University of Virginia Library

Search this document 
The Minor Poems of John Lydgate

edited from all available mss. with an attempt to establish The Lydgate Canon: By Henry Noble MacCracken
5 occurrences of Beholde and se
[Clear Hits]

expand sectionI. 
collapse sectionII. 
expand section 
expand section 
expand section 
expand section 
expand section 
expand section 
expand section 

5 occurrences of Beholde and se
[Clear Hits]

24

Off Paternostres and aues seid betweene
The same noumbre with good devocioun,
The hevenessys rehersyd ful ffifteene
At eende of everich, as maad is mencioun,
By a maneer pitous compassioun
With our lady, hir sorwys to complayne,
Lik as the picture in ordre did ordeyne.

25

Which to reherse, outhir to remembre,
Lyk as I fond I caste me to endite,
Of dreedful herte tremblyng in euery membre,
My penne quakyng whan I gan to write,
For to beholde the terys reed and white
In sondry placys from hir eyness reyne,
Which to considre it was to me gret peyne.

26

God graunt it be to hir no displesaunce,
That I was bold to writen, seyn, or reede
Hir heuynessis, list the remembraunce
Of sorwys passyd, which she felte in deede,
In any wise shuld trouble hir womanheede,
But of compassioun they may myn herte perce,
To that entent I do hem heere reherce.
Explicit prologus.