Die Gedichte des Franziskaners Jakob Ryman | ||
292
CXVI. Mary so myld (scripture seyeth þus)
Hath borne a chyld namyd Ihesus.
1
An angelle came vnto thatte maydeAnd knelyd downe vppon his kne,
And vnto here mekely he seyde:
‘Haille, fulle of grace: god ys with the.
2
Of alle women blessid thou be!Thou shalt conceyue and bere alsoo
The sone of god, o lady fre,
Withowten peyn, dolowre and woo.’
3
‘Telle me,’ she seyde, thatt meyden, þan,‘Hou I shalle conceyue and bere a chyld,
Syth I entende to knowe no man,
Butte ever to be clene, vndefyld.’
4
The angelle seyde: ‘The holigostFro blysse a-boue shall lyght in the,
And goddys sone of myghtis most
By his vertu conceyuyd shall be.’
5
‘Ecce, ancilla,’ then seyde sheAnd thankyd god manyafold:
‘The wille of god fulfyllyd be
In me, angelle, as thou hast told.’
6
And, as god wold, so itte was done:By here mekenes in virginite
Sche conceyued thatte tyme ful sone
The secunde persone in trinite.
Die Gedichte des Franziskaners Jakob Ryman | ||