The Minor Poems of John Lydgate edited from all available mss. with an attempt to establish The Lydgate Canon: By Henry Noble MacCracken |
I. |
II. |
The Minor Poems of John Lydgate | ||
Octauum Gaudium.
17
O lyght and lanterne of synfull þat been blynde!Þeyre souerayne supporte in trybulacyne,
In Ihereusalem þy sune leffte byhynde,
Whane thoue and Ioseph went out of þe towne;
For þylke gladdest Restitucyone
Þou haddest þanne, when þowe came agayne
And in the temple haste þy sonne eseyne,
265
18
Preserue me that I be not loste thoroughe synneBut thoroughe þy mercy þat I may be fonde,
Lat þy pitee neuer fro me twynne,
And that thy grace to mewarde euer Rebounde,
Suffre none enemy þy seruant to confounde,
But in al myscheef þat shoulde me dyscoumfort,
Vn-to thy helpe þat I may ay Resorte.
aue Maria.
19
Of þe Holy Gooste, O þowe chossine tabarnacle!At the weddyng of him Archideclyne,
For þilke Ioye þowe haddeste by myracle,
Whan þe water was tornyd in-to wynne
Þere by þy sune, O blessed lady myne!
Praye him for me, O pryncesse moost notable!
Or he me deme, for to bee mercyable.
Aue Maria.
20
Fayreste of fayre moost gracieuse and benigne!Whos goodnesse no clarke cane descryve,
For that myracle and þat gloryous signe
Whanne Criste fyve thousand fedde with loves fyve,
For þilke Ioye, þowe socoure me nowe belyve,
And graunte I may, O þowe hewenly Roose!
My fyve wittes to þy plesaunce dispoose.
Aue Maria.
21
And gloryose Pryncesse, for þat hegh pyteeÞoue whylome haddest, and grette compassyoun,
Whanne þat þy sonne thoroughe Iowys cruwelte
Hade for oure sake dethe, pyne, and passyone
Wppon þe crosse, for oure Redempcyone;
Thoroughe thy prayer my soule þoue gouerne,
Me to delyuer frome dethe which is eterne.
Aue Maria.
The Minor Poems of John Lydgate | ||