Poems of John Stewart of Baldyneiss :: :: University of Virginia Library

Poems of John Stewart of Baldyneiss

From the MS. in the Advocates' Library, Edinburgh: Edited by Thomas Crockett

Stewart, John

Ane abbregement of roland furiovs translait ovt of Ariost, togither vith svm rapsodies of the authors ȝovthfvll braine, And last ane schersing ovt of trew felicitie, composit in scotis meitir be J. Stewart of Baldynneis.

Collapse All | Expand All expand section

188

IN GOING TO HIS LUIF.

SONNET.

O siluer hornit Diane, nychtis queine,
Quha for to kis Endimeon did discend,
Gif flamme of luif thow haid don than susteine,
As I do now that instant dois pretend
T' embrasse my luif, Not villing to be kend,
Vith mistie vaill thow vold obscuir thy face
for reuth of me that dois sic trauell spend.
And finding now this vissit grant of grace,
Bot lett it be thy borrowit lycht alace,
I staying stand in feir for to be seine,
Sen yndling eine Inwirons all this place,
Quhois cursit mouths ay to defame dois meine.
Bot nether thay Nor ȝit thy schyning cleir
May cause appeir my secret luif synceir.