Poems of John Stewart of Baldyneiss From the MS. in the Advocates' Library, Edinburgh: Edited by Thomas Crockett |
 |
 |
|
|
 | Poems of John Stewart of Baldyneiss |  |
176
TO HIS MAISTRES.
DIȜHUICTAIN.
That vofull hour quhan I ȝour presence left,Thocht ȝe estemd the sam bot to depart,
Ȝit moir to me it bein, Quhois spreits vas reft
from all the syntirs of my troublit hart.
I neuir ȝit did find sic ioy Inwart
Be presence sueit, Quhilk peirles did me pleis,
As absence now vith scharpest schours of smart
Ten thousand vayis dois moir my mynd miseis.
As fyrie vod in feruent flamme dois bleis,
Consumit am I so vith thochtfull cair,
And laiking ȝow, Quha may my murnyng meis,
Ay duyning dies in dalie deip dispair.
O paragon of pulchritude preclair,
Quhais beutie both my bliss and baill hes bred,
lat ons thy seruant sie thy visage fair
Tormentit heir vithin my restles bed,
So lyf or death than sall I suirlie knaw,
Ewen as ȝour breath the oracle doith blaw.
| Poems of John Stewart of Baldyneiss | |