The Poetry of Robert Burns Edited by William Ernest Henley and Thomas F. Henderson |
![]() | I. |
![]() |
![]() |
![]() |
![]() |
ON THE LATE CAPTAIN GROSE'S PEREGRINATIONS THRO' SCOTLAND
|
![]() | 2. |
![]() | III. |
![]() | IV. |
![]() | The Poetry of Robert Burns | ![]() |
ON THE LATE CAPTAIN GROSE'S PEREGRINATIONS THRO' SCOTLAND
COLLECTING THE ANTIQUITIES OF THAT KINGDOM
I
Hear, Land o' Cakes, and brither ScotsFrae Maidenkirk to Johnie Groat's,
If there's a hole in a' your coats,
I rede you tent it:
A chield's amang you takin notes,
And faith he'll prent it:
290
II
If in your bounds ye chance to lightUpon a fine, fat, fodgel wight,
O' stature short but genius bright,
That's he, mark weel:
And wow! he has an unco sleight
O' cauk and keel.
III
By some auld, houlet-haunted biggin,Or kirk deserted by its riggin,
It's ten to ane ye'll find him snug in
Some eldritch part,
Wi' deils, they say, Lord safe's! colleaguin
At some black art.
IV
Ilk ghaist that haunts auld ha' or chamer,Ye gipsy-gang that deal in glamour,
And you, deep-read in hell's black grammar,
Warlocks and witches:
Ye'll quake at his conjúring hammer,
Ye midnight bitches!
V
It's tauld he was a sodger bred,And ane wad rather fa'n than fled;
291
And dog-skin wallet,
And taen the—Antiquarian trade,
I think they call it.
VI
He has a fouth o' auld nick-nackets:Rusty airn caps and jinglin jackets
Wad haud the Lothians three in tackets
A towmont guid;
And parritch-pats and auld saut-backets
Before the Flood.
VII
Of Eve's first fire he has a cinder;Auld Tubalcain's fire-shool and fender;
That which distinguishèd the gender
O' Balaam's ass;
A broomstick o' the witch of Endor,
Weel shod wi' brass.
VIII
Forbye, he'll shape you aff fu' glegThe cut of Adam's philibeg;
The knife that nicket Abel's craig
He'll prove you fully,
It was a faulding jocteleg,
Or lang-kail gullie.
292
IX
But wad ye see him in his glee—For meikle glee and fun has he—
Then set him down, and twa or three
Guid fellows wi' him;
And port, O port! shine thou a wee,
And then ye'll see him!
X
Now, by the Pow'rs o' verse and prose!Thou art a dainty chield, O Grose!—
Whae'er o' thee shall ill suppose,
They sair misca' thee;
I'd take the rascal by the nose,
Wad say, ‘Shame fa' thee.’
![]() | The Poetry of Robert Burns | ![]() |