The Story of England by Robert Manning of Brunne, A.D. 1338. Edited from mss. at Lambeth Palace and the Inner Temple, by Frederick J. Furnivall |
The Story of England | ||
Gwyntelyn Rex, cuius vxor Marciena Sapiens fuit.
Whan Gurgoynt hadde don his fyn,Regned his sone Gwyntelyn;
A god man was for þe maystrie,
& his wyf highte dame Marcye.
Dame Marcye was mikel of pris;
Of landes lawe scheo was ful wys;
Scheo studyed faste to make þe lawe.
ffor hure þey caldyt by þat dawe,
In Bretons tyme, als y wene,
Þey calde þat lawe Marcyene.
ffro kyng to kyng þat lawe men wrot,
& Englysche kynges ȝit hit wot;
Marchenlage, þe Englisch hit calde;
In eyghte schires þat lawe ȝit men halde,
131
Hereforde, Wynchestre, Schropschire, Stafford.
And Gwyntelyn & Marcyen,
A knaue child hadden þem bytwen.
The Story of England | ||