Ane Co[m]pendious [buik] of godlie Psalmes and spirit[uall Sangis] collectit furthe of sindrie pa[rtis of the] Scripture, with diueris utheris [balla]tis changeit out of prophaine [sangis] in godlie sangis, for [avodying of] sin and harlatrie. With [aug]mentation of sindrie [gude] and godlie Ballattis not contenit in the first editioun [by John Wedderburn] |
[All my hart ay this is my sang] |
Ane Co[m]pendious [buik] of godlie Psalmes and spirit[uall Sangis] | ||
[All my hart ay this is my sang]
All my hart ay this is my sang,
With dowbill mirth and ioy amang,
Sa blyith as byrd my God to sang,
Christ hes my hart ay.
With dowbill mirth and ioy amang,
Sa blyith as byrd my God to sang,
Christ hes my hart ay.
Quha hes my hart bot heuinnis King:
Quhilk causis me for ioy to sing.
Quhome that I lufe atouir all thing
Christ hes my hart ay.
Quhilk causis me for ioy to sing.
Quhome that I lufe atouir all thing
Christ hes my hart ay.
He is fair, sober, and bening,
Sweit, meik, and gentill in all thing,
Maist worthiest to haue louing,
Christ hes my hart ay.
Sweit, meik, and gentill in all thing,
122
Christ hes my hart ay.
For vs that blissit barne was borne,
For vs he was baith rent and torne
For vs he was Crownit with thorne,
Christ hes my hart ay.
For vs he was baith rent and torne
For vs he was Crownit with thorne,
Christ hes my hart ay.
For vs he sched his precious blude,
For vs he was naillit on the Rude
For vs he in mony battell stude,
Christ hes my hart ay,
For vs he was naillit on the Rude
For vs he in mony battell stude,
Christ hes my hart ay,
Nixt him to lufe his Mother fair.
With steidfast hart for euer mair,
Scho bure the byrth fred vs from cair,
Christ hes my hart ay.
With steidfast hart for euer mair,
Scho bure the byrth fred vs from cair,
Christ hes my hart ay.
We pray to God that sittis abufe,
Fra him let neuer our hartis remufe,
Nor for na suddand warldly lufe
Christ hes my hart ay.
Fra him let neuer our hartis remufe,
Nor for na suddand warldly lufe
Christ hes my hart ay.
He is the lufe of luifaris all,
He cummis. on him quhen we call
For vs he drank the bitter gall
Christ hes my hart ay.
He cummis. on him quhen we call
For vs he drank the bitter gall
Christ hes my hart ay.
FINIS.
Ane Co[m]pendious [buik] of godlie Psalmes and spirit[uall Sangis] | ||