Poems of John Stewart of Baldyneiss From the MS. in the Advocates' Library, Edinburgh: Edited by Thomas Crockett |
Poems of John Stewart of Baldyneiss | ||
180
OF ANE SALUTATION OF ANE HOST TO HIS HOSTES.
SONNET.
Guid day, madam, vith humyll thanks also,That me vnto ȝour ludgeing lairge did gyd.
Ȝea, skairs I knew quhan I thairin did go
Quhair I sould vend, the vallis var so vyd.
Thocht than I slippit quhan ȝe bad me byd,
Excuise my part, the falt vas not in me:
Ȝour pathed pathment meid my paessis slyd,
That I vas forst to bow vpon my kne.
Bot ȝit I thank ȝow of ȝour ludgeing frie,
I grant in deid ȝe hold ane oppine port,
Bot inexpert I am to suym the sie
Quhilk flows on bordor of ȝour brod resort,
Quhairin I vat is furnissing but dout
To serwe the turck And all his camp about.
Poems of John Stewart of Baldyneiss | ||