Ane compendious and breue tractate concernyng ye Office and Dewtie of Kyngis spirituall pastoris, and temporall iugis. Laitlie compylit be William Lauder, for the faithfull instructioun of Kyngis and Prencis. Edited by Fitzedward Hall |
 |
|
FOLLOUIS THE DISCRIPTIOUN OF THE DIFFERENCE
BETUIX THE KYNG AND HIS VASSALL, IN THE SYCHT OF GOD. |
 | Ane compendious and breue tractate concernyng ye Office and Dewtie of Kyngis |  |
FOLLOUIS THE DISCRIPTIOUN OF THE DIFFERENCE BETUIX THE KYNG AND HIS VASSALL, IN THE SYCHT OF GOD.
Qvhat is yir kings more than ye pure,Except thair office & thair cure?
Nothing, at all, to rekin rycht,
Different, in to Goddis sycht,
Than bene the purest Creature
That euir wes formit of nature.
For Christe did suffer wyllinglie,
To saif Man Vniuersallie,
And sched, also, quha vnderstude,
Als gret abundance of his blude
For the pure sely nakit thyng
As he sched for the Potent kyng.
And he thame boith did mak of claye,
Quhare to thay mon returne sum daye.
Quhat geue thay boith to heuin ascend,
Quhare thare is Ioye withouttin end,
Sall this gret kyng be sett more hie,
Amangs the heuinlie companye,
Be reasoun of his land and rent
That he had in to erth to spent,
Than the pure sely naikit wycht?
I can nocht solue that questioun rycht;
Bot, I trow, as thay boith deseruit,
Thay sall elykewyse thare be seruit.
Bot, I knaw, and thay boith discend
Tyll hell, quhare thare is paine but end,
6
That ever he pat lyfe in to,
Geue that thare ony places be
More creuell than vthers in degre,
Thare sall it be the kyngis dwellyng,
With gretyng, raryng, and with ȝellyng:
Because the kyng had in his handis
The rewle of hunders and thousandis,
Quhome that he sufferit, in his dayis,
To tyne and perysche mony wayis;
And the vile Catyue, naikit and pure,
Had of hym self bot onlye cure.
| Ane compendious and breue tractate concernyng ye Office and Dewtie of Kyngis | |