 | The Poems of Alexander Montgomerie |  |
LXVII. EȜECHIEL MONTG. ANSUEIR TO LADYLAND.
Beloued brother, I haif sene ȝour bill,And smyld to sie the Sonet that ȝe send.
I sie ȝow skornfull, thoght ȝe haif no sk[ill,]
Becaus to play the poet ȝe pretend.
Bot sen ȝe craiv ȝour cunning to be [kend,]
Come on, companion; I becall ȝour crak[s:]
For all the poeme, pleuman, ȝe haif pe[nd,]
I am ouer sair for ȝou and other sax.
To match Montgomerie, thoght a mint [thou maks,]
Thou menes be me thy maich, and mair nor match;
Hou beit thou brave vs, bour! behind our baks,
No man invyis our weilfair, bot a wrech.
Mell not with vs, vhose heads weirs l[aurel . . .]
Our Muse drinks wyne, vhen thyn bot suims in suaits.
If I haif shod ȝou strait, or on a vane,
Gar Peter Barkley drau the naill agane.
| The Poems of Alexander Montgomerie | |