Poems of John Stewart of Baldyneiss :: :: University of Virginia Library

Poems of John Stewart of Baldyneiss

From the MS. in the Advocates' Library, Edinburgh: Edited by Thomas Crockett

Stewart, John

Ane abbregement of roland furiovs translait ovt of Ariost, togither vith svm rapsodies of the authors ȝovthfvll braine, And last ane schersing ovt of trew felicitie, composit in scotis meitir be J. Stewart of Baldynneis.

Collapse All | Expand All expand section

182

OF THE ASSAULTIS OF LUIF.

SONNET.

The deedlie dolor quhilk I do Induir
So dois combuir my bodie all in baill,
That I laik haill And may find no recuir,
Sic sorrow suir so soir dois me assaill.
In vaill and daill all fredome dois me faill,
In seis I saill Schersing remeid thairfoir,
Bot moir And moir My vois I do beuaill,
No vattir paill may quenche my flammes soir.
My reuthfull roir maist humyllie dois Imploir
The mychtie gloir of the bold blindit boy,
Quhois dart of noy my death dois dalie schoir,
As bullering boir me brewelie till distroy,
Och, ons sic ioy to grant me or I die,
That paine I drie may pleis my ladie frie.