Ane Co[m]pendious [buik] of godlie Psalmes and spirit[uall Sangis] collectit furthe of sindrie pa[rtis of the] Scripture, with diueris utheris [balla]tis changeit out of prophaine [sangis] in godlie sangis, for [avodying of] sin and harlatrie. With [aug]mentation of sindrie [gude] and godlie Ballattis not contenit in the first editioun [by John Wedderburn] |
 |
|
|
[Qvho is at my windo, quho, quho] |
 | Ane Co[m]pendious [buik] of godlie Psalmes and spirit[uall Sangis] |  |
[Qvho is at my windo, quho, quho]
Qvho is at my windo, quho, quho,
Go from my windo, go, go,
Quho callis thair, sa lyke a strangair
Go from my windo go.
Go from my windo, go, go,
Quho callis thair, sa lyke a strangair
Go from my windo go.
Lord I am heir ane wretchit mortall,
That for thy mercy dois cry and call:
Unto the my Lord Celestiall
Se quho is at my windo, quho.
That for thy mercy dois cry and call:
Unto the my Lord Celestiall
Se quho is at my windo, quho.
How dar thow for mercy cry?
Sa lang in Sin as thow dois ly,
Mercy to haue thow art not worthy
Go from my windo, go.
Sa lang in Sin as thow dois ly,
Mercy to haue thow art not worthy
Go from my windo, go.
My gylt gude Lord I will refuse,
And the wickit lyfe that I did vse
Traistand thy mercy sall be myne excuse,
Se quho is at thy windo, quho.
And the wickit lyfe that I did vse
Traistand thy mercy sall be myne excuse,
Se quho is at thy windo, quho.
To be excusit, thow wald richt faine,
In spending of thy lyfe in vaine
Hauing my Gospell in greit disdaine,
Go from my winde, go.
In spending of thy lyfe in vaine
Hauing my Gospell in greit disdaine,
117
O Lord I haue offendit the,
Excuse thairof thair can nane be,
I haue followit them that sa teichit me,
Se quho is at my windo, quho.
Excuse thairof thair can nane be,
I haue followit them that sa teichit me,
Se quho is at my windo, quho.
Nay I call the nocht fra my dure I wis,
Lyke ane stranger that vnknawin is,
Thow art my brother, and my will it is
That in at my dure thow go.
Lyke ane stranger that vnknawin is,
Thow art my brother, and my will it is
That in at my dure thow go.
With richt humbill hart Lord I the pray,
Thy comfort and grace obteine I may,
Schaw me the paith and reddy way
In at thy dure for to go.
Thy comfort and grace obteine I may,
Schaw me the paith and reddy way
In at thy dure for to go.
I am cheif gyde to riche and pure,
Schawand the paith way richt to my dure,
I am thair comfort in euerie hour
That in at my dure will go.
Schawand the paith way richt to my dure,
I am thair comfort in euerie hour
That in at my dure will go.
Bot thay that walk ane vther way.
As mony did teiche from day to day,
Thay wer indurit my Gospell did say,
And far from my dure sall go.
As mony did teiche from day to day,
Thay wer indurit my Gospell did say,
And far from my dure sall go.
O gracious Lord comfort of all wicht,
For thy greit power, and cheif excellent micht,
Sen thow art gyde and verray licht,
In at thy dure let me go.
For thy greit power, and cheif excellent micht,
Sen thow art gyde and verray licht,
In at thy dure let me go.
Man I gaue the nocht fre will,
That thow suld my Gospell spill,
Thow dois na gude bot euer ill
Thairfoir from my dure that thow go.
118
Thow dois na gude bot euer ill
Thairfoir from my dure that thow go.
That will allace hes me begylit,
That will sa sair hes me defylit,
That will thy presence hes me exilit,
Ȝit at thy dure lat me go.
That will sa sair hes me defylit,
That will thy presence hes me exilit,
Ȝit at thy dure lat me go.
To blame that will thow dois not richt,
I gaue the ressoun quhairby thow micht,
Haue knawin the day by the dark nicht,
In at my dure for to go.
I gaue the ressoun quhairby thow micht,
Haue knawin the day by the dark nicht,
In at my dure for to go.
Lord, I pray the with all my hart,
Of thy greit mercy remufe my smart,
Lat ane drop of thy grace be my part
That in at thy dure I may go,
Of thy greit mercy remufe my smart,
Lat ane drop of thy grace be my part
That in at thy dure I may go,
I haue spokin in my Scripture
I will the deid of na Creature.
Quha will ask mercy sall be sure
And in at my dure for to go.
I will the deid of na Creature.
Quha will ask mercy sall be sure
And in at my dure for to go.
O Lord quhais mercy is but end,
Quhairin ocht to the I did offend,
Grant me space my lyfe to amend,
That in at thy dure I may go.
Quhairin ocht to the I did offend,
Grant me space my lyfe to amend,
That in at thy dure I may go.
Remember thy sin, and als thy smart
And als for the quhat was my part
Remember the speir that thirlit my hart,
And in at my dure thow sall go.
And als for the quhat was my part
Remember the speir that thirlit my hart,
And in at my dure thow sall go.
119
And it wer ȝit till do againe,
Rather or thow suld ly in paine
I wald suffer mair in certaine,
That in at my dure thow micht go.
Rather or thow suld ly in paine
I wald suffer mair in certaine,
That in at my dure thow micht go.
I ask na thing of the thairfoir,
Bot lufe for lufe, to lay in stoir:
Gif me thy hart I ask no moir
And in at my dure thow sall go.
Bot lufe for lufe, to lay in stoir:
Gif me thy hart I ask no moir
And in at my dure thow sall go.
O gracious Lord Celestiall,
As thow art Lord and King Eternall,
Grant vs grace that we may enter all,
And in at thy dure for to go.
As thow art Lord and King Eternall,
Grant vs grace that we may enter all,
And in at thy dure for to go.
Quho is at my windo, quho,
Go from my windo go,
Cry na mair thair, lyke ane steanger
Bot in at my dure thow go.
Go from my windo go,
Cry na mair thair, lyke ane steanger
Bot in at my dure thow go.
FINIS.
| Ane Co[m]pendious [buik] of godlie Psalmes and spirit[uall Sangis] | |