Ane Co[m]pendious [buik] of godlie Psalmes and spirit[uall Sangis] collectit furthe of sindrie pa[rtis of the] Scripture, with diueris utheris [balla]tis changeit out of prophaine [sangis] in godlie sangis, for [avodying of] sin and harlatrie. With [aug]mentation of sindrie [gude] and godlie Ballattis not contenit in the first editioun [by John Wedderburn] |
[Welcvm Lord Christ, welcum againe] |
Ane Co[m]pendious [buik] of godlie Psalmes and spirit[uall Sangis] | ||
[Welcvm Lord Christ, welcum againe]
Welcvm Lord Christ, welcum againe,
My Ioy, my confort, and my blis,
That culd me saue from hellis paine?
Bot onlie thow nane was nor is.
My Ioy, my confort, and my blis,
That culd me saue from hellis paine?
Bot onlie thow nane was nor is.
Thairfoir I may richt baldly say.
Geue Christ the quhilk hes me redrest,
Be on my syde quhilk hes done pay,
My ransoun quha can me molest.
Geue Christ the quhilk hes me redrest,
Be on my syde quhilk hes done pay,
My ransoun quha can me molest.
Sen Christ now hes, maid me at one,
With God the Father, and did die,
To mak me Iust, to gloir is gone,
Than quhat ar thay can condampne me.
With God the Father, and did die,
To mak me Iust, to gloir is gone,
Than quhat ar thay can condampne me.
Was neuer nane to me mair kynde,
Nor Christ, thairfoir I will him pryse,
Onlie with Saule, body, and mynde
My hope and traist, haill in him lyis.
Nor Christ, thairfoir I will him pryse,
Onlie with Saule, body, and mynde
My hope and traist, haill in him lyis.
151
Bot that quhilk Scripture hes exprest,
Ane Sacrifice, Christ anis thairfoir,
Offer it to God, quhilk smellit best,
For my trespas I seik no moir.
Ane Sacrifice, Christ anis thairfoir,
Offer it to God, quhilk smellit best,
For my trespas I seik no moir.
My part is than, from Sin to reis,
And cleif to Christ, quhilk hes supprest,
Sin, deith, and hell, and maid my peace,
Throw Faith, in him that I micht rest.
And cleif to Christ, quhilk hes supprest,
Sin, deith, and hell, and maid my peace,
Throw Faith, in him that I micht rest.
FINIS.
Ane Co[m]pendious [buik] of godlie Psalmes and spirit[uall Sangis] | ||