The Croodlin Doo; or, The Wee Croodlen Doo
LORD RANDAL—K
[_]
a. Chambers' Scottish Ballads, p. 324. b. Chambers'
Popular Rhymes of Scotland, 1842, p. 53. c. The Stenhouse-Laing
ed. of Johnson's Museum, iv, 364, communicated
by Charles Kirkpatrick Sharpe.
1
‘O whaur hae ye been a' the day, my little wee croodlin doo?’
‘O I've been at my grandmother's; mak my bed, mammie, now!’
2
‘O what gat ye at your grandmother's, my little wee croodlin doo?’
‘I got a bonnie wee fishie; mak my bed, mammie, now!’
3
‘O whaur did she catch the fishie, my bonnie wee croodlin doo?’
‘She catchd it in the gutter hole; mak my bed, mammie, now!’
4
‘And what did she do wi the fish, my little wee croodlin doo?’
‘She boiled it in a brass pan; O mak my bed, mammie, now!’
5
‘And what did ye do wi the banes o't, my bonnie wee croodlin doo?’
‘I gied them to my little dog; mak my bed, mammie, now!’
6
‘And what did your little doggie do, my bonnie wee croodlin doo?’
‘He stretched out his head, his feet, and deed; and so will I, mammie, now!’
