University of Virginia Library

Search this document 
The English and Scottish Popular Ballads

Edited by Francis James Child.
0 occurrences of England's black tribunal
[Clear Hits]

expand sectionI. 
expand sectionII. 
expand sectionIII. 
expand sectionIV. 
expand sectionV. 
expand sectionVI. 
expand sectionVII. 
expand sectionVIII. 
collapse sectionIX. 
expand section266. 
expand section267. 
expand section268. 
expand section269. 
expand section270. 
expand section271. 
expand section272. 
expand section273. 
expand section274. 
expand section275. 
expand section276. 
expand section277. 
expand section278. 
expand section279. 
expand section280. 
expand section281. 
expand section282. 
expand section283. 
expand section284. 
expand section285. 
expand section286. 
expand section287. 
expand section288. 
expand section289. 
expand section290. 
expand section291. 
expand section292. 
expand section293. 
expand section294. 
expand section295. 
expand section296. 
expand section297. 
expand section298. 
expand section299. 
expand section300. 
expand section301. 
expand section302. 
expand section303. 
expand section304. 
expand section305. 

0 occurrences of England's black tribunal
[Clear Hits]

Mary Hamilton

MARY HAMILTON—D

[_]

Motherwell's MS., p. 267; from the recitation of Miss Nancy Hamilton and Mrs Gentles, January, 1825.

1

There lives a knight into the north,
And he had daughters three;
The ane of them was a barber's wife,
The other a gay ladie.

2

And the youngest of them is to Scotland gane,
The queen's Mary to be,
And a' that they could say or do,
Forbidden she woudna be.

3

The prince's bed it was sae saft,
The spices they were sae fine,
That out of it she couldna lye
While she was scarse fifteen.

4

She's gane to the garden gay
To pu of the savin tree;
But for a' that she could say or do,
The babie it would not die.

5

She's rowed it in her handkerchief,
She threw it in the sea;
Says, Sink ye, swim ye, my bonnie babe!
For ye'll get nae mair of me.

6

Queen Mary came tripping down the stair,
Wi the gold strings in her hair:
‘O whare's the little babie,’ she says,
‘That I heard greet sae sair?’

7

‘O hold your tongue, Queen Mary, my dame,
Let all those words go free!
It was mysell wi a fit o the sair colic,
I was sick just like to die.’

8

‘O hold your tongue, Mary Hamilton,
Let all those words go free!
O where is the little babie
That I heard weep by thee?’

9

‘I rowed it in my handkerchief,
And threw it in the sea;
I bade it sink, I bade it swim,
It would get nae mair o me.’

10

‘O wae be to thee, Marie Hamilton,
And an ill deid may you die!
For if ye had saved the babie's life
It might hae been an honour to thee.

11

‘Busk ye, busk ye, Marie Hamilton,
O busk ye to be a bride!
For I am going to Edinburgh toun,
Your gay wedding to bide.

12

‘You must not put on your robes of black,
Nor yet your robes of brown;
But you must put on your yellow gold stuffs,
To shine thro Edinburgh town.’

13

‘I will not put on my robes of black,
Nor yet my robes of brown;
But I will put on my yellow gold stuffs,
To shine thro Edinburgh town.’

14

As she went up the Parliament Close,
A riding on her horse,
There she saw many a cobler's lady,
Sat greeting at the cross.

388

15

‘O what means a' this greeting?
I'm sure its nae for me;
For I'm come this day to Edinburgh town
Weel wedded for to be.’

16

When she gade up the Parliament stair,
She gied loud lauchters three;
But ere that she came down again,
She was condemned to die.

17

‘O little did my mother think,
The day that she prinned my gown,
That I was to come sae far frae hame
To be hangid in Edinburgh town.

18

‘O what'll my poor father think,
As he comes thro the town,
To see the face of his Molly fair
Hanging on the gallows-pin!

19

‘Here's a health to the marineres,
That plough the raging main!
Let neither my mother nor father know
But I'm coming hame again!

20

‘Here's a health to the sailors,
That sail upon the sea!
Let neither my mother nor father ken
That I came here to die!

21

‘Yestreen the queen had four Maries,
This night she'll hae but three;
There was Mary Beaton, and Mary Seaton,
And Mary Carmichael, and me.’

22

‘O hald your tongue, Mary Hamilton,
Let all those words go free!
This night eer ye be hanged
Ye shall gang hame wi me.’

23

‘O hald your tongue, Queen Mary, my dame,
Let all those words go free!
For since I have come to Edinburgh toun,
It's hanged I shall be,
And it shall neer be said that in your court
I was condemned to die.’