to þee;
Ffor bi þi deeþ þou hast aȝenbouȝt þe world.
25
[Hora sexta.]
At myddai, oure lord ihesu
Was nailed on þe rode,
Bitwixe twey þeeues hangid;
His bodi ran al on blood.
Was nailed on þe rode,
Bitwixe twey þeeues hangid;
His bodi ran al on blood.
Hym þirstide for peyne;
Þei ȝauen him drynke galle.
Al þis peyne he suffride,
Ffro deeþ to bie us alle.
Þei ȝauen him drynke galle.
Al þis peyne he suffride,
Ffro deeþ to bie us alle.
We worschipe þee, crist, & blesse to þee,
Ffor bi þi deeþ þou hast aȝen bouȝt þe world.
28
Hora nona.
At noon diede oure lord ihesu,
Þat was of myȝtes moost;
He criede ‘heli’ to his fadir,
And so he lefte his gooste.
Þat was of myȝtes moost;
He criede ‘heli’ to his fadir,
And so he lefte his gooste.
A spere in to his side
Was þrillid of a kniȝt;
And þanne þe erþe quakede;
Þe sunne wiþ-drowe his liȝt.
Was þrillid of a kniȝt;
And þanne þe erþe quakede;
Þe sunne wiþ-drowe his liȝt.
e worschipe þee, crist, & blesse to þee,
Ffor bi þi deeþ þou hast aȝenbouȝt þe world.
30
[De cruce deponitur.]
Fro cros, crist was takun doun
At euesong tyme, we fynde;
Power of resurreccioun
Was hid in goddis mynde.
At euesong tyme, we fynde;
Power of resurreccioun
Was hid in goddis mynde.
Þe medicyn of liyf, bi storie,
Took sithe deeþ out of toun.
Allas! þe coroun of glorie
Was þus cast vpsedoun.
Took sithe deeþ out of toun.
Allas! þe coroun of glorie
Was þus cast vpsedoun.
We worschipe þee, crist, and blesse to þee;
Ffor bi þi deeþ þou hast aȝenbouȝt þe world.
34
[Hora completorii.]
At our of comepelyn
Þei leiden hym in graue,
Þe noble bodi of ihesu,
Þat mankynde schal saue.
Þei leiden hym in graue,
Þe noble bodi of ihesu,
Þat mankynde schal saue.
With spicerie he was biried,
Hooli writ to fulfille.
Þenke we sadli on his deeþ;
Þat schal saue us from helle.
Hooli writ to fulfille.
Þenke we sadli on his deeþ;
Þat schal saue us from helle.
We worschipe þee, crist, & blesse to þee.
Ffor bi þi deeþ þou hast aȝenbouȝt þe world.
| The Lay Folks Prayer Book | |